vul - 1Kings:15:25-32

vul@1Kings:15:25 @ Nadab vero filius Hieroboam regnavit super Israhel anno secundo Asa regis Iuda regnavitque super Israhel duobus annis

vul@1Kings:15:26 @ et fecit quod malum est in conspectu Domini et ambulavit in viis patris sui et in peccatis eius quibus peccare fecit Israhel

vul@1Kings:15:27 @ insidiatus est autem ei Baasa filius Ahia de domo Isachar et percussit eum in Gebbethon quae est urbs Philisthinorum siquidem Nadab et omnis Israhel obsidebant Gebbethon

vul@1Kings:15:28 @ interfecit igitur illum Baasa in anno tertio Asa regis Iuda et regnavit pro eo

vul@1Kings:15:29 @ cumque regnasset percussit omnem domum Hieroboam non dimisit ne unam quidem animam de semine eius donec deleret eum iuxta verbum Domini quod locutus fuerat in manu servi sui Ahiae Silonitis

vul@1Kings:15:30 @ propter peccata Hieroboam quae peccaverat et quibus peccare fecerat Israhel et propter delictum quo inritaverat Dominum Deum Israhel

vul@1Kings:15:31 @ reliqua autem sermonum Nadab et omnia quae operatus est nonne haec scripta sunt in libro verborum dierum regum Israhel

vul@1Kings:15:32 @ fuitque bellum inter Asa et Baasa regem Israhel cunctis diebus eorum