cebuano_ang_biblia_pinadayag

cebuano_ang_biblia_pinadayag@1John:4:7 @ ¶ Mga hinigugma, maghigugmaay kita ang usa sa usa; kay ang gugma iya sa Dios, ug siya nga nagahigugma gipanganak sa Dios ug nakaila sa Dios.

cebuano_ang_biblia_pinadayag@1John:4:8 @ Siya nga wala magahigugma wala makaila sa Dios; kay ang Dios gugma man.

cebuano_ang_biblia_pinadayag@1John:4:9 @ Ang gugma sa Dios gipadayag dinhi kanato pinaagi niini: gipadala sa Dios ang iyang bugtong nga Anak nganhi sa kalibutan, aron kita mabuhi pinaagi kaniya.

cebuano_ang_biblia_pinadayag@1John:4:10 @ Niini ania ang gugma, dili nga kita nahigugma sa Dios kondili nga siya mao ang nahigugma kanato ug nagpadala sa iyang Anak nga haladpasighiuli alang sa atong mga sala.

cebuano_ang_biblia_pinadayag@1John:4:11 @ Mga hinigugma, kay ang Dios nahigugma man kanato sa ingon niana, nan, kinahanglan kita usab maghigugmaay ang usa sa usa.

cebuano_ang_biblia_pinadayag@1John:4:12 @ Wala pa gayuy tawo nga nakakita sa Dios; kon kita maghigugmaay ang usa sa usa, ang Dios magapabilin kanato, ug ang iyang gugma nahingpit dinhi kanato.

cebuano_ang_biblia_pinadayag@1John:4:13 @ Ug mahibaloan nato nga kita nagapabilin diha kaniya ug siya dinhi kanato pinaagi niini: tungod kay kita iya mang gihatagan sa iyang kaugalingong Espiritu.

cebuano_ang_biblia_pinadayag@1John:4:14 @ ¶ Ug kita nakakita ug magapanghimatuod nga ang Amahan mao ang nagpadala sa iyang Anak ingon nga Manluluwas alang sa kalibutan.

cebuano_ang_biblia_pinadayag@1John:4:15 @ Bisan kinsa nga magasugid nga si Jesus mao ang Anak sa Dios, ang Dios magapabilin kaniya, ug siya magapabilin sa Dios.

cebuano_ang_biblia_pinadayag@1John:4:16 @ Tungod niini kita nahibalo ug nagatoo sa gugma nga ginabatonan sa Dios alang kanato. Ang Dios gugma, ug ang nagapabilin sa gugma, nagapabilin sa Dios; ug ang Dios nagapabilin diha kaniya.

cebuano_ang_biblia_pinadayag@1John:4:17 @ ¶ Niini gihingpit ang gugma dinhi kanato, aron kita may pagsalig unya sa adlaw sa hukom, sanglit maingon nga mao siya mao man usab kita dinhi sa kalibutan.

cebuano_ang_biblia_pinadayag@1John:4:18 @ Ang kahadlok wala diha sa gugma, hinonoa ang hingpit nga gugma nagahingilin sa kahadlok. Kay ang kahadlok may kalabutan sa silot, ug siya nga may kahadlok wala pa mahingpit diha sa gugma.

cebuano_ang_biblia_pinadayag@1John:4:19 @ Kita nagahigugma, tungod kay siya mao man ang unang nahigugma kanato.

cebuano_ang_biblia_pinadayag@1John:4:20 @ Kon adunay magaingon, "Ako nagahigugma sa Dios," apan nagadumot sa iyang igsoon, nan, kini siya bakakon; kay siya nga wala maghigugma sa iyang igsoon nga iya rang makita, dili gayud makahimo sa paghigugma sa Dios nga wala niya makita.

cebuano_ang_biblia_pinadayag@1John:4:21 @ Ug gikan kaniya nabatonan ta kining maong sugo: nga ang nagahigugma sa Dios kinahanglan magahigugma sa iyang igsoon usab.

1John:4:7-21