vul - 7

vul@Revelation:7:1 @ post haec vidi quattuor angelos stantes super quattuor angulos terrae tenentes quattuor ventos terrae ne flaret ventus super terram neque super mare neque in ullam arborem

vul@Revelation:7:2 @ et vidi alterum angelum ascendentem ab ortu solis habentem signum Dei vivi et clamavit voce magna quattuor angelis quibus datum est nocere terrae et mari

vul@Revelation:7:3 @ dicens nolite nocere terrae neque mari neque arboribus quoadusque signemus servos Dei nostri in frontibus eorum

vul@Revelation:7:4 @ et audivi numerum signatorum centum quadraginta quattuor milia signati ex omni tribu filiorum Israhel

vul@Revelation:7:5 @ ex tribu Iuda duodecim milia signati ex tribu Ruben duodecim milia ex tribu Gad duodecim milia

vul@Revelation:7:6 @ ex tribu Aser duodecim milia ex tribu Nepthalim duodecim milia ex tribu Manasse duodecim milia

vul@Revelation:7:7 @ ex tribu Symeon duodecim milia ex tribu Levi duodecim milia ex tribu Issachar duodecim milia

vul@Revelation:7:8 @ ex tribu Zabulon duodecim milia ex tribu Ioseph duodecim milia ex tribu Beniamin duodecim milia signati

vul@Revelation:7:9 @ post haec vidi turbam magnam quam dinumerare nemo poterat ex omnibus gentibus et tribubus et populis et linguis stantes ante thronum et in conspectu agni amicti stolas albas et palmae in manibus eorum

vul@Revelation:7:10 @ et clamabant voce magna dicentes salus Deo nostro qui sedet super thronum et agno

vul@Revelation:7:11 @ et omnes angeli stabant in circuitu throni et seniorum et quattuor animalium et ceciderunt in conspectu throni in facies suas et adoraverunt Deum

vul@Revelation:7:12 @ dicentes amen benedictio et claritas et sapientia et gratiarum actio et honor et virtus et fortitudo Deo nostro in saecula saeculorum amen

vul@Revelation:7:13 @ et respondit unus de senioribus dicens mihi hii qui amicti sunt stolis albis qui sunt et unde venerunt

vul@Revelation:7:14 @ et dixi illi domine mi tu scis et dixit mihi hii sunt qui veniunt de tribulatione magna et laverunt stolas suas et dealbaverunt eas in sanguine agni

vul@Revelation:7:15 @ ideo sunt ante thronum Dei et serviunt ei die ac nocte in templo eius et qui sedet in throno habitabit super illos

vul@Revelation:7:16 @ non esurient neque sitient amplius neque cadet super illos sol neque ullus aestus

vul@Revelation:7:17 @ quoniam agnus qui in medio throni est reget illos et deducet eos ad vitae fontes aquarum et absterget Deus omnem lacrimam ex oculis eorum

Revelation 7