1Kings:15:33-6:7
vul@1Kings:15:33 @ anno tertio Asa regis Iuda regnavit Baasa filius Ahia super omnem Israhel in Thersa viginti quattuor annis
vul@1Kings:15:34 @ et fecit malum coram Domino ambulavitque in via Hieroboam et in peccatis eius quibus peccare fecit Israhel
vul@1Kings:16:1 @ factus est autem sermo Domini ad Hieu filium Anani contra Baasa dicens
vul@1Kings:16:2 @ pro eo quod exaltavi te de pulvere et posui ducem super populum meum Israhel tu autem ambulasti in via Hieroboam et peccare fecisti populum meum Israhel ut me inritares in peccatis eorum
vul@1Kings:16:3 @ ecce ego demetam posteriora Baasa et posteriora domus eius et faciam domum tuam sicut domum Hieroboam filii Nabath
vul@1Kings:16:4 @ qui mortuus fuerit de Baasa in civitate comedent eum canes et qui mortuus fuerit ex eo in regione comedent eum volucres caeli
vul@1Kings:16:5 @ reliqua autem sermonum Baasa et quaecumque fecit et proelia eius nonne haec scripta sunt in libro verborum dierum regum Israhel
vul@1Kings:16:6 @ dormivit ergo Baasa cum patribus suis sepultusque est in Thersa et regnavit Hela filius eius pro eo
vul@1Kings:16:7 @ cum autem in manu Hieu filii Anani prophetae verbum Domini factum esset contra Baasa et contra domum eius et contra omne malum quod fecerat coram Domino ad inritandum eum in operibus manuum suarum ut fieret sicut domus Hieroboam ob hanc causam occidit eum
vul@1Kings:16:8 @ anno vicesimo sexto Asa regis Iuda regnavit Hela filius Baasa super Israhel in Thersa duobus annis
vul@1Kings:16:9 @ et rebellavit contra eum servus suus Zamri dux mediae partis equitum erat autem Hela in Thersa bibens et temulentus in domo Arsa praefecti Thersa
vul@1Kings:16:10 @ inruens ergo Zamri percussit et occidit eum anno vicesimo septimo Asa regis Iuda et regnavit pro eo
vul@1Kings:16:11 @ cumque regnasset et sedisset super solium eius percussit omnem domum Baasa et non dereliquit ex eo mingentem ad parietem et propinquos et amicos eius
vul@1Kings:16:12 @ delevitque Zamri omnem domum Baasa iuxta verbum Domini quod locutus fuerat ad Baasa in manu Hieu prophetae
vul@1Kings:16:13 @ propter universa peccata Baasa et peccata Hela filii eius qui peccaverunt et peccare fecerunt Israhel provocantes Dominum Deum Israhel in vanitatibus suis
vul@1Kings:16:14 @ reliqua autem sermonum Hela et omnia quae fecit nonne haec scripta sunt in libro verborum dierum regum Israhel
vul@1Kings:16:15 @ anno vicesimo et septimo Asa regis Iuda regnavit Zamri septem diebus in Thersa porro exercitus obsidebat Gebbethon urbem Philisthinorum
vul@1Kings:16:16 @ cumque audisset rebellasse Zamri et occidisse regem fecit sibi regem omnis Israhel Amri qui erat princeps militiae super Israhel in die illa in castris
vul@1Kings:16:17 @ ascendit ergo Amri et omnis Israhel cum eo de Gebbethon et obsidebant Thersa
vul@1Kings:16:18 @ videns autem Zamri quod expugnanda esset civitas ingressus est palatium et succendit secum domum regiam et mortuus est
vul@1Kings:16:19 @ in peccatis suis quae peccaverat faciens malum coram Domino et ambulans in via Hieroboam et in peccato eius quo fecit peccare Israhel
vul@1Kings:16:20 @ reliqua autem sermonum Zamri et insidiarum eius et tyrannidis nonne haec scripta sunt in libro verborum dierum regum Israhel
vul@1Kings:16:21 @ tunc divisus est populus Israhel in duas partes media pars populi sequebatur Thebni filium Gineth ut constitueret eum regem et media pars Amri
vul@1Kings:16:22 @ praevaluit autem populus qui erat cum Amri populo qui sequebatur Thebni filium Gineth mortuusque est Thebni et regnavit Amri
vul@1Kings:16:23 @ anno tricesimo primo Asa regis Iuda regnavit Amri super Israhel duodecim annis in Thersa regnavit sex annis
vul@1Kings:16:24 @ emitque montem Samariae a Somer duobus talentis argenti et aedificavit eam et vocavit nomen civitatis quam extruxerat nomine Somer domini montis Samariae
vul@1Kings:16:25 @ fecit autem Amri malum in conspectu Domini et operatus est nequiter super omnes qui fuerant ante eum
vul@1Kings:16:26 @ ambulavitque in omni via Hieroboam filii Nabath et in peccatis eius quibus peccare fecerat Israhel ut inritaret Dominum Deum Israhel in vanitatibus suis
vul@1Kings:16:27 @ reliqua autem sermonum Amri et proelia eius quae gessit nonne haec scripta sunt in libro verborum dierum regum Israhel
vul@1Kings:16:28 @ et dormivit Amri cum patribus suis et sepultus est in Samaria regnavitque Ahab filius eius pro eo
vul@1Kings:16:29 @ Ahab vero filius Amri regnavit super Israhel anno tricesimo octavo Asa regis Iuda et regnavit Ahab filius Amri super Israhel in Samaria viginti et duobus annis
vul@1Kings:16:30 @ et fecit Ahab filius Amri malum in conspectu Domini super omnes qui fuerunt ante eum
vul@1Kings:16:31 @ nec suffecit ei ut ambularet in peccatis Hieroboam filii Nabath insuper duxit uxorem Hiezabel filiam Ethbaal regis Sidoniorum et abiit et servivit Baal et adoravit eum
