alb - 103

alb@Psalms:103:1 @ Beko, shpirti im, Zotin, dhe të gjitha ato që janë tek unë të bekojnë emrin e tij të shenjtë.

alb@Psalms:103:2 @ Beko, shpirti im, Zotin dhe mos harro asnjë nga të mirat që ka bërë.

alb@Psalms:103:3 @ Ai fal të gjitha paudhësitë e tua dhe shëron të gjitha sëmundjet e tua,

alb@Psalms:103:4 @ shpengon jetën tënde nga shkatërrimi dhe të kurorëzon me mirësi dhe dhembshuri;

alb@Psalms:103:5 @ ai ngop me të mira gojën tënde dhe të bën të ri si shqiponja.

alb@Psalms:103:6 @ Zoti vepron me drejtësi dhe mbron çështjen e të shtypurve.

alb@Psalms:103:7 @ Ai i tregon Moisiut rrugët e tij dhe bijve të Izraelit veprat e tij.

alb@Psalms:103:8 @ Zoti është i mëshirshëm dhe zemërbutë, i ngadalshëm në zemërim dhe i madh në mirësi.

alb@Psalms:103:9 @ Ai nuk grindet përjetë dhe nuk e ruan zemërimin gjithnjë.

alb@Psalms:103:10 @ Ai nuk na trajton siç e meritojnë mëkatet tona dhe nuk na dënon në bazë të fajeve tona.

alb@Psalms:103:11 @ Sepse sa të lartë janë qiejtë mbi tokën, aq e madhe është mirësia e tij ndaj atyre që kanë frikë prej tij.

alb@Psalms:103:12 @ Sa larg është lindja nga perëndimi, aq shumë ai ka larguar nga ne fajet tona.

alb@Psalms:103:13 @ Ashtu si një baba është i mëshirshëm me bijtë e tij, kështu është i mëshirshëm Zoti me ata që kanë frikë prej tij.

alb@Psalms:103:14 @ Sepse ai e njeh natyrën tonë dhe nuk harron që ne jemi pluhur.

alb@Psalms:103:15 @ Ditët e njeriut janë si bari; ai lulëzon si lulja e fushës;

alb@Psalms:103:16 @ në qoftë se era i kalon sipër, ai nuk është më dhe vendi i tij nuk njihet më.

alb@Psalms:103:17 @ Por mirësia e Zotit vazhdon nga përjetësia në përjetësi për ata që kanë frikë prej tij, dhe drejtësia e tij për bijtë e bijve,

alb@Psalms:103:18 @ për ata që respektojnë besëlidhjen e tij dhe mbajnë në mendje urdhërimet e tij për t`i zbatuar në praktikë.

alb@Psalms:103:19 @ Zoti e ka vendosur fronin e tij në qiejtë, dhe mbretërimi i tij sundon mbi gjithçka.

alb@Psalms:103:20 @ Bekoni Zotin ju, engjëj të tij të pushtetshëm dhe të fortë, që bëni atë që thotë ai, duke iu bindur zërit të fjalës së tij.

alb@Psalms:103:21 @ Bekoni Zotin, ju, tërë ushtritë e tij, ju, tërë ministrat e tij, që zbatoni vullnetin e tij.

alb@Psalms:103:22 @ Bekoni Zotin, ju, të gjitha veprat e tij, në të tëra vendet e sundimit të tij. Shpirti im, beko Zotin!

Psalms 103