vul - 13

vul@Numbers:13:1 @ profectus est de Aseroth fixis tentoriis in deserto Pharan

vul@Numbers:13:2 @ ibi locutus est Dominus ad Mosen dicens

vul@Numbers:13:3 @ mitte viros qui considerent terram Chanaan quam daturus sum filiis Israhel singulos de singulis tribubus ex principibus

vul@Numbers:13:4 @ fecit Moses quod Dominus imperarat de deserto Pharan mittens principes viros quorum ista sunt nomina

vul@Numbers:13:5 @ de tribu Ruben Semmua filium Zecchur

vul@Numbers:13:6 @ de tribu Symeon Saphat filium Huri

vul@Numbers:13:7 @ de tribu Iuda Chaleb filium Iepphonne

vul@Numbers:13:8 @ de tribu Isachar Igal filium Ioseph

vul@Numbers:13:9 @ de tribu Ephraim Osee filium Nun

vul@Numbers:13:10 @ de tribu Beniamin Phalti filium Raphu

vul@Numbers:13:11 @ de tribu Zabulon Geddihel filium Sodi

vul@Numbers:13:12 @ de tribu Ioseph sceptri Manasse Gaddi filium Susi

vul@Numbers:13:13 @ de tribu Dan Ammihel filium Gemalli

vul@Numbers:13:14 @ de tribu Aser Sthur filium Michahel

vul@Numbers:13:15 @ de tribu Nepthali Naabbi filium Vaphsi

vul@Numbers:13:16 @ de tribu Gad Guhel filium Machi

vul@Numbers:13:17 @ haec sunt nomina virorum quos misit Moses ad considerandam terram vocavitque Osee filium Nun Iosue

vul@Numbers:13:18 @ misit ergo eos Moses ad considerandam terram Chanaan et dixit ad eos ascendite per meridianam plagam cumque veneritis ad montes

vul@Numbers:13:19 @ considerate terram qualis sit et populum qui habitator est eius utrum fortis sit an infirmus pauci numero an plures

vul@Numbers:13:20 @ ipsa terra bona an mala urbes quales muratae an absque muris

vul@Numbers:13:21 @ humus pinguis an sterilis nemorosa an absque arboribus confortamini et adferte nobis de fructibus terrae erat autem tempus quando iam praecoquae uvae vesci possunt

vul@Numbers:13:22 @ cumque ascendissent exploraverunt terram a deserto Sin usque Roob intrantibus Emath

vul@Numbers:13:23 @ ascenderuntque ad meridiem et venerunt in Hebron ubi erant Ahiman et Sisai et Tholmai filii Enach nam Hebron septem annis ante Tanim urbem Aegypti condita est

vul@Numbers:13:24 @ pergentesque usque ad torrentem Botri absciderunt palmitem cum uva sua quem portaverunt in vecte duo viri de malis quoque granatis et de ficis loci illius tulerunt

vul@Numbers:13:25 @ qui appellatus est Neelescol id est torrens Botri eo quod botrum inde portassent filii Israhel

vul@Numbers:13:26 @ reversique exploratores terrae post quadraginta dies omni regione circuita

vul@Numbers:13:27 @ venerunt ad Mosen et Aaron et ad omnem coetum filiorum Israhel in desertum Pharan quod est in Cades locutique eis et omni multitudini ostenderunt fructus terrae

vul@Numbers:13:28 @ et narraverunt dicentes venimus in terram ad quam misisti nos quae re vera fluit lacte et melle ut ex his fructibus cognosci potest

vul@Numbers:13:29 @ sed cultores fortissimos habet et urbes grandes atque muratas stirpem Enach vidimus ibi

vul@Numbers:13:30 @ Amalech habitat in meridie Hettheus et Iebuseus et Amorreus in montanis Chananeus vero moratur iuxta mare et circa fluenta Iordanis

vul@Numbers:13:31 @ inter haec Chaleb conpescens murmur populi qui oriebatur contra Mosen ait ascendamus et possideamus terram quoniam poterimus obtinere eam

vul@Numbers:13:32 @ alii vero qui fuerant cum eo dicebant nequaquam ad hunc populum valemus ascendere quia fortior nobis est

vul@Numbers:13:33 @ detraxeruntque terrae quam inspexerant apud filios Israhel dicentes terram quam lustravimus devorat habitatores suos populum quem aspeximus procerae staturae est

vul@Numbers:13:34 @ ibi vidimus monstra quaedam filiorum Enach de genere giganteo quibus conparati quasi lucustae videbamur

Numbers 13