alb - 24

alb@Luke:24:1 @ Tani ditën e parë të javës, shumë herët në mëngjes, ato me gra të tjera shkuan te varri, duke sjellë erërat e mira që kishin përgatitur.

alb@Luke:24:2 @ Dhe gjetën që guri ishte rrokullisur nga varri.

alb@Luke:24:3 @ Por, kur hynë, nuk e gjetën trupin e Zotit Jezus.

alb@Luke:24:4 @ Dhe, ndërsa ishin shumë të hutuara nga kjo, ja, iu paraqitën atyre dy burra të veshur me rroba të ndritshme.

alb@Luke:24:5 @ Dhe, mbasi ato, të tmerruara, e mbanin fytyrën të përkulur për dhe, ata u thanë: ``Pse e kërkoni të gjallin midis të vdekurve?

alb@Luke:24:6 @ Ai nuk ështe këtu, por është ringjallur; kujtohuni si ju foli, kur ishte ende në Galile,

alb@Luke:24:7 @ duke thënë se Biri i njeriut duhej të dorëzohej në duar të njerëzve mëkatarë, duhej kryqëzuar dhe do të ringjallej ditën e tretë``.

alb@Luke:24:8 @ Dhe ato kujtonin fjalët e tij.

alb@Luke:24:9 @ kur u kthyen nga varri, ato ua treguan të gjitha këto gjëra të njëmbëdhjetëve dhe gjithë të tjerëve.

alb@Luke:24:10 @ Ato që u treguan apostujve këto gjëra ishin Maria Magdalena, Joana, Maria, nëna e Jakobit dhe gratë e tjera që ishin me to.

alb@Luke:24:11 @ Por këto fjalë atyrë iu dukën si dokrra; dhe ata nuk u besuan atyre.

alb@Luke:24:12 @ Megjithatë Pjetri u çua, vrapoi te varri, u përkul dhe nuk pa tjetër përveç çarçafëve që dergjeshin vetëm; pastaj u largua, i mrekulluar me veten e tij për sa kishte ndodhur.

alb@Luke:24:13 @ Po ate ditë, dy nga ata po shkonin drejt një fshati, me emër Emaus, gjashtëdhjetë stade larg Jeruzalemit.

alb@Luke:24:14 @ Dhe ata po bisedonin midis tyre për të gjitha ato që kishin ndodhur.

alb@Luke:24:15 @ Dhe ndodhi që, ndërsa po flisnin dhe bisedonin bashkë, vetë Jezusi u afrua dhe nisi të ecë me ta.

alb@Luke:24:16 @ Por sytë e tyre ishin të penguar kështu që të mos e njihnin.

alb@Luke:24:17 @ Dhe ai u tha atyre: ``Ç`janë këto biseda që bëni me njëri-tjetrin udhës? Dhe pse jeni të trishtuar?``.

alb@Luke:24:18 @ Dhe një nga ata, i me emër Kleopa, duke u përgjigjur tha: ``Je ti i vetmi i huaj në Jeruzalem, që nuk i di gjërat që kanë ndodhur këtu në këto ditë?``.

alb@Luke:24:19 @ Dhe ai u tha atyre: ``Cilat?``. Ata i thanë: ``Çështjen e Jezusit nga Nazareti, që ishte një profet i fuqishëm në vepra dhe në fjalë përpara Perëndisë dhe përpara gjithë popullit.

alb@Luke:24:20 @ Dhe se si krerët e priftërinjve dhe kryetarët tanë e kanë dorëzuar për ta dënuar me vdekje dhe e kanë kryqëzuar

alb@Luke:24:21 @ Por ne kishim shpresë se ai do të ishte ky që do ta çlironte Izraelin; por, megjithkëtë, sot është e treta ditë që kur ndodhën këto gjëra.

alb@Luke:24:22 @ Por edhe disa gra në mes nesh na kanë çuditur, sepse, kur shkuan herët në mëngjes te varri,

alb@Luke:24:23 @ dhe nuk e gjetën trupin e tij, u kthyen duke thënë se kishin parë nië vegim engjëjsh, të cilët thonë se ai jeton.

alb@Luke:24:24 @ Dhe disa nga tanët shkuan te varri dhe e gjetën ashtu si kishin treguar gratë, por atë nuk e panë``.

alb@Luke:24:25 @ Atëherë ai u tha atyre: ``O budallenj dhe zemërngathët për të besuar gjithçka që kanë thënë profetët!

alb@Luke:24:26 @ Por a nuk duhej që Krishti të vuajë gjëra të tilla që të hyjë kështu në lavdinë e tij?``.

