alb - 33

alb@Psalms:33:1 @ Ngazëlloni, o njerëz të drejtë, tek Zoti; lëvdimi u shkon për shtat njerëzve të drejtë.

alb@Psalms:33:2 @ Kremtojeni Zotin me qeste; këndojini atij me harpën me dhjetë tela.

alb@Psalms:33:3 @ Këndojini një kantik të ri, bjerini me mjeshtëri veglës dhe brohoritni.

alb@Psalms:33:4 @ Sepse fjala e Zotit është e drejtë dhe të gjithë veprat e tij janë bërë me saktësi.

alb@Psalms:33:5 @ Ai e do drejtësinë dhe barazinë; toka është e mbushur nga mirësitë e Zotit.

alb@Psalms:33:6 @ Qiejtë u bënë me anë të fjalës së Zotit dhe tërë ushtria e tyre me anë të frymës së gojës së tij.

alb@Psalms:33:7 @ Ai mblodhi ujërat në një tog dhe vendosi thellësitë e tyre të mëdha si rezervuare.

alb@Psalms:33:8 @ Tërë toka le të ketë frikë nga Zoti dhe le të dridhen para tij tërë banorët e botës.

alb@Psalms:33:9 @ Sepse ai foli dhe gjëja u bë; ai udhëroi dhe gjëja u shfaq.

alb@Psalms:33:10 @ Zoti e bën të dështojë planin e kombeve dhe asgjeson synimet e popujve.

alb@Psalms:33:11 @ Plani i Zotit mbetet përjetë dhe qëllimet e zemrës së tij për çdo brez.

alb@Psalms:33:12 @ Lum ai komb që ka Perëndinë Zotin; lum populli që ai ka zgjedhur për trashëgim të tij.

alb@Psalms:33:13 @ Zoti shikon nga qielli; ai shikon tërë bijtë e njerëzve.

alb@Psalms:33:14 @ Nga vendi i banimit të tij ai këqyr tërë banorët e tokës.

alb@Psalms:33:15 @ Ai e ka formuar zemrën e të gjithëve, që kupton tërë veprat e tyre.

alb@Psalms:33:16 @ Mbreti nuk shpëtohet nga një ushtri e madhe; trimi nuk shpëton për shkak të forcës së tij të madhe.

alb@Psalms:33:17 @ Kali është një shpresë e kotë shpëtimi, dhe me forcën e tij të madhe nuk mund të shpëtojë asnjeri nga rreziku.

alb@Psalms:33:18 @ Ja, syri i Zotit është mbi ata që kanë frikë para tij, mbi ata që shpresojnë në mirësinë e tij,

alb@Psalms:33:19 @ për ta çliruar shpirtin e tyre nga vdekja dhe për t`i mbajtur të gjallë në kohë urie.

alb@Psalms:33:20 @ Shpirti ynë pret Zotin; ai është ndihma jonë dhe mburoja jonë.

alb@Psalms:33:21 @ Po, zemra jonë do të gëzohet tek ai, sepse kemi besim, në emrin e tij të shenjtë.

alb@Psalms:33:22 @ Mirësia jote qoftë mbi ne, o Zot, sepse kemi pasur shpresë te ti.

Psalms 33