vul@1Kings:16:32 @ et posuit aram Baal in templo Baal quod aedificaverat in Samaria
vul@1Kings:16:33 @ et plantavit lucum et addidit Ahab in opere suo inritans Dominum Deum Israhel super omnes reges Israhel qui fuerant ante eum
vul@1Kings:16:34 @ in diebus eius aedificavit Ahiel de Bethel Hiericho in Abiram primitivo suo fundavit eam et in Segub novissimo suo posuit portas eius iuxta verbum Domini quod locutus fuerat in manu Iosue filii Nun
vul@1Kings:17:1 @ et dixit Helias Thesbites de habitatoribus Galaad ad Ahab vivit Dominus Deus Israhel in cuius conspectu sto si erit annis his ros et pluvia nisi iuxta oris mei verba
vul@1Kings:17:2 @ et factum est verbum Domini ad eum dicens
vul@1Kings:17:3 @ recede hinc et vade contra orientem et abscondere in torrente Charith qui est contra Iordanem
vul@1Kings:17:4 @ et ibi de torrente bibes corvisque praecepi ut pascant te ibi
vul@1Kings:17:5 @ abiit ergo et fecit iuxta verbum Domini cumque abisset sedit in torrente Charith qui est contra Iordanem
vul@1Kings:17:6 @ corvi quoque deferebant panem et carnes mane similiter panem et carnes vesperi et bibebat de torrente
vul@1Kings:17:7 @ post dies autem siccatus est torrens non enim pluerat super terram
vul@1Kings:17:8 @ factus est igitur sermo Domini ad eum dicens
vul@1Kings:17:9 @ surge et vade in Sareptha Sidoniorum et manebis ibi praecepi enim ibi mulieri viduae ut pascat te
vul@1Kings:17:10 @ surrexit et abiit Sareptham cumque venisset ad portam civitatis apparuit ei mulier vidua colligens ligna et vocavit eam dixitque da mihi paululum aquae in vase ut bibam
vul@1Kings:17:11 @ cumque illa pergeret ut adferret clamavit post tergum eius dicens adfer mihi obsecro et buccellam panis in manu tua
vul@1Kings:17:12 @ quae respondit vivit Dominus Deus tuus quia non habeo panem nisi quantum pugillus capere potest farinae in hydria et paululum olei in lecytho en colligo duo ligna ut ingrediar et faciam illud mihi et filio meo ut comedamus et moriamur
vul@1Kings:17:13 @ ad quam Helias ait noli timere sed vade et fac sicut dixisti verumtamen mihi primum fac de ipsa farinula subcinericium panem parvulum et adfer ad me tibi autem et filio tuo facies postea
vul@1Kings:17:14 @ haec autem dicit Dominus Deus Israhel hydria farinae non deficiet nec lecythus olei minuetur usque ad diem in qua daturus est Dominus pluviam super faciem terrae
vul@1Kings:17:15 @ quae abiit et fecit iuxta verbum Heliae et comedit ipse et illa et domus eius et ex illa die
vul@1Kings:17:16 @ hydria farinae non defecit et lecythus olei non est inminutus iuxta verbum Domini quod locutus fuerat in manu Heliae
vul@1Kings:17:17 @ factum est autem post verba haec aegrotavit filius mulieris matris familiae et erat languor fortis nimis ita ut non remaneret in eo halitus
vul@1Kings:17:18 @ dixit ergo ad Heliam quid mihi et tibi vir Dei ingressus es ad me ut rememorarentur iniquitates meae et interficeres filium meum
vul@1Kings:17:19 @ et ait ad eam da mihi filium tuum tulitque eum de sinu illius et portavit in cenaculum ubi ipse manebat et posuit super lectulum suum
vul@1Kings:17:20 @ et clamavit ad Dominum et dixit Domine Deus meus etiamne viduam apud quam ego utcumque sustentor adflixisti ut interficeres filium eius
vul@1Kings:17:21 @ et expandit se atque mensus est super puerum tribus vicibus clamavitque ad Dominum et ait Domine Deus meus revertatur oro anima pueri huius in viscera eius
vul@1Kings:17:22 @ exaudivit Dominus vocem Heliae et reversa est anima pueri intra eum et revixit
vul@1Kings:17:23 @ tulitque Helias puerum et deposuit eum de cenaculo in inferiorem domum et tradidit matri suae et ait illi en vivit filius tuus
vul@1Kings:17:24 @ dixitque mulier ad Heliam nunc in isto cognovi quoniam vir Dei es tu et verbum Domini in ore tuo verum est
vul@1Kings:18:1 @ post dies multos verbum Domini factum est ad Heliam in anno tertio dicens vade et ostende te Ahab ut dem pluviam super faciem terrae
vul@1Kings:18:2 @ ivit ergo Helias ut ostenderet se Ahab erat autem fames vehemens in Samaria
vul@1Kings:18:3 @ vocavitque Ahab Abdiam dispensatorem domus suae Abdias autem timebat Dominum valde
vul@1Kings:18:4 @ nam cum interficeret Hiezabel prophetas Domini tulit ille centum prophetas et abscondit eos quinquagenos in speluncis et pavit eos pane et aqua
vul@1Kings:18:5 @ dixit ergo Ahab ad Abdiam vade in terram ad universos fontes aquarum et in cunctas valles si forte invenire possimus herbam et salvare equos et mulos et non penitus iumenta intereant
vul@1Kings:18:6 @ diviseruntque sibi regiones ut circuirent eas Ahab ibat per viam unam et Abdias per viam alteram seorsum
vul@1Kings:18:7 @ cumque esset Abdias in via Helias occurrit ei qui cum cognovisset eum cecidit super faciem suam et ait num tu es domine mi Helias
