alb - 3

alb@Luke:3:1 @ Tani në vitin e pesëmbëdhjetë të mbretërimit të Tiberit Cezar, kur Ponc Pilati ishte qeveritari i Judesë, Herodi tetrarku i Galilesë, i vëllai, Filipi, tetrarku i Itureas dhe i krahinës së Trakonitidës dhe Lizania tetrarku i Abilenës,

alb@Luke:3:2 @ nën kryepriftërinjtë Ana dhe Kajfa, fjala e Perëndisë iu drejtua Gjonit, birit të Zakarias, në shkretëtirë.

alb@Luke:3:3 @ Atëherë ai e përshkoi gjithë krahinën përreth Jordanit, duke predikuar një pagëzim pendimi për faljen e mëkateve,

alb@Luke:3:4 @ ashtu siç është shkruar në librin e fjalëve të profetit Isaia, që thotë: ``Ja zëri i njërit që bërtet në shkretirë: Përgatitni udhën e Zotit, drejtoni shtigjet e tij!

alb@Luke:3:5 @ Çdo luginë të jetë e mbushur dhe çdo mal e kodër të jetë sheshuar; vendet dredha-dredha të drejtohen dhe rrugët e vështira të sheshohen

alb@Luke:3:6 @ dhe çdo mish do të shohë shpëtimin e Perëndisë``.

alb@Luke:3:7 @ Ai, pra, u thoshte turmave që shkonin të pagëzoheshin prej tij: ``Pjellë nepërkash, kush ju ka mesuar t`i arratiseni zemërimit që po vjen?

alb@Luke:3:8 @ Bëni, pra, fryte të denja pendimi dhe mos filloni të thoni brenda jush: "Ne kemi Abrahamin për Atë", sepse unë po ju them se Perëndia mund t`i nxjerrë fëmijë Abrahamit edhe nga këta gurë.

alb@Luke:3:9 @ Tashmë sëpata u vu në rrënjë të pemëve; çdo pemë që nuk jep fryt të mirë do të pritet dhe do të hidhet në zjarr``.

alb@Luke:3:10 @ Dhe turmat e pyesnin, duke thënë: ``Dhe ne, pra, ç`të bëjmë?``

alb@Luke:3:11 @ Atëherë ai, duke përgjigjur, u tha atyre: ``Ai që ka dy tunika le t`i ndajë me atë që s`ka, dhe ai që ka të hajë le të veprojë po kështu``.

alb@Luke:3:12 @ Tani erdhën edhe disa tagrambledhës që të pagëzohen dhe e pyetën: ``Mësues, ç`duhet të bëjmë?``.

alb@Luke:3:13 @ Dhe ai u tha atyre: ``Mos vilni asgjë më tepër nga sa ju është urdhëruar``.

alb@Luke:3:14 @ Edhe ushtarët e pyetën duke thënë: ``Dhe ne, ç`duhet të bëjmë?``. Dhe ai u tha atyre: ``Mos i bëni shantazh asnjeriu, mos i bëni akuza të rreme kurrkujt dhe jini të kënaqur me pagën tuaj!``.

alb@Luke:3:15 @ Dhe populli ishte në pritje dhe të gjithë pyesnin në zemrat e veta nëse Gjoni ishte Krishti vetë.

alb@Luke:3:16 @ Gjoni u përgjigj duke u thënë të gjithëve: ``Unë ju pagëzoj me ujë; por vjen ai që është më i fortë nga unë, të cilit unë nuk jam i denjë as t`ia zgjidh lidhëset e sandaleve; ai do t`ju pagëzojë me Frymën e Shenjtë dhe me zjarr.

alb@Luke:3:17 @ Ai mban në dorë lopatën e vet, për ta pastruar krejt lëmin e vet dhe për të mbledhur grurin në hambarin e tij, por bykun do ta djegë me zjarr që nuk shuhet``.

alb@Luke:3:18 @ Kështu ai e ungjillizonte popullin duke e këshilluar me shumë mënyra të tjera.

alb@Luke:3:19 @ Por Herodi, tetraku, mbasi u qortua prej tij për shkak të Herodiadës, gruas së vëllait të tij Filipit, dhe për të gjitha mbrapshtitë që ai kishte kryer,

alb@Luke:3:20 @ U shtoi të gjitha të tjerave edhe këtë, domethënë e futi Gjonin në burg.

alb@Luke:3:21 @ Tani, si u pagëzua gjithë populli, edhe Jezusi u pagëzua; dhe ndërsa po lutej, qielli u hap

alb@Luke:3:22 @ dhe Fryma e Shenjtë zbriti mbi të, në trajtën trupore si të pëllumbit, dhe nga qielli erdhi një zë, që thoshte: ``Ti je Biri im i dashur, në ty unë jam kënaqur!``.

alb@Luke:3:23 @ Dhe Jezusi ishte rreth tridhjetë vjeç; dhe e pandehnin se ishte bir i Jozefit, bir i Elit;

alb@Luke:3:24 @ bir i Mathatit, bir i Levit, bir i Melkit, bir i Janas, bir i Jozefit;

alb@Luke:3:25 @ bir i Matathias, bir i Amosit, bir i Naumit, bir i Eslit, bir i Nagait;

alb@Luke:3:26 @ bir i Maathit, bir i Matathias, bir i Semeit, bir i Jozefit, bir i Judës;

alb@Luke:3:27 @ bir i Joannas, bir i Resas, bir i Zorobabelit, bir i Salatielit, bir i Nerit;

alb@Luke:3:28 @ bir i Melkit, bir i Adit, bir i Kosamit, bir i Elmodamit, bir i Erit;

alb@Luke:3:29 @ bir i Joseut, bir i Eliezerit, bir i Iorimit, bir i Mathatit, bir i Levit;

alb@Luke:3:30 @ bir i Simeonit, bir i Judës, bir i Jozefit, bir i Jonanit, bir i Eliakimit;

alb@Luke:3:31 @ bir i Meleas, bir i Menas, bir i Matathas, bir i Natanit, bir i Davidit;

alb@Luke:3:32 @ bir i Jeseut, bir i Obedit, bir i Boozit, bir i Salmonit, bir i Naasonit;

alb@Luke:3:33 @ bir i Aminadabit, bir i Aramit, bir i Esromit, bir i Faresit, bir i Judës;

alb@Luke:3:34 @ bir i Jakobit, bir i Isakut, bir i Abrahamit, bir i Tares, bir i Nakorit;

alb@Luke:3:35 @ bir i Serukut, bir i Ragaut, bir i Pelekut, bir i Eberit, bir i Selës;

alb@Luke:3:36 @ bir i Kainanit, bir i Arfaksadit, bir i Semit, bir i Noeut, bir i Lamekut;

alb@Luke:3:37 @ bir i Mathusalës, bir i Enokut, bir i Jaredit, bir i Mahalaleelit, bir i Kainanit;

alb@Luke:3:38 @ bir i Enosit, bir i Setit, bir i Adamit, i Perëndisë.

Luke 3