vul - 10

vul@Joshua:10:1 @ quae cum audisset Adonisedec rex Hierusalem quod scilicet cepisset Iosue Ahi et subvertisset eam sicut enim fecerat Hiericho et regi eius sic fecit Ahi et regi illius et quod transfugissent Gabaonitae ad Israhel et essent foederati eorum

vul@Joshua:10:2 @ timuit valde urbs enim magna erat Gabaon et una regalium civitatum et maior oppido Ahi omnesque bellatores eius fortissimi

vul@Joshua:10:3 @ misit ergo Adonisedec rex Hierusalem ad Oham regem Hebron et ad Pharam regem Hieremoth ad Iaphie quoque regem Lachis et ad Dabir regem Eglon dicens

vul@Joshua:10:4 @ ascendite ad me et ferte praesidium ut expugnemus Gabaon quare transfugerit ad Iosue et filios Israhel

vul@Joshua:10:5 @ congregati igitur ascenderunt quinque reges Amorreorum rex Hierusalem rex Hebron rex Hieremoth rex Lachis rex Eglon simul cum exercitibus suis et castrametati sunt circa Gabaon obpugnantes eam

vul@Joshua:10:6 @ habitatores autem Gabaon urbis obsessae miserunt ad Iosue qui tunc morabatur in castris apud Galgalam et dixerunt ei ne retrahas manus tuas ab auxilio servorum tuorum ascende cito et libera nos ferque praesidium convenerunt enim adversum nos omnes reges Amorreorum qui habitant in montanis

vul@Joshua:10:7 @ ascenditque Iosue de Galgalis et omnis exercitus bellatorum cum eo viri fortissimi

vul@Joshua:10:8 @ dixitque Dominus ad Iosue ne timeas eos in manus enim tuas tradidi illos nullus tibi ex eis resistere poterit

vul@Joshua:10:9 @ inruit itaque Iosue super eos repente tota ascendens nocte de Galgalis

vul@Joshua:10:10 @ et conturbavit eos Dominus a facie Israhel contrivitque plaga magna in Gabaon ac persecutus est per viam ascensus Bethoron et percussit usque Azeca et Maceda

vul@Joshua:10:11 @ cumque fugerent filios Israhel et essent in descensu Bethoron Dominus misit super eos lapides magnos de caelo usque Azeca et mortui sunt multo plures lapidibus grandinis quam quos gladio percusserant filii Israhel

vul@Joshua:10:12 @ tunc locutus est Iosue Domino in die qua tradidit Amorreum in conspectu filiorum Israhel dixitque coram eis sol contra Gabaon ne movearis et luna contra vallem Ahialon

vul@Joshua:10:13 @ steteruntque sol et luna donec ulcisceretur se gens de inimicis suis nonne scriptum est hoc in libro Iustorum stetit itaque sol in medio caeli et non festinavit occumbere spatio unius diei

vul@Joshua:10:14 @ non fuit ante et postea tam longa dies oboediente Domino voci hominis et pugnante pro Israhel

vul@Joshua:10:15 @ reversusque est Iosue cum omni Israhel in castra Galgalae

vul@Joshua:10:16 @ fugerant enim quinque reges et se absconderant in spelunca urbis Maceda

vul@Joshua:10:17 @ nuntiatumque est Iosue quod inventi essent quinque reges latentes in spelunca Maceda

vul@Joshua:10:18 @ qui praecepit sociis et ait volvite saxa ingentia ad os speluncae et ponite viros industrios qui clausos custodiant

vul@Joshua:10:19 @ vos autem nolite stare sed persequimini hostes et extremos quosque fugientium caedite ne dimittatis eos urbium suarum intrare praesidia quos tradidit Dominus Deus in manus vestras

vul@Joshua:10:20 @ caesis igitur adversariis plaga magna et usque ad internicionem paene consumptis hii qui Israhel effugere potuerunt ingressi sunt civitates munitas

vul@Joshua:10:21 @ reversusque est omnis exercitus ad Iosue in Maceda ubi tunc erant castra sani et integro numero nullusque contra filios Israhel muttire ausus est

