esperanto

esperanto@Psalms:45:1 @ Al la hxorestro. Por sxosxanoj. Instrua ama kanto de la Korahxidoj. Mia koro plenigxis per bona temo; Mi kantos pri regxo; Mia lango estas kiel plumo de lerta skribisto.

esperanto@Psalms:45:2 @ Vi estas la plej bela el la homidoj; CXarmo estas sur viaj lipoj; Tial Dio benis vin por cxiam.

esperanto@Psalms:45:3 @ Zonu vian lumbon per glavo, Vi, forta per via majesteco kaj beleco.

esperanto@Psalms:45:4 @ Kaj en via beleco prosperu, forrajdu por la vero, Por justeco al la humiluloj; Kaj via dekstra mano montros miraklojn.

esperanto@Psalms:45:5 @ Viaj sagoj estas akraj; Kaj, faligante antaux vi la popolojn, Ili penetros en la koron de la malamikoj de la regxo.

esperanto@Psalms:45:6 @ Via trono estas Dia trono por cxiam kaj eterne; La sceptro de via regno estas sceptro de justeco.

esperanto@Psalms:45:7 @ Vi amas virton kaj malamas malvirton; Tial Dio, via Dio, oleis vin per oleo de gxojo pli ol viajn kamaradojn.

esperanto@Psalms:45:8 @ De mirho, aloo, kaj kasio odoras cxiuj viaj vestoj; En palacoj eburaj gxojigas vin muziko.

esperanto@Psalms:45:9 @ Regxidinoj estas inter viaj karulinoj; CXe via dekstra flanko staras edzino en Ofira oro.

esperanto@Psalms:45:10 @ Auxdu, filino, rigardu, kaj klinu vian orelon, Kaj forgesu vian popolon kaj la domon de via patro;

esperanto@Psalms:45:11 @ Kaj kiam la regxo deziros vian belecon, CXar li estas via sinjoro, tiam vi klinigxu antaux li.

esperanto@Psalms:45:12 @ Kaj la filino de Tiro venos al vi kun donacoj; Petegos antaux vi la ricxuloj de la popolo.

esperanto@Psalms:45:13 @ En sia plena ornamo estas interne la regxidino; El ora teksajxo estas sxia vesto.

esperanto@Psalms:45:14 @ En broditaj vestoj sxi estas kondukata al la regxo; Post sxi estas kondukataj al vi knabinoj, sxiaj koleginoj.

esperanto@Psalms:45:15 @ Ili estas kondukataj kun gxojo kaj kantoj; Ili eniras en la palacon de la regxo.

esperanto@Psalms:45:16 @ Anstataux viaj patroj estos viaj filoj; Vi faros ilin princoj sur la tuta tero.

esperanto@Psalms:45:17 @ Mi memorigos vian nomon de generacio al generacio; Tial gloros vin popoloj cxiam kaj eterne.

Psalms 45