cebuano_ang_biblia_pinadayag - 1Corinthians:15:35-58

cebuano_ang_biblia_pinadayag@1Corinthians:15:35 @ ¶ Apan adunay magapangutana, "Unsaon man kono sa pagbanhaw sa mga patay? Ug unsa mang lawasa ang ilang isul-ob inigtungha na nila?"

cebuano_ang_biblia_pinadayag@1Corinthians:15:36 @ Oy, boang! Ang liso nga imong itisok dili makadangat sa kinabuhi gawas kon kini mamatay.

cebuano_ang_biblia_pinadayag@1Corinthians:15:37 @ Ug ang imong igatisok dili mao ang lawas nga magamao unya, kondili kini karon usa lamang ka liso, kaha sa trigo o sa uban bang mga binhi.

cebuano_ang_biblia_pinadayag@1Corinthians:15:38 @ Apan ang Dios mao ang magahatag niini ug lawas sumala sa iyang pagbuot, ug ang matag-usa ka liso iyang pagahatagan ug lawas nga kaugalingon niini.

cebuano_ang_biblia_pinadayag@1Corinthians:15:39 @ Kay wala managsama ang tanang unod, kondili adunay usa ka matang sa unod ang alang sa mga tawo, ug lain ang alang sa mga mananap, ug lain ang alang sa mga langgam, ug lain ang alang sa mga isda.

cebuano_ang_biblia_pinadayag@1Corinthians:15:40 @ Adunay mga lawas nga langitnon ug aduna usab ing mga lawas nga yutan-on, apan lain ang kasanag sa mga yutan-on.

cebuano_ang_biblia_pinadayag@1Corinthians:15:41 @ Lain ang kasanag sa Adlaw, ug lain usab ang kasanag sa Bulan, ug lain ang kasanag sa mga bitoon; kay ang usa ka bitoon lahi man ug kasanag sa laing bitoon.

cebuano_ang_biblia_pinadayag@1Corinthians:15:42 @ Maingon man usab niana ang pagkabanhaw sa mga patay. Ang lawas nga igatisok madunot ra, apan ang lawas nga unya pagabanhawon dili madunot.

cebuano_ang_biblia_pinadayag@1Corinthians:15:43 @ Kini igatisok sa kaulawan, apan kini pagabanhawon unya diha sa kadungganan. Kini igatisok nga mahuyang, apan kini pagabanhawon unya nga makagagahum.

cebuano_ang_biblia_pinadayag@1Corinthians:15:44 @ Kini igatisok ingon nga lawas nga lawasnon, apan kini pagabanhawon ingon nga lawas nga espirituhanon. Kon aduna may lawas nga lawasnon, aduna man usab ing lawas nga espirituhanon.

cebuano_ang_biblia_pinadayag@1Corinthians:15:45 @ Sa ingon niini ang kasulatan nagaingon, "Ang unang tawo nga si Adan nahimong binuhat nga buhi"; apan ang katapusang Adan nahimong espiritu nga maghahatag ug kinabuhi.

cebuano_ang_biblia_pinadayag@1Corinthians:15:46 @ Apan ang nahauna dili mao ang espirituhanon kondili ang lawasnon, ug unya ang espirituhanon.

cebuano_ang_biblia_pinadayag@1Corinthians:15:47 @ Ang nahaunang tawo gikan sa yuta, hinimog abog; ang ikaduhang tawo gikan sa langit.

cebuano_ang_biblia_pinadayag@1Corinthians:15:48 @ Ang mga hinimog abog samag kinaiya niadtong unang gihimo gikan sa abog; ug ang mga langitnon samag kinaiya niadtong gikan sa langit.

cebuano_ang_biblia_pinadayag@1Corinthians:15:49 @ Maingon nga kita nagasul-ob sa dagway sa tawo nga hinimog abog, kita usab managsul-ob unya sa dagway niya nga gikan sa langit.

cebuano_ang_biblia_pinadayag@1Corinthians:15:50 @ Isulti ko kini kaninyo, mga igsoon, nga ang unod ug dugo dili magapanunod sa gingharian sa Dios, ug ang madunot ra dili magapanunod sa mga butang nga walay pagkadunot.

cebuano_ang_biblia_pinadayag@1Corinthians:15:51 @ ¶ Ania karon, isulti ko kaninyo ang usa ka tinago. Dili kitang tanan mangamatay, apan kitang tanan mangausab,

cebuano_ang_biblia_pinadayag@1Corinthians:15:52 @ sa kalit, sa usa ka pagpamilok, inigtingog na sa katapusang trumpeta. Kay ang trumpeta pagapatunggon, ug ang mga patay pagabanhawon nga may mga lawas nga dili na madunot, ug kita mangausab.

cebuano_ang_biblia_pinadayag@1Corinthians:15:53 @ Kay kining lawas nga madunot ra pagailisan unyag dili na madunot, ug kining lawas nga mamatay ra pagailisan unyag dili na mamatay.

cebuano_ang_biblia_pinadayag@1Corinthians:15:54 @ Ug sa diha nga ang lawas nga madunot ra kailisan nag dili madunot, ug ang lawas nga mamatay ra kailisan nag dili mamatay, nan, matuman na gayud unya ang nahisulat nga nagaingon: Ang kamatayon gilamoy diha sa kadaugan."

cebuano_ang_biblia_pinadayag@1Corinthians:15:55 @ "O kamatayon, hain na ang imong pagkamadaugon? O kamatayon, hain na ang imong ikot?"

cebuano_ang_biblia_pinadayag@1Corinthians:15:56 @ Ang ikot sa kamatayon mao ang sala, ug ang gahum sa sala mao ang kasugoan.

cebuano_ang_biblia_pinadayag@1Corinthians:15:57 @ Apan salamat sa Dios nga mao ang nagahatag kanato sa kadaugan pinaagi sa atong Ginoong Jesu-Cristo.

cebuano_ang_biblia_pinadayag@1Corinthians:15:58 @ ¶ Busa, hinigugma kong mga igsoon, kinahanglan magpakalig-on kamo, dili matarug, sa kanunay magmadagayaon sa bulohaton sa Ginoo, sa nasayran ninyo nga diha sa Ginoo ang inyong pagpangabudlay dili makawang.