cebuano_ang_biblia_pinadayag

cebuano_ang_biblia_pinadayag@Matthew:28:1 @ ¶ Ug sa paghilabay na sa adlaw nga igpapahulay, sa nagbanag pa ang nahaunang adlaw sa semana, si Maria Magdalena ug ang usang Maria miadto sa pagtan-aw sa lubnganan.

cebuano_ang_biblia_pinadayag@Matthew:28:2 @ Ug tan-awa, miabut ang usa ka dakung linog; kay dihay manolunda sa Ginoo nga mikunsad gikan sa langit ug miabut ug iyang giligid ang bato, ug milingkod siya niini.

cebuano_ang_biblia_pinadayag@Matthew:28:3 @ Ang iyang dagway sama sa kilat, ug ang iyang sapot maputi sama sa nieve.

cebuano_ang_biblia_pinadayag@Matthew:28:4 @ Ug tungod sa kalisang nila kaniya, ang mga bantay nangurog ug nahimong daw mga patay.

cebuano_ang_biblia_pinadayag@Matthew:28:5 @ Apan ang manolunda miingon sa mga babaye, "Ayaw kamo kalisang; kay nasayud ako nga nangita kamo kang Jesus nga gilansang sa krus.

cebuano_ang_biblia_pinadayag@Matthew:28:6 @ Wala na siya dinhi; kay siya nabanhaw, sumala sa iyang giingon. Umari kamo, tan-awa ninyo ang dapit nga iyang nahimutangan.

cebuano_ang_biblia_pinadayag@Matthew:28:7 @ Ug dumali kamo pagpanglakaw ug suginli ninyo ang iyang mga tinun-an nga nabanhaw siya gikan sa mga patay, ug tan-awa, moadto siya nga magauna kaninyo sa Galilea; didto igakita ninyo siya. Tan-awa, gibalitaan ko na kamo."

cebuano_ang_biblia_pinadayag@Matthew:28:8 @ Ug sila midali pagpahawa sa lubnganan uban sa kahadlok ug dakung kalipay, ug nanalagan sila aron sa pagsugilon ngadto sa iyang mga tinun-an.

cebuano_ang_biblia_pinadayag@Matthew:28:9 @ Ug tan-awa, si Jesus misugat kanila ug miingon, "Komusta kamo!" Ug sila miduol ug ilang gigakos ang iyang mga tiil ug ilang gisimba siya.

cebuano_ang_biblia_pinadayag@Matthew:28:10 @ Ug si Jesus miingon kanila, "Ayaw kamo kahadlok; lumakaw kamo ug ingna ninyo ang akong mga kaigsoonan sa pag-adto sa Galilea, ug didto igakita nila ako."

cebuano_ang_biblia_pinadayag@Matthew:28:11 @ ¶ Ug samtang nanagpanglakaw sila, tan-awa, ang pipila sa mga bantay nangadto sa siyudad ug ang mga sacerdote nga punoan ilang gibalitaan sa tanang nahitabo.

cebuano_ang_biblia_pinadayag@Matthew:28:12 @ Ug sa nanagkatigum sila uban sa mga anciano ug nagkasabut, ilang gihatagan ug kuwarta ang mga sundalo

cebuano_ang_biblia_pinadayag@Matthew:28:13 @ ug giingnan, "Isulti ninyo kini sa mga tawo, `Ang iyang mga tinun-an mitungha sa kagabhion, ug siya ilang gikawat samtang nanagkatulog kami.'

cebuano_ang_biblia_pinadayag@Matthew:28:14 @ Ug kon mahidangat kini sa mga dalunggan sa gobernador, kami ray mahibalong moayom-ayom kaniya ug mahigawas kamo sa kasamok."

cebuano_ang_biblia_pinadayag@Matthew:28:15 @ Busa gidawat nila ang kuwarta ug ilang gibuhat ang gitudlo kanila, ug kining maong asoy nasangyaw ngadto sa mga Judio hangtud niining mga adlawa.

cebuano_ang_biblia_pinadayag@Matthew:28:16 @ ¶ Ug ang napulog-usa ka mga tinun-an nangadto sa Galilea, sa usa ka bukid nga gitudlo kanila ni Jesus.

cebuano_ang_biblia_pinadayag@Matthew:28:17 @ Ug sa ilang pagkakita kaniya ilang gisimba siya; apan dihay mga nanagduhaduha.

cebuano_ang_biblia_pinadayag@Matthew:28:18 @ Ug si Jesus miduol ug miingon kanila, "Kanako gikahatag ang tanang kagahum sa langit ug sa yuta.

cebuano_ang_biblia_pinadayag@Matthew:28:19 @ Busa panglakaw kamo ug himoa ninyong mga tinun-an ang tanang kanasuran, sa pagpamautismo kanila sa ngalan sa Amahan ug sa Anak ug sa Espiritu Santo,

cebuano_ang_biblia_pinadayag@Matthew:28:20 @ nga magatudlo kanila sa pagtuman sa tanan nga akong gisugo kaninyo; ug tan-awa, ako magauban kaninyo sa kanunay hangtud sa katapusan sa kapanahonan."

Matthew 28