alb@Luke:24:27 @ Dhe, duke zënë fill nga Moisiu dhe nga gjithë profetët, ai u shpjegoi atyre në të gjitha Shkrimet gjërat që i takonin atij.

alb@Luke:24:28 @ Kur iu afruan fshatit për ku ishin drejtuar, ai bëri sikur do të vazhdonte më tutje.

alb@Luke:24:29 @ Por ata e detyruan duke thënë: ``Rri me ne, sepse po ngryset dhe dita po mbaron``. Edhe ai hyri që të rrijë me ta.

alb@Luke:24:30 @ Dhe, siç ishte në tryezë me ta, mori bukën, e bekoi dhe, si e theu, ua ndau atyre.

alb@Luke:24:31 @ Atëherë atyre iu çelën sytë dhe e njohën, por ai u zhduk prej syve të tyre.

alb@Luke:24:32 @ Dhe ata i thanë njeri tjetrit: ``Po a nuk na digjej zemra përbrenda, kur ai na fliste udhës dhe na hapte Shkrimet?``.

alb@Luke:24:33 @ Në po atë çast u ngritën dhe u kthyen në Jeruzalem, ku e gjetën të njëmbëdhjetët dhe ata që ishin mbledhur bashkë me ta.

alb@Luke:24:34 @ Ata thoshnin: ``Zoti u ringjall me të vërtetë dhe iu shfaq Simonit``.

alb@Luke:24:35 @ Ata atëherë treguan ç`u kishte ndodhur rrugës dhe si e kishin njohur në ndarjen e bukës.

alb@Luke:24:36 @ Dhe, ndërsa ata po bisedonin për këto gjëra, vetë Jezusi u shfaq në mes tyre dhe u tha atyre: "Paqja me ju!``.

alb@Luke:24:37 @ Por ata, të tmerruar dhe gjithë frikë, mendonin se po shihnin një frymë.

alb@Luke:24:38 @ Atëherë ai u tha atyre: ``Pse jeni shqetësuar Dhe pse në zemrat tuaja po lindin dyshime?

alb@Luke:24:39 @ Shikoni duart e mia dhe këmbët e mia, sepse unë jam. Më prekni dhe shikoni, sepse një frymë nuk ka mish e eshtra, si po shihni se unë kam!``.

alb@Luke:24:40 @ Dhe, si i tha këtë, u tregoj atyre duart dhe këmbët.

alb@Luke:24:41 @ Por, duke qenë se ende nuk besonin prej gëzimit dhe ishin të çuditur, ai u tha atyre: ``A keni këtu diçka për të ngrënë?``.

alb@Luke:24:42 @ Dhe ata i dhanë një pjesë peshku të pjekur dhe një huall mjalti.

alb@Luke:24:43 @ Dhe ai i mori dhe hëngri para tyre.

alb@Luke:24:44 @ Pastaj u tha atyre: ``Këto janë fjalët që unë ju thoja kur isha ende me ju: se duhet të përmbushen të gjitha gjërat që janë shkruar lidhur me mua në ligjin e Moisiut, në profetët dhe në psalmet``.

alb@Luke:24:45 @ Atëherë ua hapi mendjen, që të kuptonin Shkrimet,

alb@Luke:24:46 @ dhe u tha atyre: ``Kështu është shkruar dhe kështu ishte e nevojshme që Krishti të vuante dhe të ngjallej së vdekuri ditën e tretë,

alb@Luke:24:47 @ dhe që në emër të tij të predikohet pendimi dhe falja e mëkateve ndër të gjithë popujt, duke filluar nga Jeruzalemi.

alb@Luke:24:48 @ Dhe ju jeni dëshmitarët e këtyre gjërave.

alb@Luke:24:49 @ Dhe ja, unë po dërgoj mbi ju premtimin e Atit tim, por ju qëndroni në qytetin e Jeruzalemit deri sa të visheni me pushtet nga lart``.

alb@Luke:24:50 @ Pastaj iu priu jashtë deri në Betani dhe, si i ngriti lart duart, i bekoi.

alb@Luke:24:51 @ Dhe ndodhi që, ndërsa ai po i bekonte, u nda prej tyre dhe e morën lart në qiell.

alb@Luke:24:52 @ Dhe ata, pasi e adhuruan, u kthyen në Jeruzalem me gëzim të madh.

alb@Luke:24:53 @ Dhe rrinin vazhdimisht në tempull duke lavdëruar dhe bekuar Perëndinë. Amen!

Luke 24