vul@Joshua:10:22 @ praecepitque Iosue dicens aperite os speluncae et producite ad me quinque reges qui in ea latitant

vul@Joshua:10:23 @ fecerunt ministri ut sibi fuerat imperatum et eduxerunt ad eum quinque reges de spelunca regem Hierusalem regem Hebron regem Hieremoth regem Lachis regem Eglon

vul@Joshua:10:24 @ cumque educti essent ad eum vocavit omnes viros Israhel et ait ad principes exercitus qui secum erant ite et ponite pedes super colla regum istorum qui cum perrexissent et subiectorum pedibus colla calcarent

vul@Joshua:10:25 @ rursum ait ad eos nolite timere nec paveatis confortamini et estote robusti sic enim faciet Dominus cunctis hostibus vestris adversum quos dimicatis

vul@Joshua:10:26 @ percussitque Iosue et interfecit eos atque suspendit super quinque stipites fueruntque suspensi usque ad vesperum

vul@Joshua:10:27 @ cumque occumberet sol praecepit sociis ut deponerent eos de patibulis qui depositos proiecerunt in speluncam in qua latuerant et posuerunt super os eius saxa ingentia quae permanent usque in praesens

vul@Joshua:10:28 @ eodem die Macedam quoque cepit Iosue et percussit in ore gladii regemque illius interfecit et omnes habitatores eius non dimisit in ea saltim parvas reliquias fecitque regi Maceda sicut fecerat regi Hiericho

vul@Joshua:10:29 @ transivit cum omni Israhel de Maceda in Lebna et pugnabat contra eam

vul@Joshua:10:30 @ quam tradidit Dominus cum rege suo in manu Israhel percusseruntque urbem in ore gladii et omnes habitatores eius non dimiserunt in ea ullas reliquias feceruntque regi Lebna sicut fecerant regi Hiericho

vul@Joshua:10:31 @ de Lebna transivit in Lachis et exercitu per gyrum disposito obpugnabat eam

vul@Joshua:10:32 @ tradiditque Dominus Lachis in manu Israhel et cepit eam die altero atque percussit in ore gladii omnemque animam quae fuerat in ea sicut fecerat Lebna

vul@Joshua:10:33 @ eo tempore ascendit Hiram rex Gazer ut auxiliaretur Lachis quem percussit Iosue cum omni populo eius usque ad internicionem

vul@Joshua:10:34 @ transivitque de Lachis in Eglon et circumdedit

vul@Joshua:10:35 @ atque expugnavit eam eadem die percussitque in ore gladii omnes animas quae erant in ea iuxta omnia quae fecerat Lachis

vul@Joshua:10:36 @ ascendit quoque cum omni Israhele de Eglon in Hebron et pugnavit contra eam

vul@Joshua:10:37 @ cepitque et percussit in ore gladii regem quoque eius et omnia oppida regionis illius universasque animas quae in ea fuerant commoratae non reliquit in ea ullas reliquias sicut fecerat Eglon sic fecit et Hebron cuncta quae in ea repperit consumens gladio

vul@Joshua:10:38 @ inde reversus in Dabir

vul@Joshua:10:39 @ cepit eam atque vastavit

vul@Joshua:10:40 @ regem quoque eius et omnia per circuitum oppida percussit in ore gladii non dimisit in ea ullas reliquias sicut fecerat Hebron et Lebna et regibus earum sic fecit Dabir et regi illius

vul@Joshua:10:41 @ percussit itaque Iosue omnem terram montanam et meridianam atque campestrem et Asedoth cum regibus suis non dimisit in ea ullas reliquias sed omne quod spirare poterat interfecit sicut praeceperat ei Dominus Deus Israhel

vul@Joshua:10:42 @ a Cadesbarne usque Gazam omnem terram Gosen usque Gabaon

vul@Joshua:10:43 @ universos reges et regiones eorum uno cepit impetu atque vastavit Dominus enim Deus Israhel pugnabat pro eo

vul@Joshua:10:44 @ reversusque est cum omni Israhele ad locum castrorum in Galgala

Joshua 10