vul - 1Kings:11:1-13

vul@1Kings:11:1 @ rex autem Salomon amavit mulieres alienigenas multas filiam quoque Pharaonis et Moabitidas et Ammanitidas Idumeas et Sidonias et Chettheas

vul@1Kings:11:2 @ de gentibus super quibus dixit Dominus filiis Israhel non ingrediemini ad eas neque de illis ingredientur ad vestras certissimo enim avertent corda vestra ut sequamini deos earum his itaque copulatus est Salomon ardentissimo amore

vul@1Kings:11:3 @ fueruntque ei uxores quasi reginae septingentae et concubinae trecentae et averterunt mulieres cor eius

vul@1Kings:11:4 @ cumque iam esset senex depravatum est per mulieres cor eius ut sequeretur deos alienos nec erat cor eius perfectum cum Domino Deo suo sicut cor David patris eius

vul@1Kings:11:5 @ sed colebat Salomon Astharthen deam Sidoniorum et Moloch idolum Ammanitarum

vul@1Kings:11:6 @ fecitque Salomon quod non placuerat coram Domino et non adimplevit ut sequeretur Dominum sicut pater eius

vul@1Kings:11:7 @ tunc aedificavit Salomon fanum Chamos idolo Moab in monte qui est contra Hierusalem et Moloch idolo filiorum Ammon

vul@1Kings:11:8 @ atque in hunc modum fecit universis uxoribus suis alienigenis quae adolebant tura et immolabant diis suis

vul@1Kings:11:9 @ igitur iratus est Dominus Salomoni quod aversa esset mens eius a Domino Deo Israhel qui apparuerat ei secundo

vul@1Kings:11:10 @ et praeceperat de verbo hoc ne sequeretur deos alienos et non custodivit quae mandavit ei Dominus

vul@1Kings:11:11 @ dixit itaque Dominus Salomoni quia habuisti hoc apud te et non custodisti pactum meum et praecepta mea quae mandavi tibi disrumpens scindam regnum tuum et dabo illud servo tuo

vul@1Kings:11:12 @ verumtamen in diebus tuis non faciam propter David patrem tuum de manu filii tui scindam illud

vul@1Kings:11:13 @ nec totum regnum auferam sed tribum unam dabo filio tuo propter David servum meum et Hierusalem quam elegi