vul@1Kings:18:8 @ cui ille respondit ego vade dic domino tuo adest Helias
vul@1Kings:18:9 @ et ille quid peccavi inquit quoniam trades me servum tuum in manu Ahab ut interficiat me
vul@1Kings:18:10 @ vivit Dominus Deus tuus non est gens aut regnum quo non miserit dominus meus te requirens et respondentibus cunctis non est hic adiuravit regna singula et gentes eo quod minime repperireris
vul@1Kings:18:11 @ et nunc dicis mihi vade et dic domino tuo adest Helias
vul@1Kings:18:12 @ cumque recessero a te spiritus Domini asportabit te in locum quem ego ignoro ingressus nuntiabo Ahab et non inveniet te et interficiet me servus autem tuus timet Dominum ab infantia sua
vul@1Kings:18:13 @ numquid non indicatum est tibi domino meo quid fecerim cum interficeret Hiezabel prophetas Domini quod absconderim de prophetis Domini centum viros quinquagenos et quinquagenos in speluncis et paverim eos pane et aqua
vul@1Kings:18:14 @ et nunc tu dicis vade et dic domino tuo adest Helias ut interficiat me
vul@1Kings:18:15 @ dixit Helias vivit Dominus exercituum ante cuius vultum sto quia hodie apparebo ei
vul@1Kings:18:16 @ abiit ergo Abdias in occursum Ahab et indicavit ei venitque Ahab in occursum Heliae
vul@1Kings:18:17 @ et cum vidisset eum ait tune es ille qui conturbas Israhel
vul@1Kings:18:18 @ et ille ait non turbavi Israhel sed tu et domus patris tui qui dereliquistis mandata Domini et secuti estis Baalim
vul@1Kings:18:19 @ verumtamen nunc mitte et congrega ad me universum Israhel in monte Carmeli et prophetas Baal quadringentos quinquaginta prophetasque lucorum quadringentos qui comedunt de mensa Hiezabel
vul@1Kings:18:20 @ misit Ahab ad omnes filios Israhel et congregavit prophetas in monte Carmeli
vul@1Kings:18:21 @ accedens autem Helias ad omnem populum ait usquequo claudicatis in duas partes si Dominus est Deus sequimini eum si autem Baal sequimini illum et non respondit ei populus verbum
vul@1Kings:18:22 @ et ait rursum Helias ad populum ego remansi propheta Domini solus prophetae autem Baal quadringenti et quinquaginta viri sunt
vul@1Kings:18:23 @ dentur nobis duo boves et illi eligant bovem unum et in frusta caedentes ponant super ligna ignem autem non subponant et ego faciam bovem alterum et inponam super ligna ignemque non subponam
vul@1Kings:18:24 @ invocate nomina deorum vestrorum et ego invocabo nomen Domini et deus qui exaudierit per ignem ipse sit Deus respondens omnis populus ait optima propositio
vul@1Kings:18:25 @ dixit ergo Helias prophetis Baal eligite vobis bovem unum et facite primi quia vos plures estis et invocate nomina deorum vestrorum ignemque non subponatis
vul@1Kings:18:26 @ qui cum tulissent bovem quem dederat eis fecerunt et invocabant nomen Baal de mane usque ad meridiem dicentes Baal exaudi nos et non erat vox nec qui responderet transiliebantque altare quod fecerant
vul@1Kings:18:27 @ cumque esset iam meridies inludebat eis Helias dicens clamate voce maiore deus enim est et forsitan loquitur aut in diversorio est aut in itinere aut certe dormit ut excitetur
vul@1Kings:18:28 @ clamabant ergo voce magna et incidebant se iuxta ritum suum cultris et lanceolis donec perfunderentur sanguine
vul@1Kings:18:29 @ postquam autem transiit meridies et illis prophetantibus venerat tempus quo sacrificium offerri solet nec audiebatur vox neque aliquis respondebat nec adtendebat orantes
vul@1Kings:18:30 @ dixit Helias omni populo venite ad me et accedente ad se populo curavit altare Domini quod destructum fuerat
vul@1Kings:18:31 @ et tulit duodecim lapides iuxta numerum tribuum filiorum Iacob ad quem factus est sermo Domini dicens Israhel erit nomen tuum
vul@1Kings:18:32 @ et aedificavit lapidibus altare in nomine Domini fecitque aquaeductum quasi per duas aratiunculas in circuitu altaris
vul@1Kings:18:33 @ et conposuit ligna divisitque per membra bovem et posuit super ligna
vul@1Kings:18:34 @ et ait implete quattuor hydrias aqua et fundite super holocaustum et super ligna rursumque dixit etiam secundo hoc facite qui cum fecissent et secundo ait etiam tertio id ipsum facite feceruntque et tertio
vul@1Kings:18:35 @ et currebant aquae circa altare et fossa aquaeductus repleta est
vul@1Kings:18:36 @ cumque iam tempus esset ut offerretur holocaustum accedens Helias propheta ait Domine Deus Abraham Isaac et Israhel hodie ostende quia tu es Deus Israhel et ego servus tuus et iuxta praeceptum tuum feci omnia verba haec
vul@1Kings:18:37 @ exaudi me Domine exaudi me ut discat populus iste quia tu es Dominus Deus et tu convertisti cor eorum iterum
vul@1Kings:18:38 @ cecidit autem ignis Domini et voravit holocaustum et ligna et lapides pulverem quoque et aquam quae erat in aquaeductu lambens
vul@1Kings:18:39 @ quod cum vidisset omnis populus cecidit in faciem suam et ait Dominus ipse est Deus Dominus ipse est Deus
