vul - 15

vul@Romans:15:1 @ debemus autem nos firmiores inbecillitates infirmorum sustinere et non nobis placere

vul@Romans:15:2 @ unusquisque vestrum proximo suo placeat in bonum ad aedificationem

vul@Romans:15:3 @ etenim Christus non sibi placuit sed sicut scriptum est inproperia inproperantium tibi ceciderunt super me

vul@Romans:15:4 @ quaecumque enim scripta sunt ad nostram doctrinam scripta sunt ut per patientiam et consolationem scripturarum spem habeamus

vul@Romans:15:5 @ Deus autem patientiae et solacii det vobis id ipsum sapere in alterutrum secundum Iesum Christum

vul@Romans:15:6 @ ut unianimes uno ore honorificetis Deum et Patrem Domini nostri Iesu Christi

vul@Romans:15:7 @ propter quod suscipite invicem sicut et Christus suscepit vos in honorem Dei

vul@Romans:15:8 @ dico enim Christum Iesum ministrum fuisse circumcisionis propter veritatem Dei ad confirmandas promissiones patrum

vul@Romans:15:9 @ gentes autem super misericordiam honorare Deum sicut scriptum est propter hoc confitebor tibi in gentibus et nomini tuo cantabo

vul@Romans:15:10 @ et iterum dicit laetamini gentes cum plebe eius

vul@Romans:15:11 @ et iterum laudate omnes gentes Dominum et magnificate eum omnes populi

vul@Romans:15:12 @ et rursus Esaias ait erit radix Iesse et qui exsurget regere gentes in eo gentes sperabunt

vul@Romans:15:13 @ Deus autem spei repleat vos omni gaudio et pace in credendo ut abundetis in spe in virtute Spiritus Sancti

vul@Romans:15:14 @ certus sum autem fratres mei et ego ipse de vobis quoniam et ipsi pleni estis dilectione repleti omni scientia ita ut possitis alterutrum monere

vul@Romans:15:15 @ audacius autem scripsi vobis fratres ex parte tamquam in memoriam vos reducens propter gratiam quae data est mihi a Deo

vul@Romans:15:16 @ ut sim minister Christi Iesu in gentibus sanctificans evangelium Dei ut fiat oblatio gentium accepta sanctificata in Spiritu Sancto

vul@Romans:15:17 @ habeo igitur gloriam in Christo Iesu ad Deum

vul@Romans:15:18 @ non enim audeo aliquid loqui eorum quae per me non effecit Christus in oboedientiam gentium verbo et factis

vul@Romans:15:19 @ in virtute signorum et prodigiorum in virtute Spiritus Sancti ita ut ab Hierusalem per circuitum usque in Illyricum repleverim evangelium Christi

vul@Romans:15:20 @ sic autem hoc praedicavi evangelium non ubi nominatus est Christus ne super alienum fundamentum aedificarem

vul@Romans:15:21 @ sed sicut scriptum est quibus non est adnuntiatum de eo videbunt et qui non audierunt intellegent

vul@Romans:15:22 @ propter quod et inpediebar plurimum venire ad vos

vul@Romans:15:23 @ nunc vero ulterius locum non habens in his regionibus cupiditatem autem habens veniendi ad vos ex multis iam annis

vul@Romans:15:24 @ cum in Hispaniam proficisci coepero spero quod praeteriens videam vos et a vobis deducar illuc si vobis primum ex parte fruitus fuero

vul@Romans:15:25 @ nunc igitur proficiscar in Hierusalem ministrare sanctis

vul@Romans:15:26 @ probaverunt enim Macedonia et Achaia conlationem aliquam facere in pauperes sanctorum qui sunt in Hierusalem

vul@Romans:15:27 @ placuit enim eis et debitores sunt eorum nam si spiritalium eorum participes facti sunt gentiles debent et in carnalibus ministrare eis

vul@Romans:15:28 @ hoc igitur cum consummavero et adsignavero eis fructum hunc proficiscar per vos in Hispaniam

vul@Romans:15:29 @ scio autem quoniam veniens ad vos in abundantia benedictionis Christi veniam

vul@Romans:15:30 @ obsecro igitur vos fratres per Dominum nostrum Iesum Christum et per caritatem Spiritus ut adiuvetis me in orationibus pro me ad Deum

vul@Romans:15:31 @ ut liberer ab infidelibus qui sunt in Iudaea et obsequii mei oblatio accepta fiat in Hierosolyma sanctis

vul@Romans:15:32 @ ut veniam ad vos in gaudio per voluntatem Dei et refrigerer vobiscum

vul@Romans:15:33 @ Deus autem pacis sit cum omnibus vobis amen

Romans 15