sept - 101

sept@Psalms:101:1 @ προσευχη τω πτωχω οταν ακηδιαση και εναντιον κυριου εκχεη την δεησιν αυτου

sept@Psalms:101:2 @ εισακουσον κυριε της προσευχης μου και η κραυγη μου προς σε ελθατω

sept@Psalms:101:3 @ μη αποστρεψης το προσωπον σου απ' εμου εν η αν ημερα θλιβωμαι κλινον το ους σου προς με εν η αν ημερα επικαλεσωμαι σε ταχυ εισακουσον μου

sept@Psalms:101:4 @ οτι εξελιπον ωσει καπνος αι ημεραι μου και τα οστα μου ωσει φρυγιον συνεφρυγησαν

sept@Psalms:101:5 @ επληγη ωσει χορτος και εξηρανθη η καρδια μου οτι επελαθομην του φαγειν τον αρτον μου

sept@Psalms:101:6 @ απο φωνης του στεναγμου μου εκολληθη το οστουν μου τη σαρκι μου

sept@Psalms:101:7 @ ωμοιωθην πελεκανι ερημικω εγενηθην ωσει νυκτικοραξ εν οικοπεδω

sept@Psalms:101:8 @ ηγρυπνησα και εγενηθην ωσει στρουθιον μοναζον επι δωματι

sept@Psalms:101:9 @ ολην την ημεραν ωνειδιζον με οι εχθροι μου και οι επαινουντες με κατ' εμου ωμνυον

sept@Psalms:101:10 @ οτι σποδον ωσει αρτον εφαγον και το πομα μου μετα κλαυθμου εκιρνων

sept@Psalms:101:11 @ απο προσωπου της οργης σου και του θυμου σου οτι επαρας κατερραξας με

sept@Psalms:101:12 @ αι ημεραι μου ωσει σκια εκλιθησαν και εγω ωσει χορτος εξηρανθην

sept@Psalms:101:13 @ συ δε κυριε εις τον αιωνα μενεις και το μνημοσυνον σου εις γενεαν και γενεαν

sept@Psalms:101:14 @ συ αναστας οικτιρησεις την σιων οτι καιρος του οικτιρησαι αυτην οτι ηκει καιρος

sept@Psalms:101:15 @ οτι ευδοκησαν οι δουλοι σου τους λιθους αυτης και τον χουν αυτης οικτιρησουσιν

sept@Psalms:101:16 @ και φοβηθησονται τα εθνη το ονομα κυριου και παντες οι βασιλεις της γης την δοξαν σου

sept@Psalms:101:17 @ οτι οικοδομησει κυριος την σιων και οφθησεται εν τη δοξη αυτου

sept@Psalms:101:18 @ επεβλεψεν επι την προσευχην των ταπεινων και ουκ εξουδενωσεν την δεησιν αυτων

sept@Psalms:101:19 @ γραφητω αυτη εις γενεαν ετεραν και λαος ο κτιζομενος αινεσει τον κυριον

sept@Psalms:101:20 @ οτι εξεκυψεν εξ υψους αγιου αυτου κυριος εξ ουρανου επι την γην επεβλεψεν

sept@Psalms:101:21 @ του ακουσαι τον στεναγμον των πεπεδημενων του λυσαι τους υιους των τεθανατωμενων

sept@Psalms:101:22 @ του αναγγειλαι εν σιων το ονομα κυριου και την αινεσιν αυτου εν ιερουσαλημ

sept@Psalms:101:23 @ εν τω συναχθηναι λαους επι το αυτο και βασιλειας του δουλευειν τω κυριω

sept@Psalms:101:24 @ απεκριθη αυτω εν οδω ισχυος αυτου την ολιγοτητα των ημερων μου αναγγειλον μοι

sept@Psalms:101:25 @ μη αναγαγης με εν ημισει ημερων μου εν γενεα γενεων τα ετη σου

sept@Psalms:101:26 @ κατ' αρχας συ κυριε την γην εθεμελιωσας και εργα των χειρων σου εισιν οι ουρανοι

sept@Psalms:101:27 @ αυτοι απολουνται συ δε διαμενεις και παντες ως ιματιον παλαιωθησονται και ωσει περιβολαιον αλλαξεις αυτους και αλλαγησονται

sept@Psalms:101:28 @ συ δε ο αυτος ει και τα ετη σου ουκ εκλειψουσιν

sept@Psalms:101:29 @ οι υιοι των δουλων σου κατασκηνωσουσιν και το σπερμα αυτων εις τον αιωνα κατευθυνθησεται

Psalms 101