vul - 1Chronicles:17:1-15

vul@1Chronicles:17:1 @ cum autem habitaret David in domo sua dixit ad Nathan prophetam ecce ego habito in domo cedrina arca autem foederis Domini sub pellibus est

vul@1Chronicles:17:2 @ et ait Nathan ad David omnia quae in corde tuo sunt fac Deus enim tecum est

vul@1Chronicles:17:3 @ igitur nocte illa factus est sermo Dei ad Nathan dicens

vul@1Chronicles:17:4 @ vade et loquere David servo meo haec dicit Dominus non aedificabis tu mihi domum ad habitandum

vul@1Chronicles:17:5 @ neque enim mansi in domo ex eo tempore quo eduxi Israhel usque ad hanc diem sed fui semper mutans loca tabernaculi et in tentorio

vul@1Chronicles:17:6 @ manens cum omni Israhel numquid locutus sum saltim uni iudicum Israhel quibus praeceperam ut pascerent populum meum et dixi quare non aedificastis mihi domum cedrinam

vul@1Chronicles:17:7 @ nunc itaque sic loqueris ad servum meum David haec dicit Dominus exercituum ego tuli te cum in pascuis sequereris gregem ut esses dux populi mei Israhel

vul@1Chronicles:17:8 @ et fui tecum quocumque perrexisti et interfeci omnes inimicos tuos coram te fecique tibi nomen quasi unius magnorum qui celebrantur in terra

vul@1Chronicles:17:9 @ et dedi locum populo meo Israhel plantabitur et habitabit in eo et ultra non commovebitur nec filii iniquitatis adterent eos sicut a principio

vul@1Chronicles:17:10 @ ex diebus quibus dedi iudices populo meo Israhel et humiliavi universos inimicos tuos adnuntio ergo tibi quod aedificaturus sit domum tibi Dominus

vul@1Chronicles:17:11 @ cumque impleveris dies tuos ut vadas ad patres tuos suscitabo semen tuum post te quod erit de filiis tuis et stabiliam regnum eius

vul@1Chronicles:17:12 @ ipse aedificabit mihi domum et firmabo solium eius usque in aeternum

vul@1Chronicles:17:13 @ ego ero ei in patrem et ipse erit mihi in filium et misericordiam meam non auferam ab eo sicut abstuli ab eo qui ante te fuit

vul@1Chronicles:17:14 @ et statuam eum in domo mea et in regno meo usque in sempiternum et thronus eius erit firmissimus in perpetuum

vul@1Chronicles:17:15 @ iuxta omnia verba haec et iuxta universam visionem istam sic locutus est Nathan ad David