vul - 1

vul@Philemon:1:1 @ Paulus vinctus Iesu Christi et Timotheus frater Philemoni dilecto et adiutori nostro

vul@Philemon:1:2 @ et Appiae sorori et Archippo commilitoni nostro et ecclesiae quae in domo tua est

vul@Philemon:1:3 @ gratia vobis et pax a Deo Patre nostro et Domino Iesu Christo

vul@Philemon:1:4 @ gratias ago Deo meo semper memoriam tui faciens in orationibus meis

vul@Philemon:1:5 @ audiens caritatem tuam et fidem quam habes in Domino Iesu et in omnes sanctos

vul@Philemon:1:6 @ ut communicatio fidei tuae evidens fiat in agnitione omnis boni in nobis in Christo Iesu

vul@Philemon:1:7 @ gaudium enim magnum habui et consolationem in caritate tua quia viscera sanctorum requieverunt per te frater

vul@Philemon:1:8 @ propter quod multam fiduciam habentes in Christo Iesu imperandi tibi quod ad rem pertinet

vul@Philemon:1:9 @ propter caritatem magis obsecro cum sis talis ut Paulus senex nunc autem et vinctus Iesu Christi

vul@Philemon:1:10 @ obsecro te de meo filio quem genui in vinculis Onesimo

vul@Philemon:1:11 @ qui tibi aliquando inutilis fuit nunc autem et tibi et mihi utilis

vul@Philemon:1:12 @ quem remisi tu autem illum id est mea viscera suscipe

vul@Philemon:1:13 @ quem ego volueram mecum detinere ut pro te mihi ministraret in vinculis evangelii

vul@Philemon:1:14 @ sine consilio autem tuo nihil volui facere uti ne velut ex necessitate bonum tuum esset sed voluntarium

vul@Philemon:1:15 @ forsitan enim ideo discessit ad horam a te ut aeternum illum recipere

vul@Philemon:1:16 @ iam non ut servum sed plus servo carissimum fratrem maxime mihi quanto autem magis tibi et in carne et in Domino

vul@Philemon:1:17 @ si ergo habes me socium suscipe illum sicut me

vul@Philemon:1:18 @ si autem aliquid nocuit tibi aut debet hoc mihi inputa

vul@Philemon:1:19 @ ego Paulus scripsi mea manu ego reddam ut non dicam tibi quod et te ipsum mihi debes

vul@Philemon:1:20 @ ita frater ego te fruar in Domino refice viscera mea in Domino

vul@Philemon:1:21 @ confidens oboedientia tua scripsi tibi sciens quoniam et super id quod dico facies

vul@Philemon:1:22 @ simul autem et para mihi hospitium nam spero per orationes vestras donari me vobis

vul@Philemon:1:23 @ salutat te Epaphras concaptivus meus in Christo Iesu

vul@Philemon:1:24 @ Marcus Aristarchus Demas Lucas adiutores mei

Philemon 1