vul@1Kings:18:40 @ dixitque Helias ad eos adprehendite prophetas Baal et ne unus quidem fugiat ex eis quos cum conprehendissent duxit eos Helias ad torrentem Cison et interfecit eos ibi
vul@1Kings:18:41 @ et ait Helias ad Ahab ascende comede et bibe quia sonus multae pluviae est
vul@1Kings:18:42 @ ascendit Ahab ut comederet et biberet Helias autem ascendit in vertice Carmeli et pronus in terram posuit faciem inter genua sua
vul@1Kings:18:43 @ et dixit ad puerum suum ascende et prospice contra mare qui cum ascendisset et contemplatus esset ait non est quicquam et rursum ait illi revertere septem vicibus
vul@1Kings:18:44 @ in septima autem vice ecce nubicula parva quasi vestigium hominis ascendebat de mari qui ait ascende et dic Ahab iunge et descende ne occupet te pluvia
vul@1Kings:18:45 @ cumque se verterent huc atque illuc ecce caeli contenebrati sunt et nubes et ventus et facta est pluvia grandis ascendens itaque Ahab abiit in Hiezrahel
vul@1Kings:18:46 @ et manus Domini facta est super Heliam accinctisque lumbis currebat ante Ahab donec veniret in Hiezrahel
vul@1Kings:19:1 @ nuntiavit autem Ahab Hiezabel omnia quae fecerat Helias et quomodo occidisset universos prophetas gladio
vul@1Kings:19:2 @ misitque Hiezabel nuntium ad Heliam dicens haec mihi faciant dii et haec addant nisi hac hora cras posuero animam tuam sicut animam unius ex illis
vul@1Kings:19:3 @ timuit ergo Helias et surgens abiit quocumque eum ferebat voluntas venitque in Bersabee Iuda et dimisit ibi puerum suum
vul@1Kings:19:4 @ et perrexit in desertum via unius diei cumque venisset et sederet subter unam iuniperum petivit animae suae ut moreretur et ait sufficit mihi Domine tolle animam meam neque enim melior sum quam patres mei
vul@1Kings:19:5 @ proiecitque se et obdormivit in umbra iuniperi et ecce angelus tetigit eum et dixit illi surge comede
vul@1Kings:19:6 @ respexit et ecce ad caput suum subcinericius panis et vas aquae comedit ergo et bibit et rursum obdormivit
vul@1Kings:19:7 @ reversusque est angelus Domini secundo et tetigit eum dixitque illi surge comede grandis enim tibi restat via
vul@1Kings:19:8 @ qui cum surrexisset comedit et bibit et ambulavit in fortitudine cibi illius quadraginta diebus et quadraginta noctibus usque ad montem Dei Horeb
vul@1Kings:19:9 @ cumque venisset illuc mansit in spelunca et ecce sermo Domini ad eum dixitque illi quid hic agis Helia
vul@1Kings:19:10 @ at ille respondit zelo zelatus sum pro Domino Deo exercituum quia dereliquerunt pactum Domini filii Israhel altaria tua destruxerunt et prophetas tuos occiderunt gladio et derelictus sum ego solus et quaerunt animam meam ut auferant eam
vul@1Kings:19:11 @ et ait ei egredere et sta in monte coram Domino et ecce Dominus transit et spiritus grandis et fortis subvertens montes et conterens petras ante Dominum non in spiritu Dominus et post spiritum commotio non in commotione Dominus
vul@1Kings:19:12 @ et post commotionem ignis non in igne Dominus et post ignem sibilus aurae tenuis
vul@1Kings:19:13 @ quod cum audisset Helias operuit vultum suum pallio et egressus stetit in ostio speluncae et ecce vox ad eum dicens quid agis hic Helia
vul@1Kings:19:14 @ et ille respondit zelo zelatus sum pro Domino Deo exercituum quia dereliquerunt pactum tuum filii Israhel altaria tua destruxerunt et prophetas tuos occiderunt gladio et derelictus sum ego solus et quaerunt animam meam ut auferant eam
vul@1Kings:19:15 @ et ait Dominus ad eum vade et revertere in viam tuam per desertum in Damascum cumque perveneris ungues Azahel regem super Syriam
vul@1Kings:19:16 @ et Hieu filium Namsi ungues regem super Israhel Heliseum autem filium Saphat qui est de Abelmaula ungues prophetam pro te
vul@1Kings:19:17 @ et erit quicumque fugerit gladium Azahel occidet eum Hieu et qui fugerit gladium Hieu interficiet eum Heliseus
vul@1Kings:19:18 @ et derelinquam mihi in Israhel septem milia universorum genua quae non sunt incurvata Baal et omne os quod non adoravit eum osculans manum
vul@1Kings:19:19 @ profectus ergo inde repperit Heliseum filium Saphat arantem duodecim iugis boum et ipse in duodecim arantibus unus erat cumque venisset Helias ad eum misit pallium suum super illum
vul@1Kings:19:20 @ qui statim relictis bubus cucurrit post Heliam et ait osculer oro te patrem meum et matrem meam et sic sequar te dixitque ei vade et revertere quod enim meum erat feci tibi
vul@1Kings:19:21 @ reversus autem ab eo tulit par boum et mactavit illud et in aratro boum coxit carnes et dedit populo et comederunt consurgensque abiit et secutus est Heliam et ministrabat ei
vul@1Kings:20:1 @ porro Benadad rex Syriae congregavit omnem exercitum suum et triginta et duos reges secum et equos et currus et ascendens pugnabat contra Samariam et obsidebat eam
