Romans 12
vul@Romans:12:1 @ obsecro itaque vos fratres per misericordiam Dei ut exhibeatis corpora vestra hostiam viventem sanctam Deo placentem rationabile obsequium vestrum
vul@Romans:12:2 @ et nolite conformari huic saeculo sed reformamini in novitate sensus vestri ut probetis quae sit voluntas Dei bona et placens et perfecta
vul@Romans:12:3 @ dico enim per gratiam quae data est mihi omnibus qui sunt inter vos non plus sapere quam oportet sapere sed sapere ad sobrietatem unicuique sicut Deus divisit mensuram fidei
vul@Romans:12:4 @ sicut enim in uno corpore multa membra habemus omnia autem membra non eundem actum habent
vul@Romans:12:5 @ ita multi unum corpus sumus in Christo singuli autem alter alterius membra
vul@Romans:12:6 @ habentes autem donationes secundum gratiam quae data est nobis differentes sive prophetiam secundum rationem fidei
vul@Romans:12:7 @ sive ministerium in ministrando sive qui docet in doctrina
vul@Romans:12:8 @ qui exhortatur in exhortando qui tribuit in simplicitate qui praeest in sollicitudine qui miseretur in hilaritate
vul@Romans:12:9 @ dilectio sine simulatione odientes malum adherentes bono
vul@Romans:12:10 @ caritatem fraternitatis invicem diligentes honore invicem praevenientes
vul@Romans:12:11 @ sollicitudine non pigri spiritu ferventes Domino servientes
vul@Romans:12:12 @ spe gaudentes in tribulatione patientes orationi instantes
vul@Romans:12:13 @ necessitatibus sanctorum communicantes hospitalitatem sectantes
vul@Romans:12:14 @ benedicite persequentibus benedicite et nolite maledicere
vul@Romans:12:15 @ gaudere cum gaudentibus flere cum flentibus
vul@Romans:12:16 @ id ipsum invicem sentientes non alta sapientes sed humilibus consentientes nolite esse prudentes apud vosmet ipsos
vul@Romans:12:17 @ nulli malum pro malo reddentes providentes bona non tantum coram Deo sed etiam coram omnibus hominibus
vul@Romans:12:18 @ si fieri potest quod ex vobis est cum omnibus hominibus pacem habentes
vul@Romans:12:19 @ non vosmet ipsos defendentes carissimi sed date locum irae scriptum est enim mihi vindictam ego retribuam dicit Dominus
vul@Romans:12:20 @ sed si esurierit inimicus tuus ciba illum si sitit potum da illi hoc enim faciens carbones ignis congeres super caput eius
vul@Romans:12:21 @ noli vinci a malo sed vince in bono malum