vul - 1Corinthians:1:18-2:5

vul@1Corinthians:1:18 @ verbum enim crucis pereuntibus quidem stultitia est his autem qui salvi fiunt id est nobis virtus Dei est

vul@1Corinthians:1:19 @ scriptum est enim perdam sapientiam sapientium et prudentiam prudentium reprobabo

vul@1Corinthians:1:20 @ ubi sapiens ubi scriba ubi conquisitor huius saeculi nonne stultam fecit Deus sapientiam huius mundi

vul@1Corinthians:1:21 @ nam quia in Dei sapientia non cognovit mundus per sapientiam Deum placuit Deo per stultitiam praedicationis salvos facere credentes

vul@1Corinthians:1:22 @ quoniam et Iudaei signa petunt et Graeci sapientiam quaerunt

vul@1Corinthians:1:23 @ nos autem praedicamus Christum crucifixum Iudaeis quidem scandalum gentibus autem stultitiam

vul@1Corinthians:1:24 @ ipsis autem vocatis Iudaeis atque Graecis Christum Dei virtutem et Dei sapientiam

vul@1Corinthians:1:25 @ quia quod stultum est Dei sapientius est hominibus et quod infirmum est Dei fortius est hominibus

vul@1Corinthians:1:26 @ videte enim vocationem vestram fratres quia non multi sapientes secundum carnem non multi potentes non multi nobiles

vul@1Corinthians:1:27 @ sed quae stulta sunt mundi elegit Deus ut confundat sapientes et infirma mundi elegit Deus ut confundat fortia

vul@1Corinthians:1:28 @ et ignobilia mundi et contemptibilia elegit Deus et quae non sunt ut ea quae sunt destrueret

vul@1Corinthians:1:29 @ ut non glorietur omnis caro in conspectu eius

vul@1Corinthians:1:30 @ ex ipso autem vos estis in Christo Iesu qui factus est sapientia nobis a Deo et iustitia et sanctificatio et redemptio

vul@1Corinthians:1:31 @ ut quemadmodum scriptum est qui gloriatur in Domino glorietur

vul@1Corinthians:2:1 @ et ego cum venissem ad vos fratres veni non per sublimitatem sermonis aut sapientiae adnuntians vobis testimonium Christi

vul@1Corinthians:2:2 @ non enim iudicavi scire me aliquid inter vos nisi Iesum Christum et hunc crucifixum

vul@1Corinthians:2:3 @ et ego in infirmitate et timore et tremore multo fui apud vos

vul@1Corinthians:2:4 @ et sermo meus et praedicatio mea non in persuasibilibus sapientiae verbis sed in ostensione Spiritus et virtutis

vul@1Corinthians:2:5 @ ut fides vestra non sit in sapientia hominum sed in virtute Dei