vul - 1

vul@Judges:1:1 @ post mortem Iosue consuluerunt filii Israhel Dominum dicentes quis ascendet ante nos contra Chananeum et erit dux belli

vul@Judges:1:2 @ dixitque Dominus Iudas ascendet ecce tradidi terram in manus eius

vul@Judges:1:3 @ et ait Iudas Symeoni fratri suo ascende mecum in sorte mea et pugna contra Chananeum ut et ego pergam tecum in sorte tua et abiit cum eo Symeon

vul@Judges:1:4 @ ascenditque Iudas et tradidit Dominus Chananeum ac Ferezeum in manus eorum et percusserunt in Bezec decem milia virorum

vul@Judges:1:5 @ inveneruntque Adonibezec in Bezec et pugnaverunt contra eum ac percusserunt Chananeum et Ferezeum

vul@Judges:1:6 @ fugit autem Adonibezec quem secuti conprehenderunt caesis summitatibus manuum eius ac pedum

vul@Judges:1:7 @ dixitque Adonibezec septuaginta reges amputatis manuum ac pedum summitatibus colligebant sub mensa mea ciborum reliquias sicut feci ita reddidit mihi Deus adduxeruntque eum in Hierusalem et ibi mortuus est

vul@Judges:1:8 @ obpugnantes ergo filii Iuda Hierusalem ceperunt eam et percusserunt in ore gladii tradentes cunctam incendio civitatem

vul@Judges:1:9 @ et postea descendentes pugnaverunt contra Chananeum qui habitabat in montanis et ad meridiem et in campestribus

vul@Judges:1:10 @ pergensque Iudas contra Chananeum qui habitabat in Hebron cui nomen fuit antiquitus Cariatharbe percussit Sisai et Ahiman et Tholmai

vul@Judges:1:11 @ atque inde profectus abiit ad habitatores Dabir cuius nomen vetus erat Cariathsepher id est civitas Litterarum

vul@Judges:1:12 @ dixitque Chaleb qui percusserit Cariathsepher et vastaverit eam dabo ei Axam filiam meam uxorem

vul@Judges:1:13 @ cumque cepisset eam Othonihel filius Cenez frater Chaleb minor dedit ei filiam suam coniugem

vul@Judges:1:14 @ quam pergentem in itinere monuit vir suus ut peteret a patre suo agrum quae cum suspirasset sedens asino dixit ei Chaleb quid habes

vul@Judges:1:15 @ at illa respondit da mihi benedictionem quia terram arentem dedisti mihi da et inriguam aquis dedit ergo ei Chaleb inriguum superius et inriguum inferius

vul@Judges:1:16 @ filii autem Cinei cognati Mosi ascenderunt de civitate Palmarum cum filiis Iuda in desertum sortis eius quod est ad meridiem Arad et habitaverunt cum eo

vul@Judges:1:17 @ abiit autem Iudas cum Symeone fratre suo et percusserunt simul Chananeum qui habitabat in Sephath et interfecerunt eum vocatumque est nomen urbis Horma id est anathema

vul@Judges:1:18 @ cepitque Iudas Gazam cum finibus suis et Ascalonem atque Accaron cum terminis suis

vul@Judges:1:19 @ fuitque Dominus cum Iuda et montana possedit nec potuit delere habitatores vallis quia falcatis curribus abundabant

vul@Judges:1:20 @ dederuntque Chaleb Hebron sicut dixerat Moses qui delevit ex ea tres filios Enach

vul@Judges:1:21 @ Iebuseum autem habitatorem Hierusalem non deleverunt filii Beniamin habitavitque Iebuseus cum filiis Beniamin in Hierusalem usque in praesentem diem

vul@Judges:1:22 @ domus quoque Ioseph ascendit in Bethel fuitque Dominus cum eis

vul@Judges:1:23 @ nam cum obsiderent urbem quae prius Luza vocabatur

vul@Judges:1:24 @ viderunt hominem egredientem de civitate dixeruntque ad eum ostende nobis introitum civitatis et faciemus tecum misericordiam

vul@Judges:1:25 @ qui cum ostendisset eis percusserunt urbem in ore gladii hominem autem illum et omnem cognationem eius dimiserunt

vul@Judges:1:26 @ qui dimissus abiit in terram Etthim et aedificavit ibi civitatem vocavitque eam Luzam quae ita appellatur usque in praesentem diem

vul@Judges:1:27 @ Manasses quoque non delevit Bethsan et Thanach cum viculis suis et habitatores Dor et Ieblaam et Mageddo cum viculis suis coepitque Chananeus habitare cum eis

vul@Judges:1:28 @ postquam autem confortatus est Israhel fecit eos tributarios et delere noluit

vul@Judges:1:29 @ Ephraim etiam non interfecit Chananeum qui habitabat in Gazer sed habitavit cum eo

vul@Judges:1:30 @ Zabulon non delevit habitatores Cetron et Naalon sed habitavit Chananeus in medio eius factusque est ei tributarius

vul@Judges:1:31 @ Aser quoque non delevit habitatores Achcho et Sidonis Alab et Achazib et Alba et Afec et Roob

vul@Judges:1:32 @ habitavitque in medio Chananei habitatoris illius terrae nec interfecit eum

vul@Judges:1:33 @ Nepthali non delevit habitatores Bethsemes et Bethanath et habitavit inter Chananeum habitatorem terrae fueruntque ei Bethsemitae et Bethanitae tributarii

vul@Judges:1:34 @ artavitque Amorreus filios Dan in monte nec dedit eis locum ut ad planiora descenderent

vul@Judges:1:35 @ habitavitque in monte Hares quod interpretatur testaceo in Ahilon et Salabim et adgravata est manus domus Ioseph factusque est ei tributarius

vul@Judges:1:36 @ fuit autem terminus Amorrei ab ascensu Scorpionis Petra et superiora loca

Seeker Overlay: Off On

Bible:
Bible:
Book:

Judges 1