vul - 3

vul@Philippians:3:1 @ de cetero fratres mei gaudete in Domino eadem vobis scribere mihi quidem non pigrum vobis autem necessarium

vul@Philippians:3:2 @ videte canes videte malos operarios videte concisionem

vul@Philippians:3:3 @ nos enim sumus circumcisio qui spiritu Deo servimus et gloriamur in Christo Iesu et non in carne fiduciam habentes

vul@Philippians:3:4 @ quamquam ego habeam confidentiam et in carne si quis alius videtur confidere in carne ego magis

vul@Philippians:3:5 @ circumcisus octava die ex genere Israhel de tribu Beniamin Hebraeus ex Hebraeis secundum legem Pharisaeus

vul@Philippians:3:6 @ secundum aemulationem persequens ecclesiam Dei secundum iustitiam quae in lege est conversatus sine querella

vul@Philippians:3:7 @ sed quae mihi fuerunt lucra haec arbitratus sum propter Christum detrimenta

vul@Philippians:3:8 @ verumtamen existimo omnia detrimentum esse propter eminentem scientiam Iesu Christi Domini mei propter quem omnia detrimentum feci et arbitror ut stercora ut Christum lucri faciam

vul@Philippians:3:9 @ et inveniar in illo non habens meam iustitiam quae ex lege est sed illam quae ex fide est Christi quae ex Deo est iustitia in fide

vul@Philippians:3:10 @ ad agnoscendum illum et virtutem resurrectionis eius et societatem passionum illius configuratus morti eius

vul@Philippians:3:11 @ si quo modo occurram ad resurrectionem quae est ex mortuis

vul@Philippians:3:12 @ non quod iam acceperim aut iam perfectus sim sequor autem si conprehendam in quo et conprehensus sum a Christo Iesu

vul@Philippians:3:13 @ fratres ego me non arbitror conprehendisse unum autem quae quidem retro sunt obliviscens ad ea vero quae sunt in priora extendens me

vul@Philippians:3:14 @ ad destinatum persequor ad bravium supernae vocationis Dei in Christo Iesu

vul@Philippians:3:15 @ quicumque ergo perfecti hoc sentiamus et si quid aliter sapitis et hoc vobis Deus revelabit

vul@Philippians:3:16 @ verumtamen ad quod pervenimus ut idem sapiamus et in eadem permaneamus regula

vul@Philippians:3:17 @ imitatores mei estote fratres et observate eos qui ita ambulant sicut habetis formam nos

vul@Philippians:3:18 @ multi enim ambulant quos saepe dicebam vobis nunc autem et flens dico inimicos crucis Christi

vul@Philippians:3:19 @ quorum finis interitus quorum deus venter et gloria in confusione ipsorum qui terrena sapiunt

vul@Philippians:3:20 @ nostra autem conversatio in caelis est unde etiam salvatorem expectamus Dominum Iesum Christum

vul@Philippians:3:21 @ qui reformabit corpus humilitatis nostrae configuratum corpori claritatis suae secundum operationem qua possit etiam subicere sibi omnia

Philippians 3