cebuano_ang_biblia_pinadayag

cebuano_ang_biblia_pinadayag@Job:39:1 @ ¶ Nahibalo ka ba sa panahon nga ig-alanak sa kanding sa bato? makatimaan ba ikaw ug mga lagsaw nga baye nga nanganak?

cebuano_ang_biblia_pinadayag@Job:39:2 @ Naisip ba nimo ang gidaghanon sa bulan sa ilang pagpanamkon? Kun nasayud ka ba sa adlaw sa ilang pagpanganak?

cebuano_ang_biblia_pinadayag@Job:39:3 @ Sila modungo sa ilang kaugalingon, lanak nila ang ilang mga gagmay, Magahaw-as sila sa ilang mga kasakit.

cebuano_ang_biblia_pinadayag@Job:39:4 @ Ang ilang mga anak mahimong kusgan, sila sa kalibonan nanagtubo; Sila manlakaw ug dili na mamalik pag-usab.

cebuano_ang_biblia_pinadayag@Job:39:5 @ Kinsa ba ang nagbuhi sa asno nga ihalas? Kun kinsa ba ang nagbadbad sa pisi nga gigapusan sa asno nga matulin,

cebuano_ang_biblia_pinadayag@Job:39:6 @ Kang kansang pinuy-anan maoy gihimo ko nga kamingawan, Ug ang yuta nga asin maoy iyang puloy-anan?

cebuano_ang_biblia_pinadayag@Job:39:7 @ Siya nagayam-id sa kagahub sa ciudad, Ni mamati siya sa pagsinggit sa mag-aabog.

cebuano_ang_biblia_pinadayag@Job:39:8 @ Ang lungbay sa kabukiran maoy iyang sibsibanan, Ug siya magapangita sa tanang butang nga lunhaw.

cebuano_ang_biblia_pinadayag@Job:39:9 @ Mahimuot ba ang vaca nga ihalas sa pag-alagad kanimo? Kun buot ka ba nga siya mopabilin sa imong pasungan?

cebuano_ang_biblia_pinadayag@Job:39:10 @ Ikagakud ba nimo ang vaca nga ihalas sa iyang pisi diha sa tudling? Kun modaro ba siya sa mga walog sa imong likod?

cebuano_ang_biblia_pinadayag@Job:39:11 @ Mosalig ka ba kaniya tungod kay siya makusganon kaayo? Kun ibilin ba nimo kaniya ang imong bulohaton?

cebuano_ang_biblia_pinadayag@Job:39:12 @ Igasalig ba nimo kaniya, nga siya maoy magdala sa binhi ngadto sa imong balay, Ug tigumon sa imong salug nga giukan?

cebuano_ang_biblia_pinadayag@Job:39:13 @ ¶ Ang mga pako sa avestruz mokapakapa uban ang garbo; Apan maaghup ba ang iyang mga pako ug mga balhibo?

cebuano_ang_biblia_pinadayag@Job:39:14 @ Tungod kay iya man nga biyaan ang iyang mga itlog sa yuta, Ug painitan sila diha sa balas,

cebuano_ang_biblia_pinadayag@Job:39:15 @ Ug hikalimtan nila nga kini madabok sa tiil, Kun katumban ba sila sa mananap nga ihalas.

cebuano_ang_biblia_pinadayag@Job:39:16 @ Mabangis siya sa iyang mga kuyabog, ingon nga daw sila dili iya: Bisan makawang ang iyang kabudlay, dili mahadlok;

cebuano_ang_biblia_pinadayag@Job:39:17 @ Tungod kay gikuhaan siya sa Dios ug kaalam, Ni gihatagan siya ug salabutan.

cebuano_ang_biblia_pinadayag@Job:39:18 @ Sa panahon nga siya molupad sa itaas, Siya magayam-id sa kabayo ug sa nagkabayo niini.

cebuano_ang_biblia_pinadayag@Job:39:19 @ ¶ Nahatagan mo ba ang kabayo sa iyang kakusog? Gibistihan mo ba ang iyang liog sa lambungay nga nagakurogkurog?

cebuano_ang_biblia_pinadayag@Job:39:20 @ Ikaw ba ang naghimo kaniya nga makalukso sama sa dulon? Ang himaya sa iyang pagpangusmo makalilisang.

cebuano_ang_biblia_pinadayag@Job:39:21 @ Diha sa walog siya nagakakha, ug nalipay tungod sa iyang kusog: Siya mogula aron sa pagpakighibalag sa mga tawong sangkap sa hinagiban.

cebuano_ang_biblia_pinadayag@Job:39:22 @ Ang kalisang iyang ginatamay, ug dili siya kapugdawan; Ni motalikod siya sa pinuti.

cebuano_ang_biblia_pinadayag@Job:39:23 @ Ang baslayan nagkagalkal batok kaniya, Ang bangkaw nga nagpangidlap ug ang salapang.

cebuano_ang_biblia_pinadayag@Job:39:24 @ Iyang itulon ang yuta tungod sa kabangis ug kaligutgut; Ni motagad siya sa tingog sa trompeta.

cebuano_ang_biblia_pinadayag@Job:39:25 @ Sa masubsob nga ang trompeta patingogon, siya magaingon: Aha! Ug siya makabaho sa panag-away gikan sa halayo, Sa dalugdug sa mga punoan, ug sa singgitay.

cebuano_ang_biblia_pinadayag@Job:39:26 @ ¶ Maglupad ba ang banog tungod sa iyang kaalam, Ug magtuy-od sa iyang mga pako padulong sa habagatan?

cebuano_ang_biblia_pinadayag@Job:39:27 @ Maglupad ba ang agila sa itaas tungod sa imong pagmando, Ug magbalay sa iyang salag sa kahitas-an?

cebuano_ang_biblia_pinadayag@Job:39:28 @ Siya sa ibabaw sa pangpang nagapuyo, ug tua didto ang iyang pinuy-anan: Sa kinatumyan sa pangpang, ug sa dapit nga malig-on.

cebuano_ang_biblia_pinadayag@Job:39:29 @ Gikan didto siya magalantaw sa iyang dalagiton; Ang iyang mga mata makatan-aw niana gikan sa halayo.

cebuano_ang_biblia_pinadayag@Job:39:30 @ Ang iya usab nga kuyabog mosupsop ug dugo: Ug hain gani ang mga patay, atua man siya.

Job 39