Micah 7
vul@Micah:7:1 @ vae mihi quia factus sum sicut qui colligit in autumno racemos vindemiae non est botrus ad comedendum praecoquas ficus desideravit anima mea
vul@Micah:7:2 @ periit sanctus de terra et rectus in hominibus non est omnes in sanguine insidiantur vir fratrem suum venatur ad mortem
vul@Micah:7:3 @ malum manuum suarum dicunt bonum princeps postulat et iudex in reddendo est et magnus locutus est desiderium animae suae et conturbaverunt eam
vul@Micah:7:4 @ qui optimus in eis est quasi paliurus et qui rectus quasi spina de sepe dies speculationis tuae visitatio tua venit nunc erit vastitas eorum
vul@Micah:7:5 @ nolite credere amico et nolite confidere in duce ab ea quae dormit in sinu tuo custodi claustra oris tui
vul@Micah:7:6 @ quia filius contumeliam facit patri filia consurgit adversus matrem suam nurus contra socrum suam inimici hominis domestici eius
vul@Micah:7:7 @ ego autem ad Dominum aspiciam expectabo Deum salvatorem meum audiet me Deus meus
vul@Micah:7:8 @ ne laeteris inimica mea super me quia cecidi consurgam cum sedero in tenebris Dominus lux mea est
vul@Micah:7:9 @ iram Domini portabo quoniam peccavi ei donec iudicet causam meam et faciat iudicium meum educet me in lucem videbo in iustitiam eius
vul@Micah:7:10 @ et aspiciet inimica mea et operietur confusione quae dicit ad me ubi est Dominus Deus tuus oculi mei videbunt in eam nunc erit in conculcationem ut lutum platearum
vul@Micah:7:11 @ dies ut aedificentur maceriae tuae in die illa longe fiet lex
vul@Micah:7:12 @ in die illa et usque ad te veniet Assur et usque ad civitates munitas et a civitatibus munitis usque ad flumen et ad mare de mari et ad montem de monte
vul@Micah:7:13 @ et erit terra in desolationem propter habitatores suos et propter fructum cogitationum eorum
vul@Micah:7:14 @ pasce populum tuum in virga tua gregem hereditatis tuae habitantes solos in saltu in medio Carmeli pascentur Basan et Galaad iuxta dies antiquos
vul@Micah:7:15 @ secundum dies egressionis tuae de terra Aegypti ostendam ei mirabilia
vul@Micah:7:16 @ videbunt gentes et confundentur super omni fortitudine sua ponent manus super os aures eorum surdae erunt
vul@Micah:7:17 @ lingent pulverem sicut serpens velut reptilia terrae proturbabuntur de aedibus suis Dominum Deum nostrum desiderabunt et timebunt te
vul@Micah:7:18 @ quis Deus similis tui qui aufers iniquitatem et transis peccatum reliquiarum hereditatis tuae non inmittet ultra furorem suum quoniam volens misericordiam est
vul@Micah:7:19 @ revertetur et miserebitur nostri deponet iniquitates nostras et proiciet in profundum maris omnia peccata nostra