vul - 23

vul@Proverbs:23:1 @ quando sederis ut comedas cum principe diligenter adtende quae posita sunt ante faciem tuam

vul@Proverbs:23:2 @ et statue cultrum in gutture tuo si tamen habes in potestate animam tuam

vul@Proverbs:23:3 @ ne desideres de cibis eius in quo est panis mendacii

vul@Proverbs:23:4 @ noli laborare ut diteris sed prudentiae tuae pone modum

vul@Proverbs:23:5 @ ne erigas oculos tuos ad opes quas habere non potes quia facient sibi pinnas quasi aquilae et avolabunt in caelum

vul@Proverbs:23:6 @ ne comedas cum homine invido et ne desideres cibos eius

vul@Proverbs:23:7 @ quoniam in similitudinem arioli et coniectoris aestimat quod ignorat comede et bibe dicet tibi et mens eius non est tecum

vul@Proverbs:23:8 @ cibos quos comederas evomes et perdes pulchros sermones tuos

vul@Proverbs:23:9 @ in auribus insipientium ne loquaris quia despicient doctrinam eloquii tui

vul@Proverbs:23:10 @ ne adtingas terminos parvulorum et agrum pupillorum ne introeas

vul@Proverbs:23:11 @ propinquus enim eorum Fortis est et ipse iudicabit contra te causam illorum

vul@Proverbs:23:12 @ ingrediatur ad doctrinam cor tuum et aures tuae ad verba scientiae

vul@Proverbs:23:13 @ noli subtrahere a puero disciplinam si enim percusseris eum virga non morietur

vul@Proverbs:23:14 @ tu virga percuties eum et animam eius de inferno liberabis

vul@Proverbs:23:15 @ fili mi si sapiens fuerit animus tuus gaudebit tecum cor meum

vul@Proverbs:23:16 @ et exultabunt renes mei cum locuta fuerint rectum labia tua

vul@Proverbs:23:17 @ non aemuletur cor tuum peccatores sed in timore Domini esto tota die

vul@Proverbs:23:18 @ quia habebis spem in novissimo et praestolatio tua non auferetur

vul@Proverbs:23:19 @ audi fili mi et esto sapiens et dirige in via animum tuum

vul@Proverbs:23:20 @ noli esse in conviviis potatorum nec in comesationibus eorum qui carnes ad vescendum conferunt

vul@Proverbs:23:21 @ quia vacantes potibus et dantes symbola consumentur et vestietur pannis dormitatio

vul@Proverbs:23:22 @ audi patrem tuum qui genuit te et ne contemnas cum senuerit mater tua

vul@Proverbs:23:23 @ veritatem eme et noli vendere sapientiam et doctrinam et intellegentiam

vul@Proverbs:23:24 @ exultat gaudio pater iusti qui sapientem genuit laetabitur in eo

vul@Proverbs:23:25 @ gaudeat pater tuus et mater tua et exultet quae genuit te

vul@Proverbs:23:26 @ praebe fili mi cor tuum mihi et oculi tui vias meas custodiant

vul@Proverbs:23:27 @ fovea enim profunda est meretrix et puteus angustus aliena

vul@Proverbs:23:28 @ insidiatur in via quasi latro et quos incautos viderit interficit

vul@Proverbs:23:29 @ cui vae cuius patri vae cui rixae cui foveae cui sine causa vulnera cui suffusio oculorum

vul@Proverbs:23:30 @ nonne his qui morantur in vino et student calicibus epotandis

vul@Proverbs:23:31 @ ne intuearis vinum quando flavescit cum splenduerit in vitro color eius ingreditur blande

vul@Proverbs:23:32 @ sed in novissimo mordebit ut coluber et sicut regulus venena diffundet

vul@Proverbs:23:33 @ oculi tui videbunt extraneas et cor tuum loquetur perversa

vul@Proverbs:23:34 @ et eris sicut dormiens in medio mari et quasi sopitus gubernator amisso clavo

vul@Proverbs:23:35 @ et dices verberaverunt me sed non dolui traxerunt me et ego non sensi quando evigilabo et rursum vina repperiam

Proverbs 23