vul@1Kings:20:2 @ mittensque nuntios ad Ahab regem Israhel in civitatem
vul@1Kings:20:3 @ ait haec dicit Benadad argentum tuum et aurum tuum meum est et uxores tuae et filii tui optimi mei sunt
vul@1Kings:20:4 @ responditque rex Israhel iuxta verbum tuum domine mi rex tuus sum ego et omnia mea
vul@1Kings:20:5 @ revertentesque nuntii dixerunt haec dicit Benadad qui misit nos ad te argentum tuum et aurum tuum et uxores tuas et filios tuos dabis mihi
vul@1Kings:20:6 @ cras igitur hac eadem hora mittam servos meos ad te et scrutabuntur domum tuam et domum servorum tuorum et omne quod eis placuerit ponent in manibus suis et auferent
vul@1Kings:20:7 @ vocavit autem rex Israhel omnes seniores terrae et ait animadvertite et videte quoniam insidietur nobis misit enim ad me pro uxoribus meis et filiis et pro argento et auro et non abnui
vul@1Kings:20:8 @ dixeruntque omnes maiores natu et universus populus ad eum non audias neque adquiescas illi
vul@1Kings:20:9 @ respondit itaque nuntiis Benadad dicite domino meo regi omnia propter quae misisti ad me servum tuum initio faciam hanc autem rem facere non possum
vul@1Kings:20:10 @ reversique nuntii rettulerunt ei qui remisit et ait haec faciant mihi dii et haec addant si suffecerit pulvis Samariae pugillis omnis populi qui sequitur me
vul@1Kings:20:11 @ et respondens rex Israhel ait dicite ei ne glorietur accinctus aeque ut discinctus
vul@1Kings:20:12 @ factum est autem cum audisset verbum istud bibebat ipse et reges in umbraculis et ait servis suis circumdate civitatem et circumdederunt eam
vul@1Kings:20:13 @ et ecce propheta unus accedens ad Ahab regem Israhel ait haec dicit Dominus certe vidisti omnem multitudinem hanc nimiam ecce ego tradam eam in manu tua hodie ut scias quia ego sum Dominus
vul@1Kings:20:14 @ et ait Ahab per quem dixitque ei haec dicit Dominus per pedisequos principum provinciarum et ait quis incipiet proeliari et ille dixit tu
vul@1Kings:20:15 @ recensuit ergo pueros principum provinciarum et repperit numerum ducentorum triginta duum et post eos recensuit populum omnes filios Israhel septem milia
vul@1Kings:20:16 @ et egressi sunt meridie Benadad autem bibebat temulentus in umbraculo suo et reges triginta duo cum eo qui ad auxilium eius venerant
vul@1Kings:20:17 @ egressi sunt autem pueri principum provinciarum in prima fronte misit itaque Benadad qui nuntiaverunt ei dicentes viri egressi sunt de Samaria
vul@1Kings:20:18 @ at ille sive ait pro pace veniunt adprehendite eos vivos sive ut proelientur vivos eos capite
vul@1Kings:20:19 @ egressi sunt ergo pueri principum provinciarum ac reliquus exercitus sequebatur
vul@1Kings:20:20 @ et percussit unusquisque virum qui contra se venerat fugeruntque Syri et persecutus est eos Israhel fugit quoque Benadad rex Syriae in equo cum equitibus
vul@1Kings:20:21 @ necnon et egressus rex Israhel percussit equos et currus et percussit Syriam plaga magna
vul@1Kings:20:22 @ accedens autem propheta ad regem Israhel dixit ei vade et confortare et scito et vide quid facias sequenti enim anno rex Syriae ascendet contra te
vul@1Kings:20:23 @ servi vero regis Syriae dixerunt ei dii montium sunt dii eorum ideo superaverunt nos sed melius est ut pugnemus contra eos in campestribus et obtinebimus eos
vul@1Kings:20:24 @ tu ergo verbum hoc fac amove reges singulos ab exercitu suo et pone principes pro eis
vul@1Kings:20:25 @ et instaura numerum militum qui ceciderunt de tuis et equos secundum equos pristinos et currus secundum currus quos ante habuisti et pugnabimus contra eos in campestribus et videbis quod obtinebimus eos credidit consilio eorum et fecit ita
vul@1Kings:20:26 @ igitur postquam annus transierat recensuit Benadad Syros et ascendit in Afec ut pugnaret contra Israhel
vul@1Kings:20:27 @ porro filii Israhel recensiti sunt et acceptis cibariis profecti ex adverso castraque metati contra eos quasi duo parvi greges caprarum Syri autem repleverunt terram
vul@1Kings:20:28 @ et accedens unus vir Dei dixit ad regem Israhel haec dicit Dominus quia dixerunt Syri deus montium est Dominus et non est deus vallium dabo omnem multitudinem grandem hanc in manu tua et scietis quia ego Dominus
vul@1Kings:20:29 @ dirigebant septem diebus ex adverso hii atque illi acies septima autem die commissum est bellum percusseruntque filii Israhel de Syris centum milia peditum in die una
vul@1Kings:20:30 @ fugerunt autem qui remanserant in Afec in civitatem et cecidit murus super viginti septem milia hominum qui remanserant porro Benadad fugiens ingressus est civitatem in cubiculum quod erat intra cubiculum
vul@1Kings:20:31 @ dixeruntque ei servi sui ecce audivimus quod reges domus Israhel clementes sint ponamus itaque saccos in lumbis nostris et funiculos in capitibus nostris et egrediamur ad regem Israhel forsitan salvabit animas nostras
