vul - 10

vul@Judges:10:1 @ post Abimelech surrexit dux in Israhel Thola filius Phoa patrui Abimelech vir de Isachar qui habitavit in Sanir montis Ephraim

vul@Judges:10:2 @ et iudicavit Israhel viginti et tribus annis mortuusque ac sepultus est in Sanir

vul@Judges:10:3 @ huic successit Iair Galaadites qui iudicavit Israhel per viginti et duos annos

vul@Judges:10:4 @ habens triginta filios sedentes super triginta pullos asinarum et principes triginta civitatum quae ex nomine eius appellatae sunt Avothiair id est oppida Iair usque in praesentem diem in terra Galaad

vul@Judges:10:5 @ mortuusque est Iair ac sepultus in loco cui est vocabulum Camon

vul@Judges:10:6 @ filii autem Israhel peccatis veteribus iungentes nova fecerunt malum in conspectu Domini et servierunt idolis Baalim et Astharoth et diis Syriae ac Sidonis et Moab et filiorum Ammon et Philisthim dimiseruntque Dominum et non colebant eum

vul@Judges:10:7 @ contra quos iratus tradidit eos in manu Philisthim et filiorum Ammon

vul@Judges:10:8 @ adflictique sunt et vehementer oppressi per annos decem et octo omnes qui habitabant trans Iordanem in terra Amorrei quae est in Galaad

vul@Judges:10:9 @ in tantum ut filii Ammon Iordane transmisso vastarent Iudam et Beniamin et Ephraim adflictusque est Israhel nimis

vul@Judges:10:10 @ et clamantes ad Dominum dixerunt peccavimus tibi quia dereliquimus Deum nostrum et servivimus Baalim

vul@Judges:10:11 @ quibus locutus est Dominus numquid non Aegyptii et Amorrei filiique Ammon et Philisthim

vul@Judges:10:12 @ Sidonii quoque et Amalech et Chanaan oppresserunt vos et clamastis ad me et erui vos de manu eorum

vul@Judges:10:13 @ et tamen reliquistis me et coluistis deos alienos idcirco non addam ut ultra vos liberem

vul@Judges:10:14 @ ite et invocate deos quos elegistis ipsi vos liberent in tempore angustiae

vul@Judges:10:15 @ dixeruntque filii Israhel ad Dominum peccavimus redde tu nobis quicquid tibi placet tantum nunc libera nos

vul@Judges:10:16 @ quae dicentes omnia de finibus suis alienorum deorum idola proiecerunt et servierunt Deo qui doluit super miseriis eorum

vul@Judges:10:17 @ itaque filii Ammon conclamantes in Galaad fixere tentoria contra quos congregati filii Israhel in Maspha castrametati sunt

vul@Judges:10:18 @ dixeruntque principes Galaad singuli ad proximos suos qui primus e nobis contra filios Ammon coeperit dimicare erit dux populi Galaad

Seeker Overlay: Off On

Bible:
Bible:
Book:

Judges 10