vul - 27

vul@Numbers:27:1 @ accesserunt autem filiae Salphaad filii Epher filii Galaad filii Machir filii Manasse qui fuit filius Ioseph quarum sunt nomina Maala et Noa et Egla et Melcha et Thersa

vul@Numbers:27:2 @ steteruntque coram Mosen et Eleazaro sacerdote et cunctis principibus populi ad ostium tabernaculi foederis atque dixerunt

vul@Numbers:27:3 @ pater noster mortuus est in deserto nec fuit in seditione quae concitata est contra Dominum sub Core sed in peccato suo mortuus est hic non habuit mares filios cur tollitur nomen illius de familia sua quia non habet filium date nobis possessionem inter cognatos patris nostri

vul@Numbers:27:4 @ rettulitque Moses causam earum ad iudicium Domini

vul@Numbers:27:5 @ qui dixit ad eum

vul@Numbers:27:6 @ iustam rem postulant filiae Salphaad da eis possessionem inter cognatos patris sui et ei in hereditate succedant

vul@Numbers:27:7 @ ad filios autem Israhel loqueris haec

vul@Numbers:27:8 @ homo cum mortuus fuerit absque filio ad filiam eius transibit hereditas

vul@Numbers:27:9 @ si filiam non habuerit habebit successores fratres suos

vul@Numbers:27:10 @ quod si et fratres non fuerint dabitis hereditatem fratribus patris eius

vul@Numbers:27:11 @ sin autem nec patruos habuerit dabitur hereditas his qui ei proximi sunt eritque hoc filiis Israhel sanctum lege perpetua sicut praecepit Dominus Mosi

vul@Numbers:27:12 @ dixit quoque Dominus ad Mosen ascende in montem istum Abarim et contemplare inde terram quam daturus sum filiis Israhel

vul@Numbers:27:13 @ cumque videris eam ibis et tu ad populum tuum sicut ivit frater tuus Aaron

vul@Numbers:27:14 @ quia offendistis me in deserto Sin in contradictione multitudinis nec sanctificare me voluistis coram ea super aquas hae sunt aquae Contradictionis in Cades deserti Sin

vul@Numbers:27:15 @ cui respondit Moses

vul@Numbers:27:16 @ provideat Dominus Deus spirituum omnis carnis hominem qui sit super multitudinem hanc

vul@Numbers:27:17 @ et possit exire et intrare ante eos et educere illos vel introducere ne sit populus Domini sicut oves absque pastore

vul@Numbers:27:18 @ dixitque Dominus ad eum tolle Iosue filium Nun virum in quo est spiritus et pone manum tuam super eum

vul@Numbers:27:19 @ qui stabit coram Eleazaro sacerdote et omni multitudine

vul@Numbers:27:20 @ et dabis ei praecepta cunctis videntibus et partem gloriae tuae ut audiat eum omnis synagoga filiorum Israhel

vul@Numbers:27:21 @ pro hoc si quid agendum erit Eleazar sacerdos consulet Dominum ad verbum eius egredietur et ingredietur ipse et omnes filii Israhel cum eo et cetera multitudo

vul@Numbers:27:22 @ fecit Moses ut praeceperat Dominus cumque tulisset Iosue statuit eum coram Eleazaro sacerdote et omni frequentia populi

vul@Numbers:27:23 @ et inpositis capiti eius manibus cuncta replicavit quae mandaverat Dominus

Seeker Overlay: Off On

Bible:
Bible:
Book:

Numbers 27