vul - 1Kings:12:25-33

vul@1Kings:12:25 @ aedificavit autem Hieroboam Sychem in monte Ephraim et habitavit ibi et egressus inde aedificavit Phanuhel

vul@1Kings:12:26 @ dixitque Hieroboam in corde suo nunc revertetur regnum ad domum David

vul@1Kings:12:27 @ si ascenderit populus iste ut faciat sacrificia in domo Domini in Hierusalem et convertetur cor populi huius ad dominum suum Roboam regem Iuda interficientque me et revertentur ad eum

vul@1Kings:12:28 @ et excogitato consilio fecit duos vitulos aureos et dixit eis nolite ultra ascendere Hierusalem ecce dii tui Israhel qui eduxerunt te de terra Aegypti

vul@1Kings:12:29 @ posuitque unum in Bethel et alterum in Dan

vul@1Kings:12:30 @ et factum est verbum hoc in peccatum ibat enim populus ad adorandum vitulum usque in Dan

vul@1Kings:12:31 @ et fecit fana in excelsis et sacerdotes de extremis populi qui non erant de filiis Levi

vul@1Kings:12:32 @ constituitque diem sollemnem in mense octavo quintadecima die mensis in similitudinem sollemnitatis quae celebratur in Iuda et ascendens altare similiter fecit in Bethel ut immolaret vitulis quos fabricatus erat constituitque in Bethel sacerdotes excelsorum quae fecerat

vul@1Kings:12:33 @ et ascendit super altare quod extruxerat in Bethel quintadecima die mensis octavi quem finxerat de corde suo et fecit sollemnitatem filiis Israhel et ascendit super altare ut adoleret incensum