vul@1Kings:20:32 @ accinxerunt saccis lumbos suos et posuerunt funes in capitibus veneruntque ad regem Israhel et dixerunt servus tuus Benadad dicit vivat oro te anima mea et ille ait si adhuc vivit frater meus est
vul@1Kings:20:33 @ quod acceperunt viri pro omine et festinantes rapuerunt verbum ex ore eius atque dixerunt frater tuus Benadad et dixit eis ite et adducite eum egressus est ergo ad eum Benadad et levavit eum in currum suum
vul@1Kings:20:34 @ qui dixit ei civitates quas tulit pater meus a patre tuo reddam et plateas fac tibi in Damasco sicut fecit pater meus in Samaria et ego foederatus recedam a te pepigit ergo foedus et dimisit eum
vul@1Kings:20:35 @ tunc vir quidam de filiis prophetarum dixit ad socium suum in sermone Domini percute me at ille noluit percutere
vul@1Kings:20:36 @ cui ait quia noluisti audire vocem Domini ecce recedes a me et percutiet te leo cumque paululum recessisset ab eo invenit eum leo atque percussit
vul@1Kings:20:37 @ sed et alterum conveniens virum dixit ad eum percute me qui percussit eum et vulneravit
vul@1Kings:20:38 @ abiit ergo propheta et occurrit regi in via et mutavit aspersione pulveris os et oculos suos
vul@1Kings:20:39 @ cumque rex transiret clamavit ad regem et ait servus tuus egressus est ad proeliandum comminus cumque fugisset vir unus adduxit eum quidam ad me et ait custodi virum istum qui si lapsus fuerit erit anima tua pro anima eius aut talentum argenti adpendes
vul@1Kings:20:40 @ dum autem ego turbatus huc illucque me verterem subito non conparuit et ait rex Israhel ad eum hoc est iudicium tuum quod ipse decrevisti
vul@1Kings:20:41 @ at ille statim abstersit pulverem de facie sua et cognovit eum rex Israhel quod esset de prophetis
vul@1Kings:20:42 @ qui ait ad eum haec dicit Dominus quia dimisisti virum dignum morte de manu tua erit anima tua pro anima eius et populus tuus pro populo eius
vul@1Kings:20:43 @ reversus est igitur rex Israhel in domum suam audire contemnens et furibundus venit Samariam
vul@1Kings:21:1 @ post verba autem haec vinea erat Naboth Hiezrahelitae qui erat in Hiezrahel iuxta palatium Ahab regis Samariae
vul@1Kings:21:2 @ locutus est ergo Ahab ad Naboth dicens da mihi vineam tuam ut faciam mihi hortum holerum quia vicina est et prope domum meam daboque tibi pro ea vineam meliorem aut si tibi commodius putas argenti pretium quanto digna est
vul@1Kings:21:3 @ cui respondit Naboth propitius mihi sit Dominus ne dem hereditatem patrum meorum tibi
vul@1Kings:21:4 @ venit ergo Ahab in domum suam indignans et frendens super verbo quod locutus fuerat ad eum Naboth Hiezrahelites dicens non do tibi hereditatem patrum meorum et proiciens se in lectulum suum avertit faciem ad parietem et non comedit panem
vul@1Kings:21:5 @ ingressa est autem ad eum Hiezabel uxor sua dixitque ei quid est hoc unde anima tua contristata est et quare non comedis panem
vul@1Kings:21:6 @ qui respondit ei locutus sum Naboth Hiezrahelitae et dixi ei da mihi vineam tuam accepta pecunia aut si tibi placet dabo tibi vineam pro ea et ille ait non do tibi vineam meam
vul@1Kings:21:7 @ dixit ergo ad eum Hiezabel uxor eius grandis auctoritatis es et bene regis regnum Israhel surge et comede panem et aequo esto animo ego dabo tibi vineam Naboth Hiezrahelitae
vul@1Kings:21:8 @ scripsit itaque litteras ex nomine Ahab et signavit eas anulo eius et misit ad maiores natu et ad optimates qui erant in civitate eius et habitabant cum Naboth
vul@1Kings:21:9 @ litterarum autem erat ista sententia praedicate ieiunium et sedere facite Naboth inter primos populi
vul@1Kings:21:10 @ et submittite duos viros filios Belial contra eum et falsum testimonium dicant benedixit Deum et regem et educite eum et lapidate sicque moriatur
vul@1Kings:21:11 @ fecerunt ergo cives eius maiores natu et optimates qui habitabant cum eo in urbe sicut praeceperat eis Hiezabel et sicut scriptum erat in litteris quas miserat ad eos
vul@1Kings:21:12 @ praedicaverunt ieiunium et sedere fecerunt Naboth inter primos populi
vul@1Kings:21:13 @ et adductis duobus viris filiis diaboli fecerunt eos sedere contra eum at illi scilicet ut viri diabolici dixerunt contra eum testimonium coram multitudine benedixit Naboth Deo et regi quam ob rem eduxerunt eum extra civitatem et lapidibus interfecerunt
vul@1Kings:21:14 @ miseruntque ad Hiezabel dicentes lapidatus est Naboth et mortuus est
vul@1Kings:21:15 @ factum est autem cum audisset Hiezabel lapidatum Naboth et mortuum locuta est ad Ahab surge posside vineam Naboth Hiezrahelitae qui noluit tibi adquiescere et dare eam accepta pecunia non enim vivit Naboth sed mortuus est
vul@1Kings:21:16 @ quod cum audisset Ahab mortuum videlicet Naboth surrexit et descendebat in vineam Naboth Hiezrahelitae ut possideret eam
vul@1Kings:21:17 @ factus est igitur sermo Domini ad Heliam Thesbiten dicens
