Romans 8
vul@Romans:8:1 @ nihil ergo nunc damnationis est his qui sunt in Christo Iesu qui non secundum carnem ambulant
vul@Romans:8:2 @ lex enim Spiritus vitae in Christo Iesu liberavit me a lege peccati et mortis
vul@Romans:8:3 @ nam quod inpossibile erat legis in quo infirmabatur per carnem Deus Filium suum mittens in similitudinem carnis peccati et de peccato damnavit peccatum in carne
vul@Romans:8:4 @ ut iustificatio legis impleretur in nobis qui non secundum carnem ambulamus sed secundum Spiritum
vul@Romans:8:5 @ qui enim secundum carnem sunt quae carnis sunt sapiunt qui vero secundum Spiritum quae sunt Spiritus sentiunt
vul@Romans:8:6 @ nam prudentia carnis mors prudentia autem Spiritus vita et pax
vul@Romans:8:7 @ quoniam sapientia carnis inimicitia est in Deum legi enim Dei non subicitur nec enim potest
vul@Romans:8:8 @ qui autem in carne sunt Deo placere non possunt
vul@Romans:8:9 @ vos autem in carne non estis sed in Spiritu si tamen Spiritus Dei habitat in vobis si quis autem Spiritum Christi non habet hic non est eius
vul@Romans:8:10 @ si autem Christus in vobis est corpus quidem mortuum est propter peccatum spiritus vero vita propter iustificationem
vul@Romans:8:11 @ quod si Spiritus eius qui suscitavit Iesum a mortuis habitat in vobis qui suscitavit Iesum Christum a mortuis vivificabit et mortalia corpora vestra propter inhabitantem Spiritum eius in vobis
vul@Romans:8:12 @ ergo fratres debitores sumus non carni ut secundum carnem vivamus
vul@Romans:8:13 @ si enim secundum carnem vixeritis moriemini si autem Spiritu facta carnis mortificatis vivetis
vul@Romans:8:14 @ quicumque enim Spiritu Dei aguntur hii filii sunt Dei
vul@Romans:8:15 @ non enim accepistis spiritum servitutis iterum in timore sed accepistis Spiritum adoptionis filiorum in quo clamamus Abba Pater
vul@Romans:8:16 @ ipse Spiritus testimonium reddit spiritui nostro quod sumus filii Dei
vul@Romans:8:17 @ si autem filii et heredes heredes quidem Dei coheredes autem Christi si tamen conpatimur ut et conglorificemur
vul@Romans:8:18 @ existimo enim quod non sunt condignae passiones huius temporis ad futuram gloriam quae revelabitur in nobis
vul@Romans:8:19 @ nam expectatio creaturae revelationem filiorum Dei expectat
vul@Romans:8:20 @ vanitati enim creatura subiecta est non volens sed propter eum qui subiecit in spem
vul@Romans:8:21 @ quia et ipsa creatura liberabitur a servitute corruptionis in libertatem gloriae filiorum Dei
vul@Romans:8:22 @ scimus enim quod omnis creatura ingemescit et parturit usque adhuc
vul@Romans:8:23 @ non solum autem illa sed et nos ipsi primitias Spiritus habentes et ipsi intra nos gemimus adoptionem filiorum expectantes redemptionem corporis nostri
vul@Romans:8:24 @ spe enim salvi facti sumus spes autem quae videtur non est spes nam quod videt quis quid sperat
vul@Romans:8:25 @ si autem quod non videmus speramus per patientiam expectamus
vul@Romans:8:26 @ similiter autem et Spiritus adiuvat infirmitatem nostram nam quid oremus sicut oportet nescimus sed ipse Spiritus postulat pro nobis gemitibus inenarrabilibus
vul@Romans:8:27 @ qui autem scrutatur corda scit quid desideret Spiritus quia secundum Deum postulat pro sanctis
vul@Romans:8:28 @ scimus autem quoniam diligentibus Deum omnia cooperantur in bonum his qui secundum propositum vocati sunt sancti
vul@Romans:8:29 @ nam quos praescivit et praedestinavit conformes fieri imaginis Filii eius ut sit ipse primogenitus in multis fratribus
vul@Romans:8:30 @ quos autem praedestinavit hos et vocavit et quos vocavit hos et iustificavit quos autem iustificavit illos et glorificavit
vul@Romans:8:31 @ quid ergo dicemus ad haec si Deus pro nobis quis contra nos
vul@Romans:8:32 @ qui etiam Filio suo non pepercit sed pro nobis omnibus tradidit illum quomodo non etiam cum illo omnia nobis donabit
vul@Romans:8:33 @ quis accusabit adversus electos Dei Deus qui iustificat
vul@Romans:8:34 @ quis est qui condemnet Christus Iesus qui mortuus est immo qui resurrexit qui et est ad dexteram Dei qui etiam interpellat pro nobis
vul@Romans:8:35 @ quis nos separabit a caritate Christi tribulatio an angustia an persecutio an fames an nuditas an periculum an gladius
vul@Romans:8:36 @ sicut scriptum est quia propter te mortificamur tota die aestimati sumus ut oves occisionis
vul@Romans:8:37 @ sed in his omnibus superamus propter eum qui dilexit nos
vul@Romans:8:38 @ certus sum enim quia neque mors neque vita neque angeli neque principatus neque instantia neque futura neque fortitudines
vul@Romans:8:39 @ neque altitudo neque profundum neque creatura alia poterit nos separare a caritate Dei quae est in Christo Iesu Domino nostro