1Chronicles:15

---

Seeker Overlay ON

* Li konstruis al si domojn en la urbo de David , kaj pretigis lokon por la kesto de Dio , kaj etendis tendon super gxi . * Tiam David diris:Neniu portu la keston de Dio krom la Levidoj ; cxar ilin la Eternulo elektis , por ke ili portu la keston de Dio kaj servu al Li eterne . * Kaj David kunvenigis cxiujn Izraelidojn en Jerusalemon , por porti la keston de la Eternulo sur gxian lokon , kiun li pretigis por gxi . * Kaj David kunvenigis la idojn de Aaron kaj la Levidojn : * el la idoj de Kehat estis:la estro Uriel kaj liaj fratoj , cent dudek ; * el la idoj de Merari:la estro Asaja kaj liaj fratoj , ducent dudek ; * el la idoj de Gersxon:la estro Joel kaj liaj fratoj , cent tridek ; * el la idoj de Elicafan:la estro SXemaja kaj liaj fratoj , ducent ; * el la idoj de HXebron:la estro Eliel kaj liaj fratoj , okdek ; * el la idoj de Uziel:la estro Aminadab kaj liaj fratoj , cent dek du . * Kaj David alvokis la pastrojn Cadok kaj Ebjatar , kaj la Levidojn Uriel , Asaja , Joel , SXemaja , Eliel , kaj Aminadab ; * kaj li diris al ili:Vi , cxefoj de patrodomoj de la Levidoj , sanktigu vin kaj viajn fratojn , kaj alportu la keston de la Eternulo , Dio de Izrael , sur la lokon , kiun mi pretigis por gxi ; * cxar antauxe , kiam ne vi tion faris , la Eternulo , nia Dio , frapis nin pro tio , ke ni sercxis Lin ne tiel , kiel oni devas . * Kaj sanktigis sin la pastroj kaj la Levidoj , por porti la keston de la Eternulo , Dio de Izrael . * Kaj la idoj de Levi ekportis la keston de Dio , kiel ordonis Moseo laux la vorto de la Eternulo , sur siaj sxultroj , per stangoj sur ili . * Kaj David diris al la estroj de la Levidoj , ke ili starigu siajn fratojn la kantistojn kun muzikaj instrumentoj , psalteroj , harpoj , kaj lauxtaj cimbaloj , por ke alte auxdigxu la sonoj de gxojo . * Kaj la Levidoj starigis Hemanon , filon de Joel , kaj el liaj fratoj Asafon , filon de Berehxja , kaj el la idoj de Merari , siaj fratoj , Etanon , filon de Kusxaja ; * kaj kun ili iliajn duagradajn fratojn:Zehxarja , Ben , Jaaziel , SXemiramot , Jehxiel , Uni , Eliab , Benaja , Maaseja , Matitja , Eliflehu , Mikneja , Obed-Edom , kaj Jeiel , kiel pordegistojn . * La kantistoj Heman , Asaf , kaj Etan estis por ludado sur kupraj cimbaloj ; * Zehxarja , Aziel , SXemiramot , Jehxiel , Uni , Eliab , Maaseja , kaj Benaja - sur psalteroj , por sopranuloj ; * Matitja , Eliflehu , Mikneja , Obed-Edom , Jeiel , kaj Azazja-sur harpoj , por basuloj , por antauxkanti ; * Kenanja , la estro de la Levidoj-por arangxado ; li arangxadis la muzikon , cxar li estis kompetentulo . * Berehxja kaj Elkana estis pordogardistoj cxe la kesto ; * SXebanja , Josxafat , Netanel , Amasaj , Zehxarja , Benaja , kaj Eliezer , la pastroj , trumpetadis per trumpetoj antaux la kesto de Dio ; Obed-Edom kaj Jehxija estis pordogardistoj cxe la kesto . * Tiamaniere iris David kaj la plejagxuloj de Izrael kaj la milestroj , por transporti kun gxojo la keston de interligo de la Eternulo el la domo de Obed-Edom . * Kaj kiam Dio helpis al la Levidoj , kiuj portis la keston de interligo de la Eternulo , oni oferbucxis sep bovojn kaj sep sxafojn . * David estis vestita per tuniko el delikata tolo , ankaux cxiuj Levidoj , kiuj portis la keston , la kantistoj , kaj Kenanja , la estro de arangxado de la hxoroj ; David ankaux havis sur si linan efodon . * Kaj cxiuj Izraelidoj akompanis la keston de interligo de la Eternulo , kun gxojkrioj , kun sonado de korno , kun trumpetoj , lauxtaj cimbaloj , psalteroj , kaj harpoj . * Kiam la kesto de interligo de la Eternulo venis al la urbo de David , Mihxal , filino de Saul , rigardis tra la fenestro ; kaj kiam sxi vidis , ke la regxo David saltas kaj ludas , sxi ekmalestimis lin en sia koro .

---