vul@1Kings:21:18 @ surge et descende in occursum Ahab regis Israhel qui est in Samaria ecce ad vineam Naboth descendit ut possideat eam
vul@1Kings:21:19 @ et loqueris ad eum dicens haec dicit Dominus occidisti insuper et possedisti et post haec addes haec dicit Dominus in loco hoc in quo linxerunt canes sanguinem Naboth lambent tuum quoque sanguinem
vul@1Kings:21:20 @ et ait Ahab ad Heliam num invenisti me inimice mee qui dixit inveni eo quod venundatus sis ut faceres malum in conspectu Domini
vul@1Kings:21:21 @ ecce ego inducam super te malum et demetam posteriora tua et interficiam de Ahab mingentem ad parietem et clausum et ultimum in Israhel
vul@1Kings:21:22 @ et dabo domum tuam sicut domum Hieroboam filii Nabath et sicut domum Baasa filii Ahia quia egisti ut me ad iracundiam provocares et peccare fecisti Israhel
vul@1Kings:21:23 @ sed et de Hiezabel locutus est Dominus dicens canes comedent Hiezabel in agro Hiezrahel
vul@1Kings:21:24 @ si mortuus fuerit Ahab in civitate comedent eum canes si autem mortuus fuerit in agro comedent eum volucres caeli
vul@1Kings:21:25 @ igitur non fuit alter talis ut Ahab qui venundatus est ut faceret malum in conspectu Domini concitavit enim eum Hiezabel uxor sua
vul@1Kings:21:26 @ et abominabilis effectus est in tantum ut sequeretur idola quae fecerant Amorrei quos consumpsit Dominus a facie filiorum Israhel
vul@1Kings:21:27 @ itaque cum audisset Ahab sermones istos scidit vestem suam et operuit cilicio carnem suam ieiunavitque et dormivit in sacco et ambulabat dimisso capite
vul@1Kings:21:28 @ factus est autem sermo Domini ad Heliam Thesbiten dicens
vul@1Kings:21:29 @ nonne vidisti humiliatum Ahab coram me quia igitur humiliatus est mei causa non inducam malum in diebus eius sed in diebus filii sui inferam malum domui eius
vul@1Kings:22:1 @ transierunt igitur tres anni absque bello inter Syriam et Israhel
vul@1Kings:22:2 @ in anno autem tertio descendit Iosaphat rex Iuda ad regem Israhel
vul@1Kings:22:3 @ dixitque rex Israhel ad servos suos ignoratis quod nostra sit Ramoth Galaad et neglegimus tollere eam de manu regis Syriae
vul@1Kings:22:4 @ et ait ad Iosaphat veniesne mecum ad proeliandum in Ramoth Galaad
vul@1Kings:22:5 @ dixitque Iosaphat ad regem Israhel sicut ego sum ita et tu populus meus et populus tuus unum sunt et equites mei et equites tui dixitque Iosaphat ad regem Israhel quaere oro te hodie sermonem Domini
vul@1Kings:22:6 @ congregavit ergo rex Israhel prophetas quadringentos circiter viros et ait ad eos ire debeo in Ramoth Galaad ad bellandum an quiescere qui responderunt ascende et dabit Dominus in manu regis
vul@1Kings:22:7 @ dixit autem Iosaphat non est hic propheta Domini quispiam ut interrogemus per eum
vul@1Kings:22:8 @ et ait rex Israhel ad Iosaphat remansit vir unus per quem possimus interrogare Dominum sed ego odi eum quia non prophetat mihi bonum sed malum Micheas filius Hiemla cui Iosaphat ait ne loquaris ita rex
vul@1Kings:22:9 @ vocavit ergo rex Israhel eunuchum quendam et dixit ei festina adducere Micheam filium Hiemla
vul@1Kings:22:10 @ rex autem Israhel et Iosaphat rex Iuda sedebat unusquisque in solio suo vestiti cultu regio in area iuxta ostium portae Samariae et universi prophetae prophetabant in conspectu eorum
vul@1Kings:22:11 @ fecit quoque sibi Sedecias filius Chanaan cornua ferrea et ait haec dicit Dominus his ventilabis Syriam donec deleas eam
vul@1Kings:22:12 @ omnesque prophetae similiter prophetabant dicentes ascende in Ramoth Galaad et vade prospere et tradet Dominus in manu regis
vul@1Kings:22:13 @ nuntius vero qui ierat ut vocaret Micheam locutus est ad eum dicens ecce sermones prophetarum ore uno bona regi praedicant sit ergo et sermo tuus similis eorum et loquere bona
vul@1Kings:22:14 @ cui Micheas ait vivit Dominus quia quodcumque dixerit mihi Dominus hoc loquar
vul@1Kings:22:15 @ venit itaque ad regem et ait illi rex Michea ire debemus in Ramoth Galaad ad proeliandum an cessare cui ille respondit ascende et vade prospere et tradet Dominus in manu regis
vul@1Kings:22:16 @ dixit autem rex ad eum iterum atque iterum adiuro te ut non loquaris mihi nisi quod verum est in nomine Domini
vul@1Kings:22:17 @ et ille ait vidi cunctum Israhel dispersum in montibus quasi oves non habentes pastorem et ait Dominus non habent dominum isti revertatur unusquisque in domum suam in pace
vul@1Kings:22:18 @ dixit ergo rex Israhel ad Iosaphat numquid non dixi tibi quia non prophetat mihi bonum sed semper malum
vul@1Kings:22:19 @ ille vero addens ait propterea audi sermonem Domini vidi Dominum sedentem super solium suum et omnem exercitum caeli adsistentem ei a dextris et a sinistris
vul@1Kings:22:20 @ et ait Dominus quis decipiet Ahab regem Israhel ut ascendat et cadat in Ramoth Galaad et dixit unus verba huiuscemodi et alius aliter
