cebuano_ang_biblia_pinadayag - 1Corinthians:1:10-17

cebuano_ang_biblia_pinadayag@1Corinthians:1:10 @ ¶ Apan magahangyo ako kaninyo, mga igsoon, tungod sa ngalan sa atong Ginoong Jesu-Cristo, nga unta kamong tanan magasulti sa mao rang usa ka butang ug nga wala unta kaninyoy mga pagkabahinbahin, kondili mausa unta hinoon kamo diha sa mao rang paagiha sa paghunahuna ug sa mao rang hunahunaa.

cebuano_ang_biblia_pinadayag@1Corinthians:1:11 @ Kay gikasuginlan man ugod ako sa mga tawo ni Cloe nga kono anaay pakiglalisay diha kaninyo, mga igsoon ko.

cebuano_ang_biblia_pinadayag@1Corinthians:1:12 @ Sa laing pagkasulti, ang matag-usa kaninyo magakanayon kono, "Ako iya ni Pablo," o "Ako iya ni Apolos," o "Ako iya ni Cefas," o "Ako iya ni Cristo."

cebuano_ang_biblia_pinadayag@1Corinthians:1:13 @ Nabahinbahin ba ugod si Cristo? si Pablo ba ang gikalansang sa krus alang kaninyo? O gikabautismohan ba kamo sa ngalan ni Pablo?

cebuano_ang_biblia_pinadayag@1Corinthians:1:14 @ ¶ Mapasalamaton ako sa Dios nga wala akoy gikabautismohan kaninyo gawas lamang kang Crispo ug kang Gayo,

cebuano_ang_biblia_pinadayag@1Corinthians:1:15 @ aron wala kaninyoy makaingon nga kamo gibautismohan sa akong ngalan.

cebuano_ang_biblia_pinadayag@1Corinthians:1:16 @ (Hinoon gibautismohan ko usab ang panimalay ni Estefanas. Gawas niana, ambut kong may lain pa ba nga akong gibautismohan.)

cebuano_ang_biblia_pinadayag@1Corinthians:1:17 @ ¶ Kay si Cristo wala magpadala kanako aron sa pagpamautismo, kondili sa pagwali sa Maayong Balita, dili pinaagi sa kaigmat sa mga pulong, aron ang krus ni Cristo dili kawad-an sa gahum.