vul - 1Chronicles:9:1-34

vul@1Chronicles:9:1 @ universus ergo Israhel dinumeratus est et summa eorum scripta est in libro regum Israhel et Iuda translatique sunt in Babylonem propter delictum suum

vul@1Chronicles:9:2 @ qui autem habitaverunt primi in possessionibus et in urbibus suis Israhel et sacerdotes Levitae et Nathinnei

vul@1Chronicles:9:3 @ commorati sunt in Hierusalem de filiis Iuda et de filiis Beniamin de filiis quoque Ephraim et Manasse

vul@1Chronicles:9:4 @ Othei filius Amiud filius Emri filii Omrai filii Bonni de filiis Phares filii Iuda

vul@1Chronicles:9:5 @ et de Siloni Asaia primogenitus et filii eius

vul@1Chronicles:9:6 @ de filiis autem Zara Ieuhel et fratres eorum sescenti nonaginta

vul@1Chronicles:9:7 @ porro de filiis Beniamin Salo filius Mosollam filii Oduia filii Asana

vul@1Chronicles:9:8 @ et Iobania filius Hieroam et Hela filius Ozi filii Mochori et Mosollam filius Saphatiae filii Rahuhel filii Iebaniae

vul@1Chronicles:9:9 @ et fratres eorum per familias suas nongenti quinquaginta sex omnes hii principes cognationum per domos patrum suorum

vul@1Chronicles:9:10 @ de sacerdotibus autem Iedaia Ioiarib et Iachin

vul@1Chronicles:9:11 @ Azarias quoque filius Helciae filii Mosollam filii Sadoc filii Maraioth filii Ahitob pontifex domus Dei

vul@1Chronicles:9:12 @ porro Adaias filius Hieroam filii Phasor filii Melchia et Masaia filius Adihel filii Iezra filii Mosollam filii Mosollamoth filii Emmer

vul@1Chronicles:9:13 @ fratres quoque eorum principes per familias suas mille septingenti sexaginta fortissimi robore ad faciendum opus ministerii in domo Dei

vul@1Chronicles:9:14 @ de Levitis autem Semeia filius Assub filii Ezricam filii Asebiu de filiis Merari

vul@1Chronicles:9:15 @ Bacbacar quoque carpentarius et Galal et Mathania filius Micha filii Zechri filii Asaph

vul@1Chronicles:9:16 @ et Obdia filius Semeiae filii Galal filii Idithun et Barachia filius Asa filii Helcana qui habitavit in atriis Netophathi

vul@1Chronicles:9:17 @ ianitores autem Sellum et Acub et Telmon et Ahiman et frater eorum Sellum princeps

vul@1Chronicles:9:18 @ usque ad illud tempus in porta Regis ad orientem observabant per vices suas de filiis Levi

vul@1Chronicles:9:19 @ Sellum vero filius Core filii Abiasaph filii Core cum fratribus suis et domo patris sui hii sunt Coritae super opera ministerii custodes vestibulorum tabernaculi et familiae eorum per vices castrorum Domini custodientes introitum

vul@1Chronicles:9:20 @ Finees autem filius Eleazar erat dux eorum coram Domino

vul@1Chronicles:9:21 @ porro Zaccharias filius Mosollamia ianitor portae tabernaculi testimonii

vul@1Chronicles:9:22 @ omnes hii electi in ostiarios per portas ducenti duodecim et descripti in villis propriis quos constituerunt David et Samuhel videns in fide sua

vul@1Chronicles:9:23 @ tam ipsos quam filios eorum in ostiis domus Domini et in tabernaculo vicibus suis

vul@1Chronicles:9:24 @ per quattuor ventos erant ostiarii id est ad orientem et ad occidentem ad aquilonem et ad austrum

vul@1Chronicles:9:25 @ fratres autem eorum in viculis morabantur et veniebant in sabbatis suis de tempore usque ad tempus

vul@1Chronicles:9:26 @ his quattuor Levitis creditus erat omnis numerus ianitorum et erant super exedras et thesauros domus Domini

vul@1Chronicles:9:27 @ per gyrum quoque templi Domini morabantur in custodiis suis ut cum tempus fuisset ipsi mane aperirent fores

vul@1Chronicles:9:28 @ de horum grege erant et super vasa ministerii ad numerum enim et inferebantur vasa et efferebantur

vul@1Chronicles:9:29 @ de ipsis et qui credita habebant utensilia sanctuarii praeerant similae et vino et oleo et turi et aromatibus

vul@1Chronicles:9:30 @ filii autem sacerdotum unguenta ex aromatibus conficiebant

vul@1Chronicles:9:31 @ et Matthathias Levites primogenitus Sellum Coritae praefectus erat eorum quae in sartagine frigebantur

vul@1Chronicles:9:32 @ porro de filiis Caath fratribus eorum super panes erant propositionis ut semper novos per singula sabbata praepararent

vul@1Chronicles:9:33 @ hii sunt principes cantorum per familias Levitarum qui in exedris morabantur ita ut die et nocte iugiter suo ministerio deservirent

vul@1Chronicles:9:34 @ capita Levitarum per familias suas principes manserunt in Hierusalem