cebuano_ang_biblia_pinadayag - 1Corinthians:15:12-34

cebuano_ang_biblia_pinadayag@1Corinthians:15:12 @ ¶ Nan, kon si Cristo ginawali nga siya nabanhaw gikan sa mga patay, unsaon ba sa uban kaninyo ang pagpakaingon nga walay pagkabanhaw ang mga nangamatay?

cebuano_ang_biblia_pinadayag@1Corinthians:15:13 @ Kon wala may pagkabanhaw ang mga nangamatay, nan, bisan si Cristo wala diay usab banhawa;

cebuano_ang_biblia_pinadayag@1Corinthians:15:14 @ ug kon si Cristo wala banhawa, nan, kawang lamang ang among pagwali ug kawang lamang usab diay ang inyong pagtoo.

cebuano_ang_biblia_pinadayag@1Corinthians:15:15 @ Ug kami usab pagahimatud-an nga nanagbakak diay mahitungod sa Dios, kay kami nagapahayag man mahitungod sa Dios nga siya nagbanhaw kang Cristo, nga wala diay niya banhawa kon tinuod man nga ang mga nangamatay dili banhawon.

cebuano_ang_biblia_pinadayag@1Corinthians:15:16 @ Kay kon ang mga nangamatay dili man pagabanhawon, nan, si Cristo wala diay usab banhawa;

cebuano_ang_biblia_pinadayag@1Corinthians:15:17 @ ug kon si Cristo wala banhawa, nan, ang inyong pagtoo wala lamay kapuslanan ug kamo anaa pa gihapon sa inyong mga kasal-anan.

cebuano_ang_biblia_pinadayag@1Corinthians:15:18 @ Ug dugang pa niana, bisan sila nga mga nangamatay diha kang Cristo nangalaglag lang diay.

cebuano_ang_biblia_pinadayag@1Corinthians:15:19 @ Kon niini rang kinabuhia may paglaum kita kang Cristo, nan, sa tanang mga tawo kita mao ang labing takus pagakaloy-an.

cebuano_ang_biblia_pinadayag@1Corinthians:15:20 @ ¶ Apan ang tinuod mao nga si Cristo gibanhaw gikan sa mga patay, ang nahaunang gibanhaw sa mga nangamatay.

cebuano_ang_biblia_pinadayag@1Corinthians:15:21 @ Kay maingon nga pinaagi sa usa ka tawo miabut ang kamatayon, pinaagi usab sa usa ka tawo nahiabut ang pagkabanhaw sa mga patay.

cebuano_ang_biblia_pinadayag@1Corinthians:15:22 @ Kay maingon nga diha kang Adan ang tanan nangamatay, maingon man usab diha kang Cristo ang tanan mangabuhi.

cebuano_ang_biblia_pinadayag@1Corinthians:15:23 @ Apan ang matag-usa sa iyang kaugalingong panahon: si Cristo ang nahauna, ug unya sa iyang pag-anhi, sila nga mga iya ni Cristo.

cebuano_ang_biblia_pinadayag@1Corinthians:15:24 @ Ug unya magaabut ang katapusan, inigtugyan na niya sa gingharian ngadto sa Dios ug Amahan, tapus niya mawagtang ang tanang pamuno-an ug tanang kamandoan ug kagahum.

cebuano_ang_biblia_pinadayag@1Corinthians:15:25 @ Kay kinahanglan magahari siya hangtud nga ang tanang mga kaaway niya ikabutang na niya diha sa ilalum sa iyang mga tiil.

cebuano_ang_biblia_pinadayag@1Corinthians:15:26 @ Ug ang katapusang kaaway nga pagalaglagon mao ang kamatayon.

cebuano_ang_biblia_pinadayag@1Corinthians:15:27 @ "Kay ang Dios magapahiluna sa tanang mga butang aron kini mahisakop niya ilalum sa iyang mga tiil." Apan sa pag-ingon niini nga, "Ang tanang mga butang gipahiluna nga mahisakop ilalum kaniya," tataw nga wala mahilakip niini ang Dios nga mao ang nagapahiluna sa tanang mga butang sa ilalum niya.

cebuano_ang_biblia_pinadayag@1Corinthians:15:28 @ Ug sa diha nga mahisakop na ang tanang mga butang ilalum kaniya, nan, ang Anak pagasakopon usab ilalum kaniya nga mao ang nagapahiluna sa tanang mga butang ilalum kaniya, aron ang Dios mahimong tanan ngadto sa tanan.

cebuano_ang_biblia_pinadayag@1Corinthians:15:29 @ Kon dili pa, unsa man lamay ipasabut sa mga tawo sa ilang pagpabautismo alang sa mga patay? Kon ang mga patay dili man ugaling banhawon, nganong bautismohan pa man ang mga tawo alang sa mga patay?

cebuano_ang_biblia_pinadayag@1Corinthians:15:30 @ Ug ngano bang magapahiluna man usab ako sa maong katalagman matagtakna?

cebuano_ang_biblia_pinadayag@1Corinthians:15:31 @ Oo, mga igsoon, tungod sa akong garbo diha kaninyo nga naangkon ko pinaagi kang Cristo Jesus nga atong Ginoo, ipanghimatuod ko nga ako nagakamatay adlaw-adlaw!

cebuano_ang_biblia_pinadayag@1Corinthians:15:32 @ Sa tinawhanon nga pagkasulti, unsa man konoy nakuha ko sa akong pagpakigbugno batok sa mga mapintas nga mananap didto sa Efeso? Kon ang mga patay dili man ugaling banhawon, nan, "Mangaon ug manag-inom kita, kay ugma mga patay na kita."

cebuano_ang_biblia_pinadayag@1Corinthians:15:33 @ Ayaw na kamo pagpahisalaag. "Ang dautang pakighugoyhugoy makadaut sa maayong pamatasan."

cebuano_ang_biblia_pinadayag@1Corinthians:15:34 @ Pagpahiuli kamo sa tarung nga panimuot, ug ayaw na kamo pagpakasala. Kay ang uban kaninyo walay kahibalo mahitungod sa Dios. Ginaingon ko kini aron mobati kamo sa kaulaw.