vul - 1Chronicles:5:11-22

vul@1Chronicles:5:11 @ filii vero Gad e regione eorum habitaverunt in terra Basan usque Selcha

vul@1Chronicles:5:12 @ Iohel in capite et Saphan secundus Ianai autem et Saphat in Basan

vul@1Chronicles:5:13 @ fratres vero eorum secundum domos cognationum suarum Michahel et Mosollam et Sebe et Iori et Iachan et Zie et Heber septem

vul@1Chronicles:5:14 @ hii filii Abiahil filii Uri filii Iaro filii Galaad filii Michahel filii Iesesi filii Ieddo filii Buz

vul@1Chronicles:5:15 @ fratres quoque filii Abdihel filii Guni princeps domus in familiis suis

vul@1Chronicles:5:16 @ et habitaverunt in Galaad et in Basan et in viculis eius et in cunctis suburbanis Saron usque ad terminos

vul@1Chronicles:5:17 @ omnes hii numerati sunt in diebus Ioatham regis Iuda et in diebus Hieroboam regis Israhel

vul@1Chronicles:5:18 @ filii Ruben et Gad et dimidiae tribus Manasse viri bellatores scuta portantes et gladios et tendentes arcum eruditique ad proelia quadraginta quattuor milia et septingenti sexaginta procedentes ad pugnam

vul@1Chronicles:5:19 @ dimicaverunt contra Agarenos Iturei vero et Naphei et Nodab

vul@1Chronicles:5:20 @ praebuerunt eis auxilium traditique sunt in manus eorum Agareni et universi qui fuerant cum eis quia Deum invocaverunt cum proeliarentur et exaudivit eos eo quod credidissent in eum

vul@1Chronicles:5:21 @ ceperuntque omnia quae possederant camelorum quinquaginta milia et ovium ducenta quinquaginta milia asinos duo milia et animas hominum centum milia

vul@1Chronicles:5:22 @ vulnerati autem multi corruerunt fuit enim bellum Domini habitaveruntque pro eis usque ad transmigrationem