alb - 22

alb@Matthew:22:1 @ Dhe Jezusi, nisi përsëri t`u flasë atyre me shëmbëlltyra, duke thënë:

alb@Matthew:22:2 @ ``Mbretëria e qiejve i ngjan një mbreti, i cili përgatiti dasmën e të birit.

alb@Matthew:22:3 @ Dhe dërgoi shërbëtorët e vet për të thirrur të ftuarit në dasmë, por ata nuk deshën të vijnë.

alb@Matthew:22:4 @ Dërgoi përsëri shërbëtorë të tjerë duke thënë: "U thoni të ftuarve: Ja unë e kam shtruar drekën time, viçat e mi dhe bagëtia ime e majmur janë therur dhe gjithçka është gati; ejani në dasmë".

alb@Matthew:22:5 @ Por ata, pa e përfillur, shkuan: dikush në arën e vet e dikush në punët e veta.

alb@Matthew:22:6 @ Dhe të tjerët, mbasi kapën shërbëtorët e tij, i shanë dhe i vranë.

alb@Matthew:22:7 @ Mbreti atëhërë, kur dëgjoi këtë, u zemërua dhe dërgoi ushtritë e veta për të shfarosur ata gjaksorë dhe dogji qytetin e tyre.

alb@Matthew:22:8 @ Atëherë u tha shërbëtorëve të vet: "Dasma është gati, por të ftuarit nuk ishin të denjë.

alb@Matthew:22:9 @ Shkoni, pra, në udhëkryqe dhe ftoni në dasmë këdo që të gjeni."

alb@Matthew:22:10 @ Dhe ata shërbëtorët dolën nëpër rrugë, mblodhën të gjithë ata që gjetën, të këqij dhe të mirë, dhe vendi i dasmës u mbush me të ftuar.

alb@Matthew:22:11 @ Atëherë mbreti hyri për të parë të ftuarit dhe gjeti aty një njeri që nuk kishte veshur rrobë dasme;

alb@Matthew:22:12 @ dhe i tha: "Mik, si hyre këtu pa pasur rrobë dasme?". Dhe ai mbylli gojën.

alb@Matthew:22:13 @ Atëherë mbreti u tha shërbëtorëve: "Lidheni duar dhe këmbë, kapeni dhe hidheni në errësirat e jashtme. Atje do të jetë e qara dhe kërcëllim dhëmbësh".

alb@Matthew:22:14 @ Sepse shumë janë të thirrur, por pak janë të zgjedhur``.

alb@Matthew:22:15 @ Atëherë farisenjtë u veçuan dhe bënin këshill se si ta zinin gabim në fjalë.

alb@Matthew:22:16 @ Dhe i dërguan dishepujt e tyre bashkë me herodianët, për t`i thënë: ``Mësues, ne e dimë se ti je i vërtetë dhe që mëson udhën e Perëndisë në të vërtetë, pa marrë parasysh njeri, sepse ti nuk shikon pamjen e jashtme të njerëzve

alb@Matthew:22:17 @ Na thuaj, pra: Si e mendon? A është e ligjshme t`i paguhet taksa Cezarit apo jo?``.

alb@Matthew:22:18 @ Por Jezusi, duke e njohur ligësinë e tyre, tha: ``Pse më tundoni, o hipokritë?

alb@Matthew:22:19 @ Më tregoni monedhën e taksës``. Atëherë ata i treguan një denar.

alb@Matthew:22:20 @ Dhe ai u tha atyre: ``E kujt është kjo fytyrë dhe ky mbishkrim?``.

alb@Matthew:22:21 @ Ata i thanë: ``E Cezarit``. Atëherë ai u tha atyre: ``Jepni, pra, Cezarit atë që i përket Cezarit dhe Perëndisë atë që i përket Perëndisë``.

alb@Matthew:22:22 @ Dhe ata, kur e dëgjuan këtë, u mrekulluan, e lanë, dhe ikën.

alb@Matthew:22:23 @ Po atë ditë erdhën tek ai saducenjtë, të cilët thonë se nuk ka ringjallje, dhe e pyetën

alb@Matthew:22:24 @ duke thënë: ``Mësues, Moisiu ka thënë: "Në se dikush vdes pa lënë fëmijë, i vëllai le të martohet me gruan e tij, për t`i lindur trashëgimtarë vëllait të tij.

alb@Matthew:22:25 @ Tani ndër ne ishin shtatë vëllezër; i pari u martua dhe vdiq dhe duke mos pasë trashëgimtarë, ia la gruan vëllait të vet.

alb@Matthew:22:26 @ Kështu edhe i dyti dhe i treti, deri tek i shtati.

alb@Matthew:22:27 @ Në fund vdiq edhe gruaja.

alb@Matthew:22:28 @ Në ringjallje, pra, e kujt nga këta të shtatë do të jetë grua? Sepse të gjithë e patën gruaja``.

alb@Matthew:22:29 @ Por Jezusi, duke u përgjigjur u tha atyre: ``Ju bëni gabim, sepse nuk e kuptoni as Shkrimin as pushtetin e Perëndisë.

alb@Matthew:22:30 @ Në ringjallje, pra, as martohen as martojnë, por ata do të jenë në qiell si engjëjt e Perëndisë.

alb@Matthew:22:31 @ Pastaj sa për ringjalljen e të vdekurve, a nuk e keni lexuar ç`ju ishte thënë nga Perëndia kur thotë:

alb@Matthew:22:32 @ "Unë jam Perëndia i Abrahamit, Perëndia i Isakut dhe i Jakobit"? Perëndia nuk është Perëndia i të vdekurve, por i të gjallëve``.

alb@Matthew:22:33 @ Dhe turmat, kur i dëgjuan këto gjëra, habiteshin nga doktrina e tij.

alb@Matthew:22:34 @ Atëherë farisenjtë, kur dëgjuan se ai ua kishte zënë gojën saducenjve, u mblodhën tok.

alb@Matthew:22:35 @ Dhe një nga ata, mësues i ligjit, e pyeti për të vënë në provë, duke thënë:

alb@Matthew:22:36 @ ``Mësues, cili është urdhërimi i madh i ligjit?``.

alb@Matthew:22:37 @ Dhe Jezusi i tha: ``"Duaje Zotin, Perëndinë tënde me gjithë zemrën tënde, me gjithë shpirtin tënd dhe me gjithë mendjen tënde".

alb@Matthew:22:38 @ Ky është urdhërimi i parë dhe i madhi.

alb@Matthew:22:39 @ Dhe i dyti, i ngjashëm me këtë, është: "Duaje të afërmin tënd porsi vetveten".

alb@Matthew:22:40 @ Nga këto dy urdhërime varet i tërë ligji dhe profetët``.

alb@Matthew:22:41 @ Tani, kur u mblodhën farisenjtë, Jezusi i pyeti:

alb@Matthew:22:42 @ ``Ç`u duket juve për Krishtin? Biri i kujt është?``. Ata i thanë: ``I Davidit``.

alb@Matthew:22:43 @ Ai u tha atyre: ``Si pra Davidi, në Frymë, e quan Zot, duke thënë:

alb@Matthew:22:44 @ "Zoti i ka thënë Zotit tim: Ulu në të djathtën time, deri sa unë t`i vë armiqtë e tu si stol të këmbëve të tua"?

alb@Matthew:22:45 @ Në qoftë se Davidi e quan Zot, si mund të jetë biri i tij?``.

alb@Matthew:22:46 @ Por asnjë nuk ishte në gjendje t`i përgjigjej; dhe, që nga ajo ditë, askush nuk guxoi ta pyesë më.

Matthew 22