vul@1Kings:22:21 @ egressus est autem spiritus et stetit coram Domino et ait ego decipiam illum cui locutus est Dominus in quo
vul@1Kings:22:22 @ et ille ait egrediar et ero spiritus mendax in ore omnium prophetarum eius et dixit Dominus decipies et praevalebis egredere et fac ita
vul@1Kings:22:23 @ nunc igitur ecce dedit Dominus spiritum mendacii in ore omnium prophetarum tuorum qui hic sunt et Dominus locutus est contra te malum
vul@1Kings:22:24 @ accessit autem Sedecias filius Chanaan et percussit Micheam in maxillam et dixit mene ergo dimisit spiritus Domini et locutus est tibi
vul@1Kings:22:25 @ et ait Micheas visurus es in die illa quando ingredieris cubiculum intra cubiculum ut abscondaris
vul@1Kings:22:26 @ et ait rex Israhel tollite Micheam et maneat apud Amon principem civitatis et apud Ioas filium Ammelech
vul@1Kings:22:27 @ et dicite eis haec dicit rex mittite virum istum in carcerem et sustentate eum pane tribulationis et aqua angustiae donec revertar in pace
vul@1Kings:22:28 @ dixitque Micheas si reversus fueris in pace non est locutus Dominus in me et ait audite populi omnes
vul@1Kings:22:29 @ ascendit itaque rex Israhel et Iosaphat rex Iuda in Ramoth Galaad
vul@1Kings:22:30 @ dixitque rex Israhel ad Iosaphat sume arma et ingredere proelium et induere vestibus tuis porro rex Israhel mutavit habitum et ingressus est bellum
vul@1Kings:22:31 @ rex autem Syriae praeceperat principibus curruum triginta duobus dicens non pugnabitis contra minorem et maiorem quempiam nisi contra regem Israhel solum
vul@1Kings:22:32 @ cum ergo vidissent principes curruum Iosaphat suspicati sunt quod ipse esset rex Israhel et impetu facto pugnabant contra eum et exclamavit Iosaphat
vul@1Kings:22:33 @ intellexeruntque principes curruum quod non esset rex Israhel et cessaverunt ab eo
vul@1Kings:22:34 @ unus autem quidam tetendit arcum in incertum sagittam dirigens et casu percussit regem Israhel inter pulmonem et stomachum at ille dixit aurigae suo verte manum tuam et eice me de exercitu quia graviter vulneratus sum
vul@1Kings:22:35 @ commissum est ergo proelium in die illa et rex Israhel stabat in curru suo contra Syros et mortuus est vesperi fluebat autem sanguis plagae in sinum currus
vul@1Kings:22:36 @ et praeco personuit in universo exercitu antequam sol occumberet dicens unusquisque revertatur in civitatem et in terram suam
vul@1Kings:22:37 @ mortuus est autem rex et perlatus est Samariam sepelieruntque regem in Samaria
vul@1Kings:22:38 @ et laverunt currum in piscina Samariae et linxerunt canes sanguinem eius et habenas laverunt iuxta verbum Domini quod locutus fuerat
vul@1Kings:22:39 @ reliqua vero sermonum Ahab et universa quae fecit et domus eburneae quam aedificavit cunctarumque urbium quas extruxit nonne scripta sunt haec in libro verborum dierum regum Israhel
vul@1Kings:22:40 @ dormivit ergo Ahab cum patribus suis et regnavit Ohozias filius eius pro eo
vul@1Kings:22:41 @ Iosaphat filius Asa regnare coeperat super Iudam anno quarto Ahab regis Israhel
vul@1Kings:22:42 @ triginta quinque annorum erat cum regnare coepisset et viginti et quinque annos regnavit in Hierusalem nomen matris eius Azuba filia Salai
vul@1Kings:22:43 @ et ambulavit in omni via Asa patris sui et non declinavit ex ea fecitque quod rectum est in conspectu Domini
vul@1Kings:22:44 @ verumtamen excelsa non abstulit adhuc enim populus sacrificabat et adolebat incensum in excelsis
vul@1Kings:22:45 @ pacemque habuit Iosaphat cum rege Israhel
vul@1Kings:22:46 @ reliqua autem verborum Iosaphat et opera eius quae gessit et proelia nonne haec scripta sunt in libro verborum dierum regum Iuda
vul@1Kings:22:47 @ sed et reliquias effeminatorum qui remanserant in diebus Asa patris eius abstulit de terra
vul@1Kings:22:48 @ nec erat tunc rex constitutus in Edom
vul@1Kings:22:49 @ rex vero Iosaphat fecerat classes in mari quae navigarent in Ophir propter aurum et ire non potuerunt quia confractae sunt in Asiongaber
vul@1Kings:22:50 @ tunc ait Ohozias filius Ahab ad Iosaphat vadant servi mei cum servis tuis in navibus et noluit Iosaphat
vul@1Kings:22:51 @ dormivitque cum patribus suis et sepultus est cum eis in civitate David patris sui regnavitque Ioram filius eius pro eo
vul@1Kings:22:52 @ Ohozias autem filius Ahab regnare coeperat super Israhel in Samaria anno septimodecimo Iosaphat regis Iuda regnavitque super Israhel duobus annis
vul@1Kings:22:53 @ et fecit malum in conspectu Domini et ambulavit in via patris sui et matris suae et in via Hieroboam filii Nabath qui peccare fecit Israhel
vul@2Kings:1:1 @ praevaricatus est autem Moab in Israhel postquam mortuus est Ahab
vul@2Kings:1:2 @ ceciditque Ohozias per cancellos cenaculi sui quod habebat in Samaria et aegrotavit misitque nuntios dicens ad eos ite consulite Beelzebub deum Accaron utrum vivere queam de infirmitate mea hac