cebuano_ang_biblia_pinadayag - 1Corinthians:6:12-20

cebuano_ang_biblia_pinadayag@1Corinthians:6:12 @ ¶ "Ang tanang butang ikatugot kanako," apan dili ang tanang mga butang makaayo. "Ang tanang butang ikatugot kanako," apan dili ako magpaulipon sa bisan unsang butang.

cebuano_ang_biblia_pinadayag@1Corinthians:6:13 @ Tinuod nga "Ang kan-on alang sa tiyan ug ang tiyan alang sa kan-on," apan kining duha pagalaglagon sa Dios. Ang lawas dili alang sa pakighilawas, kondili alang sa Ginoo, ug ang Ginoo alang sa lawas.

cebuano_ang_biblia_pinadayag@1Corinthians:6:14 @ Ug ang Dios nga nagbanhaw sa Ginoo magabanhaw usab kanato pinaagi sa iyang gahum.

cebuano_ang_biblia_pinadayag@1Corinthians:6:15 @ Wala ba kamo masayud nga ang inyong lawas mga bahin man ni Cristo? Nan, kuhaon ko ba ang mga bahin ni Cristo aron pagahimoon nga mga bahin sa usa ka babayeng dautan? Palayo kana!

cebuano_ang_biblia_pinadayag@1Corinthians:6:16 @ Wala ba kamo masayud nga siya nga nahilingkit ngadto sa babayeng dautan nahimong usa ka lawas uban kaniya? Kay, sumala sa nahisulat, "Ang duroha mahimong usa."

cebuano_ang_biblia_pinadayag@1Corinthians:6:17 @ Apan siya nga nahiusa ngadto sa Ginoo nahimong usa ka espiritu uban kaniya.

cebuano_ang_biblia_pinadayag@1Corinthians:6:18 @ Likayi ang pakighilawas. Ang tanang ubang sala nga pagabuhaton sa tawo anaa ra sa gawas sa iyang lawas; apan ang tawong makihilawason nagapakasala batok sa iyang kaugalingong lawas.

cebuano_ang_biblia_pinadayag@1Corinthians:6:19 @ Wala ba kamo masayud nga ang inyong lawas templo sa Espiritu Santo nga nagapuyo sa sulod ninyo, ug nga kini inyong nabatonan gikan sa Dios? Kamo dili na inyo sa inyong kaugalingon,

cebuano_ang_biblia_pinadayag@1Corinthians:6:20 @ kay gipalit na kamo sa usa ka bili. Busa himayaa ninyo ang Dios diha sa inyong lawas.