vul - 3

vul@Judges:3:1 @ hae sunt gentes quas Dominus dereliquit ut erudiret in eis Israhelem et omnes qui non noverant bella Chananeorum

vul@Judges:3:2 @ et postea discerent filii eorum certare cum hostibus et habere consuetudinem proeliandi

vul@Judges:3:3 @ quinque satrapas Philisthinorum omnemque Chananeum et Sidonium atque Eveum qui habitabat in monte Libano de monte Baalhermon usque ad introitum Emath

vul@Judges:3:4 @ dimisitque eos ut in ipsis experiretur Israhelem utrum audiret mandata Domini quae praeceperat patribus eorum per manum Mosi an non

vul@Judges:3:5 @ itaque filii Israhel habitaverunt in medio Chananei et Hetthei et Amorrei et Ferezei et Evei et Iebusei

vul@Judges:3:6 @ et duxerunt uxores filias eorum ipsique filias suas eorum filiis tradiderunt et servierunt diis eorum

vul@Judges:3:7 @ feceruntque malum in conspectu Domini et obliti sunt Dei sui servientes Baalim et Astharoth

vul@Judges:3:8 @ iratusque Dominus contra Israhel tradidit eos in manus Chusanrasathaim regis Mesopotamiae servieruntque ei octo annis

vul@Judges:3:9 @ et clamaverunt ad Dominum qui suscitavit eis salvatorem et liberavit eos Othonihel videlicet filium Cenez fratrem Chaleb minorem

vul@Judges:3:10 @ fuitque in eo spiritus Domini et iudicavit Israhel egressusque est ad pugnam et tradidit Dominus in manu eius Chusanrasathaim regem Syriae et oppressit eum

vul@Judges:3:11 @ quievitque terra quadraginta annis et mortuus est Othonihel filius Cenez

vul@Judges:3:12 @ addiderunt autem filii Israhel facere malum in conspectu Domini qui confortavit adversum eos Eglon regem Moab quia fecerunt malum in conspectu eius

vul@Judges:3:13 @ et copulavit ei filios Ammon et Amalech abiitque et percussit Israhel atque possedit urbem Palmarum

vul@Judges:3:14 @ servieruntque filii Israhel Eglon regi Moab decem et octo annis

vul@Judges:3:15 @ et postea clamaverunt ad Dominum qui suscitavit eis salvatorem vocabulo Ahoth filium Gera filii Iemini qui utraque manu utebatur pro dextera miseruntque filii Israhel per illum munera Eglon regi Moab

vul@Judges:3:16 @ qui fecit sibi gladium ancipitem habentem in medio capulum longitudinis palmae manus et accinctus est eo subter sagum in dextro femore

vul@Judges:3:17 @ obtulitque munera Eglon regi Moab erat autem Eglon crassus nimis

vul@Judges:3:18 @ cumque obtulisset ei munera prosecutus est socios qui cum eo venerant

vul@Judges:3:19 @ et reversus de Galgalis ubi erant idola dixit ad regem verbum secretum habeo ad te o rex et ille imperavit silentium egressisque omnibus qui circa eum erant

vul@Judges:3:20 @ ingressus est Ahoth ad eum sedebat autem in aestivo cenaculo solus dixitque verbum Dei habeo ad te qui statim surrexit de throno

vul@Judges:3:21 @ extenditque Ahoth manum sinistram et tulit sicam de dextro femore suo infixitque eam in ventre eius

vul@Judges:3:22 @ tam valide ut capulus ferrum sequeretur in vulnere ac pinguissimo adipe stringeretur nec eduxit gladium sed ita ut percusserat reliquit in corpore statimque per secreta naturae alvi stercora proruperunt

vul@Judges:3:23 @ Ahoth autem clausis diligentissime ostiis cenaculi et obfirmatis sera

vul@Judges:3:24 @ per posticam egressus est servique regis ingressi viderunt clausas fores cenaculi atque dixerunt forsitan purgat alvum in aestivo cubiculo

vul@Judges:3:25 @ expectantesque diu donec erubescerent et videntes quod nullus aperiret tulerunt clavem et aperientes invenerunt dominum suum iacentem in terra mortuum

vul@Judges:3:26 @ Ahoth autem dum illi turbarentur effugit et pertransiit locum Idolorum unde reversus fuerat venitque in Seirath

vul@Judges:3:27 @ et statim insonuit bucina in monte Ephraim descenderuntque cum eo filii Israhel ipso in fronte gradiente

vul@Judges:3:28 @ qui dixit ad eos sequimini me tradidit enim Dominus inimicos nostros Moabitas in manus nostras descenderuntque post eum et occupaverunt vada Iordanis quae transmittunt in Moab et non dimiserunt transire quemquam

vul@Judges:3:29 @ sed percusserunt Moabitas in tempore illo circiter decem milia omnes robustos et fortes viros nullus eorum evadere potuit

vul@Judges:3:30 @ humiliatusque est Moab die illo sub manu Israhel et quievit terra octoginta annis

vul@Judges:3:31 @ post hunc fuit Samgar filius Anath qui percussit de Philisthim sescentos viros vomere et ipse quoque defendit Israhel

Judges 3