Jude 1
vul@Jude:1:1 @ Iudas Iesu Christi servus frater autem Iacobi his qui in Deo Patre dilectis et Iesu Christo conservatis vocatis
vul@Jude:1:2 @ misericordia vobis et pax et caritas adimpleatur
vul@Jude:1:3 @ carissimi omnem sollicitudinem faciens scribendi vobis de communi vestra salute necesse habui scribere vobis deprecans supercertari semel traditae sanctis fidei
vul@Jude:1:4 @ subintroierunt enim quidam homines qui olim praescripti sunt in hoc iudicium impii Dei nostri gratiam transferentes in luxuriam et solum Dominatorem et Dominum nostrum Iesum Christum negantes
vul@Jude:1:5 @ commonere autem vos volo scientes semel omnia quoniam Iesus populum de terra Aegypti salvans secundo eos qui non crediderunt perdidit
vul@Jude:1:6 @ angelos vero qui non servaverunt suum principatum sed dereliquerunt suum domicilium in iudicium magni diei vinculis aeternis sub caligine reservavit
vul@Jude:1:7 @ sicut Sodoma et Gomorra et finitimae civitates simili modo exfornicatae et abeuntes post carnem alteram factae sunt exemplum ignis aeterni poenam sustinentes
vul@Jude:1:8 @ similiter et hii carnem quidem maculant dominationem autem spernunt maiestates autem blasphemant
vul@Jude:1:9 @ cum Michahel archangelus cum diabolo disputans altercaretur de Mosi corpore non est ausus iudicium inferre blasphemiae sed dixit imperet tibi Dominus
vul@Jude:1:10 @ hii autem quaecumque quidem ignorant blasphemant quaecumque autem naturaliter tamquam muta animalia norunt in his corrumpuntur
vul@Jude:1:11 @ vae illis quia via Cain abierunt et errore Balaam mercede effusi sunt et contradictione Core perierunt
vul@Jude:1:12 @ hii sunt in epulis suis maculae convivantes sine timore semet ipsos pascentes nubes sine aqua quae a ventis circumferuntur arbores autumnales infructuosae bis mortuae eradicatae
vul@Jude:1:13 @ fluctus feri maris despumantes suas confusiones sidera errantia quibus procella tenebrarum in aeternum servata est
vul@Jude:1:14 @ prophetavit autem et his septimus ab Adam Enoc dicens ecce venit Dominus in sanctis milibus suis
vul@Jude:1:15 @ facere iudicium contra omnes et arguere omnes impios de omnibus operibus impietatis eorum quibus impie egerunt et de omnibus duris quae locuti sunt contra eum peccatores impii
vul@Jude:1:16 @ hii sunt murmuratores querellosi secundum desideria sua ambulantes et os illorum loquitur superba mirantes personas quaestus causa
vul@Jude:1:17 @ vos autem carissimi memores estote verborum quae praedicta sunt ab apostolis Domini nostri Iesu Christi
vul@Jude:1:18 @ quia dicebant vobis quoniam in novissimo tempore venient inlusores secundum sua desideria ambulantes impietatum
vul@Jude:1:19 @ hii sunt qui segregant animales Spiritum non habentes
vul@Jude:1:20 @ vos autem carissimi superaedificantes vosmet ipsos sanctissimae vestrae fidei in Spiritu Sancto orantes
vul@Jude:1:21 @ ipsos vos in dilectione Dei servate
vul@Jude:1:22 @ et hos quidem arguite iudicatos
vul@Jude:1:23 @ illos vero salvate de igne rapientes aliis autem miseremini in timore odientes et eam quae carnalis est maculatam tunicam
vul@Jude:1:24 @ ei autem qui potest vos conservare sine peccato et constituere ante conspectum gloriae suae inmaculatos in exultatione