vul - 72

vul@Psalms:72:1 @ canticum Asaph attamen bonus est Israhel Deus his qui mundo sunt corde

vul@Psalms:72:2 @ mei autem paene vacillaverunt pedes paene effusi sunt gressus mei

vul@Psalms:72:3 @ quia aemulatus sum contra iniquos pacem impiorum videns

vul@Psalms:72:4 @ quod non recogitaverint de morte sua et firma sint vestibula eorum

vul@Psalms:72:5 @ in labore hominum non sunt et cum hominibus non flagellabuntur

vul@Psalms:72:6 @ ideo nutriti sunt ad superbiam circumdederunt iniquitatem sibi

vul@Psalms:72:7 @ processerunt a pinguidine oculi eorum transierunt cogitationes cordis

vul@Psalms:72:8 @ inriserunt et locuti sunt in malitia calumniam de excelso loquentes

vul@Psalms:72:9 @ posuerunt in caelo os suum et lingua eorum deambulavit in terra

vul@Psalms:72:10 @ propterea convertetur populus eius hic et quis plenus invenietur in eis

vul@Psalms:72:11 @ et dixerunt quomodo novit Deus et si est scientia in Excelso

vul@Psalms:72:12 @ ecce isti impii et abundantes in saeculo multiplicaverunt divitias

vul@Psalms:72:13 @ ergone frustra mundavi cor meum et lavi in innocentia manus meas

vul@Psalms:72:14 @ et fui flagellatus tota die et increpatio mea in matutinis

vul@Psalms:72:15 @ dixi si narravero sic ecce generationem filiorum tuorum reliqui

vul@Psalms:72:16 @ et cogitavi ut intellegerem istud labor est in oculis meis

vul@Psalms:72:17 @ donec veniam ad sanctuaria Dei intellegam in novissimo eorum

vul@Psalms:72:18 @ verumtamen in lubrico posuisti eos deiecisti eos ad interitum

vul@Psalms:72:19 @ quomodo vastati sunt subito defecerunt consumpti sunt quasi non sint

vul@Psalms:72:20 @ quasi somnium evigilantis Domine in civitate tua imaginem eorum ad nihilum rediges

vul@Psalms:72:21 @ quia contractum est cor meum et lumbi mei velut ignis fumigans

vul@Psalms:72:22 @ et ego insipiens et nescius

vul@Psalms:72:23 @ quasi iumentum factus sum apud te et eram semper tecum

vul@Psalms:72:24 @ et tenebas manum dexteram meam in consilium tuum deduces me et postea in gloria suscipies me

vul@Psalms:72:25 @ quid mihi est in caelo et tecum nolui in terra

vul@Psalms:72:26 @ consumpta est caro mea et cor meum robur cordis mei et pars mea Deus in aeternum

vul@Psalms:72:27 @ quia ecce qui elongant se a te peribunt perdidisti omnem fornicantem a te

vul@Psalms:72:28 @ mihi autem adpropinquare Deo bonum est posui in Domino Deo spem meam ut narrem omnes adnuntiationes tuas

Psalms 72