vul - 1Chronicles:12:1-22

vul@1Chronicles:12:1 @ hii quoque venerunt ad David in Siceleg cum adhuc fugeret Saul filium Cis qui erant fortissimi et egregii pugnatores

vul@1Chronicles:12:2 @ tendentes arcum et utraque manu fundis saxa iacientes et dirigentes sagittas de fratribus Saul ex Beniamin

vul@1Chronicles:12:3 @ princeps Ahiezer et Ioas filii Sammaa Gabathites et Iazihel et Phallet filii Azmoth et Baracha et Ieu Anathothites

vul@1Chronicles:12:4 @ Samaias quoque Gabaonites fortissimus inter triginta et super triginta Hieremias et Iezihel et Iohanan et Iezbad Gaderothites

vul@1Chronicles:12:5 @ Eluzai et Ierimuth et Baalia et Samaria et Saphatia Aruphites

vul@1Chronicles:12:6 @ Helcana et Iesia et Azrahel et Ioezer et Iesbaam de Careim

vul@1Chronicles:12:7 @ Ioeela quoque et Zabadia filii Ieroam de Gedor

vul@1Chronicles:12:8 @ sed et de Gaddi transfugerunt ad David cum lateret in deserto viri robustissimi et pugnatores optimi tenentes clypeum et hastam facies eorum quasi facies leonis et veloces quasi capreae in montibus

vul@1Chronicles:12:9 @ Ezer princeps Obdias secundus Eliab tertius

vul@1Chronicles:12:10 @ Masmana quartus Hieremias quintus

vul@1Chronicles:12:11 @ Hetthi sextus Helihel septimus

vul@1Chronicles:12:12 @ Iohanan octavus Helzebad nonus

vul@1Chronicles:12:13 @ Hieremias decimus Bachannai undecimus

vul@1Chronicles:12:14 @ hii de filiis Gad principes exercitus novissimus centum militibus praeerat et maximus mille

vul@1Chronicles:12:15 @ isti sunt qui transierunt Iordanem mense primo quando inundare consuevit super ripas suas et omnes fugaverunt qui morabantur in vallibus ad orientalem plagam et occidentalem

vul@1Chronicles:12:16 @ venerunt autem et de Beniamin et de Iuda ad praesidium in quo morabatur David

vul@1Chronicles:12:17 @ egressusque est David obviam eis et ait si pacifice venistis ad me ut auxiliemini mihi cor meum iungatur vobis si autem insidiamini mihi pro adversariis meis cum ego iniquitatem in manibus non habeam videat Deus patrum nostrorum et iudicet

vul@1Chronicles:12:18 @ spiritus vero induit Amessai principem inter triginta et ait tui sumus o David et tecum fili Isai pax pax tibi et pax adiutoribus tuis te enim adiuvat Deus tuus suscepit ergo eos David et constituit principes turmae

vul@1Chronicles:12:19 @ porro de Manasse transfugerunt ad David quando veniebat cum Philisthim adversum Saul ut pugnaret et non dimicavit cum eis quia inito consilio remiserunt eum principes Philisthinorum dicentes periculo capitis nostri revertetur ad dominum suum Saul

vul@1Chronicles:12:20 @ quando igitur reversus est in Siceleg transfugerunt ad eum de Manasse Ednas et Iozabad et Iedihel et Michahel et Iozabad et Heliu et Salathi principes milium in Manasse

vul@1Chronicles:12:21 @ hii praebuerunt auxilium David adversum latrunculos omnes enim erant viri fortissimi et facti sunt principes in exercitu

vul@1Chronicles:12:22 @ sed et per singulos dies veniebant ad David ad auxiliandum ei usque dum fieret grandis numerus quasi exercitus Dei