vul - 3

vul@Proverbs:3:1 @ fili mi ne obliviscaris legis meae et praecepta mea custodiat cor tuum

vul@Proverbs:3:2 @ longitudinem enim dierum et annos vitae et pacem adponent tibi

vul@Proverbs:3:3 @ misericordia et veritas non te deserant circumda eas gutturi tuo et describe in tabulis cordis tui

vul@Proverbs:3:4 @ et invenies gratiam et disciplinam bonam coram Deo et hominibus

vul@Proverbs:3:5 @ habe fiduciam in Domino ex toto corde tuo et ne innitaris prudentiae tuae

vul@Proverbs:3:6 @ in omnibus viis tuis cogita illum et ipse diriget gressus tuos

vul@Proverbs:3:7 @ ne sis sapiens apud temet ipsum time Dominum et recede a malo

vul@Proverbs:3:8 @ sanitas quippe erit umbilico tuo et inrigatio ossuum tuorum

vul@Proverbs:3:9 @ honora Dominum de tua substantia et de primitiis omnium frugum tuarum

vul@Proverbs:3:10 @ et implebuntur horrea tua saturitate et vino torcularia redundabunt

vul@Proverbs:3:11 @ disciplinam Domini fili mi ne abicias nec deficias cum ab eo corriperis

vul@Proverbs:3:12 @ quem enim diligit Dominus corripit et quasi pater in filio conplacet sibi

vul@Proverbs:3:13 @ beatus homo qui invenit sapientiam et qui affluit prudentia

vul@Proverbs:3:14 @ melior est adquisitio eius negotiatione argenti et auro primo fructus eius

vul@Proverbs:3:15 @ pretiosior est cunctis opibus et omnia quae desiderantur huic non valent conparari

vul@Proverbs:3:16 @ longitudo dierum in dextera eius in sinistra illius divitiae et gloria

vul@Proverbs:3:17 @ viae eius viae pulchrae et omnes semitae illius pacificae

vul@Proverbs:3:18 @ lignum vitae est his qui adprehenderint eam et qui tenuerit eam beatus

vul@Proverbs:3:19 @ Dominus sapientia fundavit terram stabilivit caelos prudentia

vul@Proverbs:3:20 @ sapientia illius eruperunt abyssi et nubes rore concrescunt

vul@Proverbs:3:21 @ fili mi ne effluant haec ab oculis tuis custodi legem atque consilium

vul@Proverbs:3:22 @ et erit vita animae tuae et gratia faucibus tuis

vul@Proverbs:3:23 @ tunc ambulabis fiducialiter in via tua et pes tuus non inpinget

vul@Proverbs:3:24 @ si dormieris non timebis quiesces et suavis erit somnus tuus

vul@Proverbs:3:25 @ ne paveas repentino terrore et inruentes tibi potentias impiorum

vul@Proverbs:3:26 @ Dominus enim erit in latere tuo et custodiet pedem tuum ne capiaris

vul@Proverbs:3:27 @ noli prohibere benefacere eum qui potest si vales et ipse benefac

vul@Proverbs:3:28 @ ne dicas amico tuo vade et revertere et cras dabo tibi cum statim possis dare

vul@Proverbs:3:29 @ ne moliaris amico tuo malum cum ille in te habeat fiduciam

vul@Proverbs:3:30 @ ne contendas adversus hominem frustra cum ipse tibi nihil mali fecerit

vul@Proverbs:3:31 @ ne aemuleris hominem iniustum nec imiteris vias eius

vul@Proverbs:3:32 @ quia abominatio Domini est omnis inlusor et cum simplicibus sermocinatio eius

vul@Proverbs:3:33 @ egestas a Domino in domo impii habitacula autem iustorum benedicentur

vul@Proverbs:3:34 @ inlusores ipse deludet et mansuetis dabit gratiam

vul@Proverbs:3:35 @ gloriam sapientes possidebunt stultorum exaltatio ignominia

Proverbs 3