vul - 2

vul@Proverbs:2:1 @ fili mi si susceperis sermones meos et mandata mea absconderis penes te

vul@Proverbs:2:2 @ ut audiat sapientiam auris tua inclina cor tuum ad noscendam prudentiam

vul@Proverbs:2:3 @ si enim sapientiam invocaveris et inclinaveris cor tuum prudentiae

vul@Proverbs:2:4 @ si quaesieris eam quasi pecuniam et sicut thesauros effoderis illam

vul@Proverbs:2:5 @ tunc intelleges timorem Domini et scientiam Dei invenies

vul@Proverbs:2:6 @ quia Dominus dat sapientiam et ex ore eius scientia et prudentia

vul@Proverbs:2:7 @ custodiet rectorum salutem et proteget gradientes simpliciter

vul@Proverbs:2:8 @ servans semitas iustitiae et vias sanctorum custodiens

vul@Proverbs:2:9 @ tunc intelleges iustitiam et iudicium et aequitatem et omnem semitam bonam

vul@Proverbs:2:10 @ si intraverit sapientia cor tuum et scientia animae tuae placuerit

vul@Proverbs:2:11 @ consilium custodiet te prudentia servabit te

vul@Proverbs:2:12 @ ut eruaris de via mala ab homine qui perversa loquitur

vul@Proverbs:2:13 @ qui relinquunt iter rectum et ambulant per vias tenebrosas

vul@Proverbs:2:14 @ qui laetantur cum malefecerint et exultant in rebus pessimis

vul@Proverbs:2:15 @ quorum viae perversae et infames gressus eorum

vul@Proverbs:2:16 @ ut eruaris a muliere aliena et ab extranea quae mollit sermones suos

vul@Proverbs:2:17 @ et relinquit ducem pubertatis suae

vul@Proverbs:2:18 @ et pacti Dei sui oblita est inclinata est enim ad mortem domus eius et ad impios semitae ipsius

vul@Proverbs:2:19 @ omnes qui ingrediuntur ad eam non revertentur nec adprehendent semitas vitae

vul@Proverbs:2:20 @ ut ambules in via bona et calles iustorum custodias

vul@Proverbs:2:21 @ qui enim recti sunt habitabunt in terra et simplices permanebunt in ea

vul@Proverbs:2:22 @ impii vero de terra perdentur et qui inique agunt auferentur ex ea

Proverbs 2