vul - 9

vul@Joshua:9:1 @ quibus auditis cuncti reges trans Iordanem qui versabantur in montanis et in campestribus in maritimis ac litore maris Magni hii quoque qui habitabant iuxta Libanum Hettheus et Amorreus et Chananeus Ferezeus et Eveus et Iebuseus

vul@Joshua:9:2 @ congregati sunt pariter ut pugnarent contra Iosue et Israhel uno animo eademque sententia

vul@Joshua:9:3 @ at hii qui habitabant in Gabaon audientes cuncta quae fecerat Iosue Hiericho et Ahi

vul@Joshua:9:4 @ et callide cogitantes tulerunt sibi cibaria saccos veteres asinis inponentes et utres vinarios scissos atque consutos

vul@Joshua:9:5 @ calciamentaque perantiqua quae ad indicium vetustatis pittaciis consuta erant induti veteribus vestimentis panes quoque quos portabant ob viaticum duri erant et in frusta comminuti

vul@Joshua:9:6 @ perrexeruntque ad Iosue qui tunc morabatur in castris Galgalae et dixerunt ei atque omni simul Israheli de terra longinqua venimus pacem vobiscum facere cupientes responderuntque viri Israhel ad eos atque dixerunt

vul@Joshua:9:7 @ ne forsitan in terra quae nobis sorte debetur habitetis et non possimus foedus inire vobiscum

vul@Joshua:9:8 @ at illi ad Iosue servi inquiunt tui sumus quibus Iosue quinam ait estis et unde venistis

vul@Joshua:9:9 @ responderunt de terra longinqua valde venerunt servi tui in nomine Domini Dei tui audivimus enim famam potentiae eius cuncta quae fecit in Aegypto

vul@Joshua:9:10 @ et duobus Amorreorum regibus trans Iordanem Seon regi Esebon et Og regi Basan qui erat in Astharoth

vul@Joshua:9:11 @ dixeruntque nobis seniores et omnes habitatores terrae nostrae tollite in manibus cibaria ob longissimam viam et occurrite eis ac dicite servi vestri sumus foedus inite nobiscum

vul@Joshua:9:12 @ en panes quando egressi sumus de domibus nostris ut veniremus ad vos calidos sumpsimus nunc sicci facti sunt et vetustate nimia comminuti

vul@Joshua:9:13 @ utres vini novos implevimus nunc rupti sunt et soluti vestes et calciamenta quibus induimur et quae habemus in pedibus ob longitudinem largioris viae trita sunt et paene consumpta

vul@Joshua:9:14 @ susceperunt igitur de cibariis eorum et os Domini non interrogaverunt

vul@Joshua:9:15 @ fecitque Iosue cum eis pacem et inito foedere pollicitus est quod non occiderentur principes quoque multitudinis iuraverunt eis

vul@Joshua:9:16 @ post dies autem tres initi foederis audierunt quod in vicino habitarent et inter eos futuri essent

vul@Joshua:9:17 @ moveruntque castra filii Israhel et venerunt in civitates eorum die tertio quarum haec vocabula sunt Gabaon et Caphira et Beroth et Cariathiarim

vul@Joshua:9:18 @ et non percusserunt eos eo quod iurassent eis principes multitudinis in nomine Domini Dei Israhel murmuravit itaque omne vulgus contra principes

vul@Joshua:9:19 @ qui responderunt eis iuravimus illis in nomine Domini Dei Israhel et idcirco non possumus eos contingere

vul@Joshua:9:20 @ sed hoc faciemus eis reserventur quidem ut vivant ne contra nos ira Domini concitetur si peieraverimus

vul@Joshua:9:21 @ sed sic vivant ut in usus universae multitudinis ligna caedant aquasque conportent quibus haec loquentibus

vul@Joshua:9:22 @ vocavit Gabaonitas Iosue et dixit eis cur nos decipere fraude voluistis ut diceretis procul valde habitamus a vobis cum in medio nostri sitis

vul@Joshua:9:23 @ itaque sub maledictione eritis et non deficiet de stirpe vestra ligna caedens aquasque conportans in domum Dei mei

vul@Joshua:9:24 @ qui responderunt nuntiatum est nobis servis tuis quae promisisset Dominus Deus tuus Mosi servo suo ut traderet vobis omnem terram et disperderet cunctos habitatores eius timuimus igitur valde et providimus animabus nostris vestro terrore conpulsi et hoc consilium inivimus

vul@Joshua:9:25 @ nunc autem in manu tua sumus quod tibi bonum et rectum videtur fac nobis

vul@Joshua:9:26 @ fecit ergo Iosue ut dixerat et liberavit eos de manibus filiorum Israhel ut non occiderentur

vul@Joshua:9:27 @ decrevitque in illo die esse eos in ministerium cuncti populi et altaris Domini caedentes ligna et aquas conportantes usque in praesens tempus in loco quem Dominus elegisset

Seeker Overlay: Off On

Bible:
Bible:
Book:

Joshua 9