vul - 1Kings:15:1-8

vul@1Kings:15:1 @ igitur in octavodecimo anno regni Hieroboam filii Nabath regnavit Abiam super Iudam

vul@1Kings:15:2 @ tribus annis regnavit in Hierusalem nomen matris eius Maacha filia Absalom

vul@1Kings:15:3 @ ambulavitque in omnibus peccatis patris sui quae fecerat ante eum nec erat cor eius perfectum cum Domino Deo suo sicut cor David patris eius

vul@1Kings:15:4 @ sed propter David dedit ei Dominus Deus suus lucernam in Hierusalem ut suscitaret filium eius post eum et staret Hierusalem

vul@1Kings:15:5 @ eo quod fecisset David rectum in oculis Domini et non declinasset ab omnibus quae praeceperat ei cunctis diebus vitae suae excepto sermone Uriae Hetthei

vul@1Kings:15:6 @ attamen bellum fuit inter Roboam et inter Hieroboam omni tempore vitae eius

vul@1Kings:15:7 @ reliqua autem sermonum Abiam et omnia quae fecit nonne haec scripta sunt in libro verborum dierum regum Iuda fuitque proelium inter Abiam et inter Hieroboam

vul@1Kings:15:8 @ et dormivit Abiam cum patribus suis et sepelierunt eum in civitate David regnavitque Asa filius eius pro eo