vul - 54

vul@Psalms:54:1 @ victori in psalmis eruditi David

vul@Psalms:54:2 @ exaudi Deus orationem meam et ne dispicias deprecationem meam

vul@Psalms:54:3 @ adtende mihi et exaudi me humiliatus sum in meditatione mea et conturbatus

vul@Psalms:54:4 @ a voce inimici a facie persequentis impii quoniam proiecerunt super me iniquitatem et in furore adversabantur mihi

vul@Psalms:54:5 @ cor meum doluit in vitalibus meis et terrores mortis ceciderunt super me

vul@Psalms:54:6 @ timor et tremor venit super me et operuit me caligo

vul@Psalms:54:7 @ et dixi quis dabit mihi pinnas columbae ut volem et requiescam

vul@Psalms:54:8 @ ut procul abeam et commorer in deserto semper

vul@Psalms:54:9 @ festinabo ut salver ab spiritu tempestatis et turbinis

vul@Psalms:54:10 @ praecipita Domine divide linguas eorum quoniam vidi iniquitatem et contradictionem in civitate

vul@Psalms:54:11 @ die et nocte circumeuntes muros eius scelus et dolorem in medio eius

vul@Psalms:54:12 @ insidiae in vitalibus eius et non recedet de plateis eius damnum et fraudulentia

vul@Psalms:54:13 @ non enim inimicus exprobravit mihi ut sustineam neque is qui me oderat super me magnificatus est ut abscondar ab eo

vul@Psalms:54:14 @ sed tu homo unianimis meus dux meus et notus meus

vul@Psalms:54:15 @ qui simul habuimus dulce secretum in domo Dei ambulavimus in terrore

vul@Psalms:54:16 @ veniat mors super eos descendant in infernum viventes quia nequitiae in congregatione eorum et in medio eorum

vul@Psalms:54:17 @ ego ad Deum clamabo et Dominus salvabit me

vul@Psalms:54:18 @ vespere et mane et meridie eloquar et resonabo et exaudiet vocem meam

vul@Psalms:54:19 @ redimet in pace animam meam ab adpropinquantibus mihi multi enim fuerunt adversum me

vul@Psalms:54:20 @ exaudiet Deus et humiliabit eos qui iudex est ab initio semper non enim mutantur neque timent Deum

vul@Psalms:54:21 @ extendit manum suam ad pacifica sua contaminabit pactum suum

vul@Psalms:54:22 @ nitidius butyro os eius pugnat autem cor illius molliores sermones eius oleo cum sint lanceae

vul@Psalms:54:23 @ proice super Dominum caritatem tuam et ipse enutriet te non dabit in aeternum fluctuationem iusto

vul@Psalms:54:24 @ tu autem Deus deduces eos in puteum interitus viri sanguinum et dolosi non dimidiabunt dies suos ego autem fiduciam habeo tui

Psalms 54