cebuano_ang_biblia_pinadayag

cebuano_ang_biblia_pinadayag@Psalms:86:1 @ ¶ Ipaduko ang imong igdulungog, Oh Jehova, ug tubaga ako; Kay ako kabus ug hangul.

cebuano_ang_biblia_pinadayag@Psalms:86:2 @ Bantayi ang akong kalag; kay ako diosnon man: Oh ikaw nga Dios ko, luwasa kining imong alagad nga nagasalig kanimo.

cebuano_ang_biblia_pinadayag@Psalms:86:3 @ Magmaloloy-on ka kanako, Oh Ginoo; Kay kanimo nagatu-aw ako sa tibook nga adlaw.

cebuano_ang_biblia_pinadayag@Psalms:86:4 @ Lipaya ang kalag sa imong alagad; Kay kanimo, Oh Ginoo, ginabayaw ko ang akong kalag.

cebuano_ang_biblia_pinadayag@Psalms:86:5 @ Kay ikaw, Ginoo, maayo man, ug andam sa pagpasaylo, Ug madagayaon sa mahigugmaong-kalolot alang niadtong tanan nga nanagsapit kanimo.

cebuano_ang_biblia_pinadayag@Psalms:86:6 @ Patalinghugi, Oh Jehova, ang akong pag-ampo; Ug pamatii ang tingog sa akong mga pangaliyupo.

cebuano_ang_biblia_pinadayag@Psalms:86:7 @ Sa adlaw sa akong kaguol magasangpit ako kanimo; Kay ikaw magatubag kanako.

cebuano_ang_biblia_pinadayag@Psalms:86:8 @ ¶ Oh Ginoo, walay bisan kinsa nga sama kanimo sa taliwala sa mga dios; Ni nga sama sa imong mga buhat.

cebuano_ang_biblia_pinadayag@Psalms:86:9 @ Ang tanang mga nasud nga imong gibuhat moanhi, ug mosimba sa atubangan mo, Oh Ginoo; Ug sila managhimaya sa imong ngalan.

cebuano_ang_biblia_pinadayag@Psalms:86:10 @ Kay ikaw daku, ug nagabuhat sa mga katingalahang butang: Ikaw lamang ang Dios.

cebuano_ang_biblia_pinadayag@Psalms:86:11 @ Tudloi ako sa imong dalan, Oh Jehova; ako magalakaw sa imong kamatuoran: Bug-osa ang akong kasingkasing sa pagkahadlok sa imong ngalan.

cebuano_ang_biblia_pinadayag@Psalms:86:12 @ Pagadayegon ko ikaw, Oh Ginoo nga Dios ko, uban sa bug-os ko nga kasingkasing; Ug pagahimayaon ko ang imong ngalan sa walay katapusan.

cebuano_ang_biblia_pinadayag@Psalms:86:13 @ Kay daku ang imong mahigugmaong-kalolot nganhi kanako; Ug giluwas mo ang akong kalag gikan sa Sheol nga labing halalum.

cebuano_ang_biblia_pinadayag@Psalms:86:14 @ Oh Dios, ang mga palabilabihon mingtindog batok kanako, Ug usa ka pundok sa mga tawo nga malupigon nanagpangita sa akong kalag, Ug ikaw wala nila ibutang sa atubangan nila.

cebuano_ang_biblia_pinadayag@Psalms:86:15 @ Apan ikaw, Oh Ginoo, mao ang Dios nga maloloy-on ug puno sa gracia, Mahinay sa kasuko ug madagayaon sa mahigugmaong-kalolot ug sa kamatuoran.

cebuano_ang_biblia_pinadayag@Psalms:86:16 @ Oh lingia ako, ug malooy ka kanako. Ihatag ang imong kalig-on sa imong ulipon, Ug luwasa ang anak nga lalake sa imong ulipon nga babaye.

cebuano_ang_biblia_pinadayag@Psalms:86:17 @ Ipakita kanako ang usa ka timaan alang sa maayo, Aron sila nga nanagdumot kanako makakita niini, ug maulawan, Tungod kay ikaw, Jehova, nagtabang kanako, ug naglipay kanako.

Psalms 86