vul - 1Chronicles:15:1-16:6

vul@1Chronicles:15:1 @ fecit quoque sibi domos in civitate David et aedificavit locum arcae Dei tetenditque ei tabernaculum

vul@1Chronicles:15:2 @ tunc dixit David inlicitum est ut a quocumque portetur arca Dei nisi a Levitis quos elegit Dominus ad portandum eam et ad ministrandum sibi usque in aeternum

vul@1Chronicles:15:3 @ congregavitque universum Israhel in Hierusalem ut adferretur arca Dei in locum suum quem praeparaverat ei

vul@1Chronicles:15:4 @ necnon et filios Aaron et Levitas

vul@1Chronicles:15:5 @ de filiis Caath Urihel princeps fuit et fratres eius centum viginti

vul@1Chronicles:15:6 @ de filiis Merari Asaia princeps et fratres eius ducenti viginti

vul@1Chronicles:15:7 @ de filiis Gersom Iohel princeps et fratres eius centum triginta

vul@1Chronicles:15:8 @ de filiis Elisaphan Semeias princeps et fratres eius ducenti

vul@1Chronicles:15:9 @ de filiis Hebron Elihel princeps et fratres eius octoginta

vul@1Chronicles:15:10 @ de filiis Ozihel Aminadab princeps et fratres eius centum duodecim

vul@1Chronicles:15:11 @ vocavitque David Sadoc et Abiathar sacerdotes et Levitas Urihel Asaiam Iohel Semeiam Elihel et Aminadab

vul@1Chronicles:15:12 @ et dixit ad eos vos qui estis principes familiarum leviticarum sanctificamini cum fratribus vestris et adferte arcam Domini Dei Israhel ad locum qui ei praeparatus est

vul@1Chronicles:15:13 @ ne ut a principio quia non eratis praesentes percussit nos Dominus sic et nunc fiat inlicitum quid nobis agentibus

vul@1Chronicles:15:14 @ sanctificati sunt ergo sacerdotes et Levitae ut portarent arcam Domini Dei Israhel

vul@1Chronicles:15:15 @ et tulerunt filii Levi arcam Dei sicut praeceperat Moses iuxta verbum Domini umeris suis in vectibus

vul@1Chronicles:15:16 @ dixit quoque David principibus Levitarum ut constituerent de fratribus suis cantores in organis musicorum nablis videlicet et lyris et cymbalis ut resonaret in excelsum sonitus laetitiae

vul@1Chronicles:15:17 @ constitueruntque Levitas Heman filium Iohel et de fratribus eius Asaph filium Barachiae de filiis vero Merari fratribus eorum Ethan filium Casaiae

vul@1Chronicles:15:18 @ et cum eis fratres eorum in secundo ordine Zacchariam et Ben et Iazihel et Semiramoth et Iahihel et Ani Eliab et Banaiam et Maasiam et Matthathiam et Eliphalu et Macheniam et Obededom et Ieihel ianitores

vul@1Chronicles:15:19 @ porro cantores Heman Asaph et Ethan in cymbalis aeneis concrepantes

vul@1Chronicles:15:20 @ Zaccharias autem et Ozihel et Semiramoth et Iahihel et Ani et Eliab et Maasias et Banaias in nablis arcana cantabant

vul@1Chronicles:15:21 @ porro Matthathias et Eliphalu et Machenias et Obededom et Ieihel et Ozaziu in citharis pro octava canebant epinikion

vul@1Chronicles:15:22 @ Chonenias autem princeps Levitarum prophetiae praeerat ad praecinendam melodiam erat quippe valde sapiens

vul@1Chronicles:15:23 @ et Barachias et Helcana ianitores arcae

vul@1Chronicles:15:24 @ porro Sebenias et Iosaphat et Nathanahel et Amasai et Zaccharias et Banaias et Eliezer sacerdotes clangebant tubis coram arca Dei et Obededom et Ahias erant ianitores arcae

vul@1Chronicles:15:25 @ igitur David et maiores natu Israhel et tribuni ierunt ad deportandam arcam foederis Domini de domo Obededom cum laetitia

vul@1Chronicles:15:26 @ cumque adiuvisset Deus Levitas qui portabant arcam foederis Domini immolabantur septem tauri et septem arietes

vul@1Chronicles:15:27 @ porro David erat indutus stola byssina et universi Levitae qui portabant arcam cantoresque et Chonenias princeps prophetiae inter cantores David autem indutus erat etiam ephod lineo

vul@1Chronicles:15:28 @ universusque Israhel deducebant arcam foederis Domini in iubilo et sonitu bucinae et tubis et cymbalis et nablis et citharis concrepantes

vul@1Chronicles:15:29 @ cumque pervenisset arca foederis Domini usque ad civitatem David Michol filia Saul prospiciens per fenestram vidit regem David saltantem atque ludentem et despexit eum in corde suo

vul@1Chronicles:16:1 @ adtulerunt igitur arcam Dei et constituerunt eam in medio tabernaculi quod tetenderat ei David et obtulerunt holocausta et pacifica coram Deo

vul@1Chronicles:16:2 @ cumque conplesset David offerens holocausta et pacifica benedixit populo in nomine Domini

vul@1Chronicles:16:3 @ et divisit universis per singulos a viro usque ad mulierem tortam panis et partem assae carnis bubulae et frixam oleo similam

vul@1Chronicles:16:4 @ constituitque coram arca Domini de Levitis qui ministrarent et recordarentur operum eius et glorificarent atque laudarent Dominum Deum Israhel

vul@1Chronicles:16:5 @ Asaph principem et secundum eius Zacchariam porro Iahihel et Semiramoth et Ieihel et Matthathiam et Eliab et Banaiam et Obededom et Ieihel super organa psalterii et lyras Asaph autem ut cymbalis personaret

vul@1Chronicles:16:6 @ Banaiam vero et Azihel sacerdotes canere tuba iugiter coram arca foederis Domini