vul - 18

vul@Joshua:18:1 @ congregatique sunt omnes filii Israhel in Silo ibique fixerunt tabernaculum testimonii et fuit eis terra subiecta

vul@Joshua:18:2 @ remanserant autem filiorum Israhel septem tribus quae necdum acceperant possessiones suas

vul@Joshua:18:3 @ ad quos Iosue ait usquequo marcetis ignavia et non intratis ad possidendam terram quam Dominus Deus patrum vestrorum dedit vobis

vul@Joshua:18:4 @ eligite de singulis tribubus ternos viros ut mittam eos et pergant atque circumeant terram et describant eam iuxta numerum uniuscuiusque multitudinis referantque ad me quod descripserint

vul@Joshua:18:5 @ dividite vobis terram in septem partes Iudas sit in terminis suis ab australi plaga et domus Ioseph ab aquilone

vul@Joshua:18:6 @ mediam inter hos terram in septem partes describite et huc venietis ad me ut coram Domino Deo vestro mittam vobis hic sortem

vul@Joshua:18:7 @ quia non est inter vos pars Levitarum sed sacerdotium Domini est eorum hereditas Gad autem et Ruben et dimidia tribus Manasse iam acceperant possessiones suas trans Iordanem ad orientalem plagam quas dedit eis Moses famulus Domini

vul@Joshua:18:8 @ cumque surrexissent viri ut pergerent ad describendam terram praecepit eis Iosue dicens circuite terram et describite eam ac revertimini ad me ut hic coram Domino Deo in Silo mittam vobis sortem

vul@Joshua:18:9 @ itaque perrexerunt et lustrantes eam in septem partes diviserunt scribentes in volumine reversique sunt ad Iosue in castra Silo

vul@Joshua:18:10 @ qui misit sortes coram Domino in Silo divisitque terram filiis Israhel in septem partes

vul@Joshua:18:11 @ et ascendit sors prima filiorum Beniamin per familias suas ut possiderent terram inter filios Iuda et filios Ioseph

vul@Joshua:18:12 @ fuitque terminus eorum contra aquilonem ab Iordane pergens iuxta latus Hiericho septentrionalis plagae et inde contra occidentem ad montana conscendens et perveniens in solitudinem Bethaven

vul@Joshua:18:13 @ atque pertransiens iuxta Luzam ad meridiem ipsa est Bethel descenditque in Atharothaddar in montem qui est ad meridiem Bethoron inferioris

vul@Joshua:18:14 @ et inclinatur circumiens contra mare a meridie montis qui respicit Bethoron contra africum suntque exitus eius in Cariathbaal quae vocatur et Cariathiarim urbem filiorum Iuda haec est plaga contra mare et occidentem

vul@Joshua:18:15 @ a meridie autem ex parte Cariathiarim egreditur terminus contra mare et pervenit usque ad fontem aquarum Nepthoa

vul@Joshua:18:16 @ descenditque in partem montis qui respicit vallem filiorum Ennom et est contra septentrionalem plagam in extrema parte vallis Rafaim descenditque Gehennom id est vallis Ennom iuxta latus Iebusei ad austrum et pervenit ad fontem Rogel

vul@Joshua:18:17 @ transiens ad aquilonem et egrediens ad Aensemes id est fontem Solis

vul@Joshua:18:18 @ et pertransit usque ad tumulos qui sunt e regione ascensus Adommim descenditque ad Abenboen id est lapidem Boen filii Ruben et pertransit ex latere aquilonis ad campestria descenditque in planitiem

vul@Joshua:18:19 @ et praetergreditur contra aquilonem Bethagla suntque exitus eius contra linguam maris Salsissimi ab aquilone in fine Iordanis ad australem plagam

vul@Joshua:18:20 @ qui est terminus illius ab oriente haec est possessio filiorum Beniamin per terminos suos in circuitu et familias singulas

vul@Joshua:18:21 @ fueruntque civitates eius Hiericho et Bethagla et vallis Casis

vul@Joshua:18:22 @ Betharaba et Semaraim et Bethel

vul@Joshua:18:23 @ Avim et Affara et Ofra

vul@Joshua:18:24 @ villa Emona et Ofni et Gabee civitates duodecim et villae earum

vul@Joshua:18:25 @ Gabaon et Rama et Beroth

vul@Joshua:18:26 @ et Mesfe Cafera et Ammosa

vul@Joshua:18:27 @ et Recem Iarafel et Tharala

vul@Joshua:18:28 @ et Sela Eleph et Iebus quae est Hierusalem Gabaath et Cariath civitates quattuordecim et villae earum haec est possessio filiorum Beniamin iuxta familias suas

Joshua 18