vul - 1Chronicles:14:8-17

vul@1Chronicles:14:8 @ audientes autem Philisthim eo quod unctus esset David in regem super universum Israhel ascenderunt omnes ut quaererent eum quod cum audisset David egressus est obviam eis

vul@1Chronicles:14:9 @ porro Philisthim venientes diffusi sunt in valle Raphaim

vul@1Chronicles:14:10 @ consuluitque David Deum dicens si ascendam ad Philistheos si trades eos in manu mea et dixit ei Dominus ascende et tradam eos in manu tua

vul@1Chronicles:14:11 @ cumque illi ascendissent in Baalpharasim percussit eos ibi David et dixit divisit Deus inimicos meos per manum meam sicuti dividuntur aquae et idcirco vocatum est nomen loci illius Baalpharasim

vul@1Chronicles:14:12 @ dereliqueruntque ibi deos suos quos David iussit exuri

vul@1Chronicles:14:13 @ alia etiam vice Philisthim inruerunt et diffusi sunt in valle

vul@1Chronicles:14:14 @ consuluitque rursum David Deum et dixit ei Deus non ascendas post eos recede ab eis et venies contra illos ex adverso pirorum

vul@1Chronicles:14:15 @ cumque audieris sonitum gradientis in cacumine pirorum tunc egredieris ad bellum egressus est enim Deus ante te ut percutiat castra Philisthim

vul@1Chronicles:14:16 @ fecit ergo David sicut praeceperat ei Deus et percussit castra Philisthinorum de Gabaon usque Gazera

vul@1Chronicles:14:17 @ divulgatumque est nomen David in universis regionibus et Dominus dedit pavorem eius super omnes gentes