vul - 8

vul@Joshua:8:1 @ dixit autem Dominus ad Iosue ne timeas neque formides tolle tecum omnem multitudinem pugnatorum et consurgens ascende in oppidum Ahi ecce tradidi in manu tua regem eius et populum urbemque et terram

vul@Joshua:8:2 @ faciesque urbi Ahi et regi eius sicut fecisti Hiericho et regi illius praedam vero et omnia animantia diripietis vobis pone insidias urbi post eam

vul@Joshua:8:3 @ surrexitque Iosue et omnis exercitus bellatorum cum eo ut ascenderent in Ahi et electa triginta milia virorum fortium misit nocte

vul@Joshua:8:4 @ praecepitque eis dicens ponite insidias post civitatem nec longius recedatis et eritis omnes parati

vul@Joshua:8:5 @ ego autem et reliqua multitudo quae mecum est accedemus ex adverso contra urbem cumque exierint contra nos sicut ante fecimus fugiemus et terga vertemus

vul@Joshua:8:6 @ donec persequentes ab urbe longius protrahantur putabunt enim fugere nos sicut prius

vul@Joshua:8:7 @ nobis ergo fugientibus et illis sequentibus consurgetis de insidiis et vastabitis civitatem tradetque eam Dominus Deus vester in manus vestras

vul@Joshua:8:8 @ cumque ceperitis succendite eam sic omnia facietis ut iussi

vul@Joshua:8:9 @ dimisitque eos et perrexerunt ad insidiarum locum sederuntque inter Bethel et Ahi ad occidentalem plagam urbis Ahi Iosue autem nocte illa in medio mansit populi

vul@Joshua:8:10 @ surgensque diluculo recensuit socios et ascendit cum senioribus in fronte exercitus vallatus auxilio pugnatorum

vul@Joshua:8:11 @ cumque venissent et ascendissent ex adverso civitatis steterunt ad septentrionalem urbis plagam inter quam et eos vallis media erat

vul@Joshua:8:12 @ quinque milia autem viros elegerat et posuerat in insidiis inter Bethaven et Ahi ex occidentali parte eiusdem civitatis

vul@Joshua:8:13 @ omnis vero reliquus exercitus ad aquilonem aciem dirigebat ita ut novissimi multitudinis occidentalem plagam urbis adtingerent abiit ergo Iosue nocte illa et stetit in vallis medio

vul@Joshua:8:14 @ quod cum vidisset rex Ahi festinavit mane et egressus est cum omni exercitu civitatis direxitque aciem contra desertum ignorans quod post tergum laterent insidiae

vul@Joshua:8:15 @ Iosue vero et omnis Israhel cesserunt loco simulantes metum et fugientes per viam solitudinis

vul@Joshua:8:16 @ at illi vociferantes pariter et se mutuo cohortantes persecuti sunt eos cumque recessissent a civitate

vul@Joshua:8:17 @ et ne unus quidem in urbe Ahi et Bethel remansisset qui non persequeretur Israhel sicut eruperant aperta oppida relinquentes

vul@Joshua:8:18 @ dixit Dominus ad Iosue leva clypeum qui in manu tua est contra urbem Ahi quoniam tibi tradam eam

vul@Joshua:8:19 @ cumque elevasset clypeum ex adverso civitatis insidiae quae latebant surrexerunt confestim et pergentes ad civitatem ceperunt et succenderunt eam

vul@Joshua:8:20 @ viri autem civitatis qui persequebantur Iosue respicientes et videntes fumum urbis ad caelum usque conscendere non potuerunt ultra huc illucque diffugere praesertim cum hii qui simulaverant fugam et tendebant ad solitudinem contra persequentes fortissime restitissent

vul@Joshua:8:21 @ vidensque Iosue et omnis Israhel quod capta esset civitas et fumus urbis ascenderet reversus percussit viros Ahi

vul@Joshua:8:22 @ siquidem et illi qui ceperant et succenderant civitatem egressi ex urbe contra suos medios hostium ferire coeperunt cum ergo ex utraque parte adversarii caederentur ita ut nullus de tanta multitudine salvaretur

vul@Joshua:8:23 @ regem quoque urbis Ahi adprehendere viventem et obtulerunt Iosue

vul@Joshua:8:24 @ igitur omnibus interfectis qui Israhelem ad deserta tendentem fuerant persecuti et in eodem loco gladio corruentibus reversi filii Israhel percusserunt civitatem

vul@Joshua:8:25 @ erant autem qui in eo die conciderant a viro usque ad mulierem duodecim milia hominum omnes urbis Ahi

vul@Joshua:8:26 @ Iosue vero non contraxit manum quam in sublime porrexerat tenens clypeum donec interficerentur omnes habitatores Ahi

vul@Joshua:8:27 @ iumenta autem et praedam civitatis diviserunt sibi filii Israhel sicut praeceperat Dominus Iosue

vul@Joshua:8:28 @ qui succendit urbem et fecit eam tumulum sempiternum

vul@Joshua:8:29 @ regem quoque eius suspendit in patibulo usque ad vesperum et solis occasum praecepitque et deposuerunt cadaver eius de cruce proieceruntque in ipso introitu civitatis congesto super eum magno acervo lapidum qui permanet usque in praesentem diem

vul@Joshua:8:30 @ tunc aedificavit Iosue altare Domino Deo Israhel in monte Hebal

vul@Joshua:8:31 @ sicut praeceperat Moses famulus Domini filiis Israhel et scriptum est in volumine legis Mosi altare de lapidibus inpolitis quos ferrum non tetigit et obtulit super eo holocausta Domino immolavitque pacificas victimas

vul@Joshua:8:32 @ et scripsit super lapides deuteronomium legis Mosi quod ille digesserat coram filiis Israhel

vul@Joshua:8:33 @ omnis autem populus et maiores natu ducesque ac iudices stabant ex utraque parte arcae in conspectu sacerdotum qui portabant arcam foederis Domini ut advena ita et indigena media eorum pars iuxta montem Garizim et media iuxta montem Hebal sicut praeceperat Moses famulus Domini et primum quidem benedixit populo Israhel

vul@Joshua:8:34 @ post haec legit omnia verba benedictionis et maledictionis et cuncta quae scripta erant in legis volumine

vul@Joshua:8:35 @ nihil ex his quae Moses iusserat reliquit intactum sed universa replicavit coram omni multitudine Israhel mulieribus ac parvulis et advenis qui inter eos morabantur

Seeker Overlay: Off On

Bible:
Bible:
Book:

Joshua 8